الموضوع: تقرير استثنائى عن استهلاك البنزين فى الصنى على مدار سنة ونصف ... حصريا

المشاركة الأصلية كتبت بواسطة HOSSAM_GABRE

التقري رائع جدا ووافى وبيدل بالتأكيد على مدى النظام والتنميق اللى بيتمتبع بيه صاحبه
اشكرك على التقرير الرائع .
وطبعا لازم الكل يحط فى الاعتبار ان العربية مانيول
والاوتوماتيك يقل عن كده فى حدود من 20 الى 30 كيلو
يعنى اعتقد لو اوتوماتيك فمعدل الاستهلاك بيكون 220 كيلو فى اللتر ودا كمتوسط داخل وخارج البلد .

شهادة اعتز بها يا استاذ حسام وكلامك فى محله فعلا وانا ضيفت كمان تقرير للاخ العزيز أيمن كمثال لاستهلاك الاتوماتيك

المشاركة الأصلية كتبت بواسطة wshawky

تقرير ممتاز زى ما توقعت :) شكرًا جزيلا يا باشا بس هو حساس الاكسجين ده نزل ابتداء من مو ٢٠١١ و لا أنا متلغبط؟

المشاركة الأصلية كتبت بواسطة wshawky

شكرًا على المعلومه دى. أنا اول مره اعرف ان فى ٢٠١٠ بحساس اكسجين . أنا فاكر قبل ما اشترى سالت على الموضوع ده بالتحديد و كذا حد قالى هينزل من مو ٢٠١١ و روحت مشترى فى مارس . لقد وقعنا فى الفخ

عربيتى استلام 6-2010 وحساس الاوكسجين موجود فى العربيات برقم شاسيه اعلى من 30xxx بغض النظر مو 2010 ولا 2011 لأن فيه عربيات 2010 بدون حساس ارقام شاسيه 29xxx

المشاركة الأصلية كتبت بواسطة mem

تسلم ايدك
تقرير مفصل وممييز
وده اللى تعودناه من الصقور

ربنا يخليك يافندم .. ويارب يكون عجبك واضاف لك معلومة جديدة موثقة

المشاركة الأصلية كتبت بواسطة zeznia

تقرير سوبر والله
انا لسه مفول العربيه انبارح بعد تغير الكاوتش
42لتر \413 كلم
وانا مش مبسوط من استهلاكها

ربنا يخليك يا خالد بيه .. بقينا نشد فى التقارير اهو بدل شد العربيات اللى بيبوظها هههههههههههه
وما تزعلش من استهلاكك يعنى انت بتعمل 9-10 كم فى اللتر وواضح انك بتحرق من ورايا او بتمون بنزين مغشوش

المشاركة الأصلية كتبت بواسطة hossam_zaky

الله ينور عليك يا جميل
تقرير رائع و مفصل
وفعلا أنت عامل مجهود مميز

ههههههههههههههه تسلم يا غالى .. زورونا تجدوا ما يسركم

المشاركة الأصلية كتبت بواسطة aboamr

تقرير رائع يادكتور بس فيه نفطتين
حساس الاوكسجين فعلا له تأثير فى استهلاك العربيه
سرعات فوق 140 بتزيد من الاستهلاك

تسلم يا استاذ عاطف ..
فعلا حساس الاكسجين له تأثير بس طفيف لا يكاد يذكر ولا يتعدى 5-7% من رأيى
وطبعا السرعات فوق ال140 كم بتزود الاستهلاك وانا فعلا على مدار السنة ونصف وصلت كتير ل140 وفضلت ماشى عليها حوالى 50 كم واقصى سرعة 150 مرة واحدة فقط وكتير جدا بامشى 110-120 كم وده استهلاكى فى الاخر كاجمالى !!!

