رابطة مالكى الاكسيل-الجزء الثانى

**a7medsh3rawi** · 20-09-2012 08:12 PM

المشاركة الأصلية كتبت بواسطة su35flanker

اخيرا تفضلا منك
ما هو الفرق بين الفتيس الاوتو واير و كهربا ؟

الفتيس الواير من اسمه كان نازل فى العربيات الكربراتير القديمه زى المرسيدس 84 e200 لان ماكانش فيها كمبيوتر للموتور او للفتيس وبيعتمد على عدد لفات الفتيس يعنى بيقلب الغيارات على حسب سرعة العربيه ودا يعتبر اول ظهور للاوتوماتيك.
اما الفتيس الكهربا ظهر مع المواتير الانجكشن والكمبيوتر ومعاه ضفيرتين واحده للموتور والتانيه للفتيس ودا اللى شغاله عليه العربيات الحديثه دلوقتى.

**magid1010** · 20-09-2012 09:46 PM

المشاركة الأصلية كتبت بواسطة aabozid

بسم الله الرحمن الرحيم
أولا تحياتي لكل الأعضاء الموجودين في رابطة مالكي الأكسيل خاصة المهندس نادر و أتمني أني أتعرف عليه شخصيا لأنه من الشخصيات كما قرات في الرابطة نشيط و يساعد الأخرين دون تردد و لا أبخس أيضا باقي المشاركين الذين يدلون بمشاركاتهم الفعالة و التي هي عون لمن يحتاج.
أسمي أشرف محمد عضو جديد من تقريبا اسبوعين لرابطة مالكي الأكسيل و لفضل الله الأن لدي عربية هيوانداي اكسيل 1300 cc موديل 1997 . الصراحة كنت أتمني أنه تكون أول مشاركة لي فعالة للأعضاء و لكن مشاركتي المتواضعة هذه أرجوا أن تقبلوها و هي مراية شمال أكسيل سعر 110 جنيه الكوري و هي موجودة بالتوفيقية وأنا اشتريتها من شركة أسمها الشروق في الحرفيين بعد لف شوية يعني . و ان شاء الله ربنا يوفقني و أعمل مرجع لكل مشاركات الأكسيل الجزء الأول علي هيئة ملف pdf أدعوا لي ربنا يوفقني لأني وصلت للصفحة رقم 200 و تمنياتي لكل مالكي الأكسيل بالتوفيق .
شكرا لكم

الف شكر على مجهودك ده حيبقى مرجع

**amoor89** · 20-09-2012 10:30 PM

حد عنده فكره عن سعر المساعدين الخلفى kyb عاملين كام + الدنجل استيراد وشداد الفتيس ودراع الكوبلن سواء جديد او استيراد

**EngAhmedSakr** · 21-09-2012 07:24 AM

المشاركة الأصلية كتبت بواسطة lion_heart

سلوك البوجيات كورى هيونداى بالعلامة المائية
و لا كورى بس

هي مكتوب عليها بالإنجلش

قطعة أصليه - صنع في كوريا .... لكن الحقيقه ما اعتقدش ان لمحت كلمه هيونداي عليها .

**aabozid** · 21-09-2012 08:42 AM

السلام عليكم و رحمة الله و بركاته
زملائي الأكسلاوية ياريت لو حد ممكن يقولي حوض الزيت اللي أسفل الموتور بيعمل كام ؟ لأن الحوض عندي من تحت واخد خبطة من المالك اللي قبلي و بالرغم من أن الحوض مش بينقط أو يرشح بس مضايقني جدا و قلت لو سعره معقول اغيره و اريح نفسي. جزاكم الله خيرا علي المساعده

**Magoda** · 21-09-2012 04:51 PM

المشاركة الأصلية كتبت بواسطة engonear

يعنى ازاى انضف طرمبة باور بزيت موتور والله يا جماعه حرام اللى بيعملوه الميكانيكيه دا ولازم حضرتك ترجعله وتقوله الطرمبه يا اما شغاله يا اما بايظه انما لو عايز تعملها نضافه حط زيت باور وحرك الدركسيون يمين وشمال لغاية ما الزيت يمشى فى الدوره كلها وبعد كدا هتفتح اللاكور وتفضى الزيت وتحط زيت موبيل بس اهم حاجه تفضى الهوا كله اللى جوا المواسير وتتأكد ان الطرمبه شغاله ومفيهاش عيب.

بسبب ان الزيت اللى جوه المواسير والطرمبه مخلوط والميكانيكى ما فضاش الهوا اللى جوه الدايره.

مشكور على الرد الجمييل ده ومشكور لكل الاكسلاوية
انا كلمته وقلتله قالى تلاقى البلف عايز يتغير متقلقش من