المشاركة الأصلية كتبت بواسطة Ahmazong

بقولك صحيح يا يوسف باشا .. لما عرضت الكاوتش مش المفروض كنت قللت طول profile بتاعه يعني بدل 65 يبقى 60 ولا لأ ؟؟ .. وحل استهلاك البنزين زاد معاك ؟؟؟؟؟؟؟؟؟؟؟؟؟؟

فعلا كلامك صحيح وكنت ناوى اعمل كده فعلا بس مالقتش عند الراجل وانا باركب غير 195/65 وده زود قراءة العداد 2% ورفع العربية واحد سم (نص فوق ونص تحت) وباحس بهواء تحت العربية فوق ال100كم/س لكن معدل الاستهلاك تأثر بشكل غير ملحوظ 10-20 كم فى الصفيحة على اقصى تقدير
والمرة الجاية باذن الله هارجع تانى ل185/65

المشاركة الأصلية كتبت بواسطة SonaSteel

يوسف ماشاء الله عليك يا دوك
والله ربنا يجزيك عنا خير وعن تقاريرك التحفة ديه ويباركلك في وقتك ومجهودك يارب
هو نايل موتورز كده دايما بيطلع المواهب هههههههههههههههههههههه
ربنا يباركلك فيها يارب ويرزقكك خيرها ويكفيك شرها

تسلم يا حبى ده بعض ما عندكم واكيد كل اعضاء نيسان عندهم مواهب مدفونة ولازم نطلعها هنا وفى ذلك فليتنافس المتنافسون

المشاركة الأصلية كتبت بواسطة SonaSteel

دلوقتي الصورة ديه




عندي لما بتوصل للشرطة ديه مرة بيبقي عاملة 295 كم ......... ومرة 240 تقريبا
للعلم مشي كله جوة البلد ....... القيادة : بغباوة هههههههههههه
بنقل علي من 3.5 - 4 ار بي ام ....... يبقي كده كويس ولا كتير ولا ايه ؟؟

عادى جدا مع واحد بيحرت العربية زى سعادتك وانا لما باسوق فى خنقة وزحمة والقاهرة وايام الصيف كنت باشغل التكييف كنت باوصلها فعلا عند 300 كم مش اقل من كده
والحل تخف رجلك ع البنزين شوية وتنقل على 3-3.5 وده من بعد الغيار الثالث .. اول وثانى لألألألألألألألألألأ

المشاركة الأصلية كتبت بواسطة sedyrohy

هاااااااااااااااااااااااا ااااااااااااااااااااااااا اااااااااااااايل

بجد ربنا يجازيك كل خير

تقرير على مستوى عالي من الدقه

انا بقيت مستني تقاريرك المتميزه و الغريبه

هههههههههههههههههه يا محمد بيه انت بالذات ما تقولش تقارير غريبة ومتميزة .. تشكر يا باشا على شهادتك دى

المشاركة الأصلية كتبت بواسطة goudamahdy

ما شاء الله لا قوة إلا بالله ......

ايه الحلاوة دي يا باشا والدقة في الكتابة والشغل والترتيب والتنظيم العالي ده .....

فين بقي الاستهلاك العالي بتاع الصني .... يا ريت اللي " بيسمع "حااجة عن النيسان والبنزين .. بس يكلف نفسه وييجي يقرا التقري الجميل ده

باتمنى الموضوع ده يتثبت ... نرجو ذلك من الإدارة الغالية .... أو ع الأقل يثبتوه لفترة وجيزة زي موضوع أخونا م. بيشوي

تسلم ايديك وعنيك يا باشا ع المجهود الاكثر من رائع ده ........ ... ومنتظرين المزيييييييد

شكرا جزيلا يا دكتور .. عشان تعرف ان اللى بيغيب علينا كتير بيخسر كتير

المشاركة الأصلية كتبت بواسطة ahmed_rahem

موضوع اكتر من رائع ويسكت الى بيقول استهلاك كبير
وانا كمان بضم صوتى ليك الموضوع دة لازم يتثبت فترة كفاية لانة مفيد لدرجة كبيرة جداً.

شكرا يا ابو حميد ربنا يخليك

وباذن الله الموضوع يتثبت وحتى لو ما حصلش كلنا هانستخدمه فى الرد على اى حد يفتح سيرة استهلاك البنزين تانى

المشاركة الأصلية كتبت بواسطة aiman0173

ما شاء الله يا دكترة تقرير متميز من شخص أكثر من متميز وزي ما قولتلك قبل كده هستأذنك في وضع جدول يوضح إستهلاكي هو طبعا هيكون أعلى من كده شويه لأن العربية أتوماتيك ومفيهاش حساس الاكسوجين

تميز التقرير راجع لوجودك ومشاركتك فيه يا استاذ ايمن
واطمن العملية تمت بنجاح الحمد لله وكده بقى عندنا المانيوال والاوتوماتيك عشان ما يبقاش لحد حجة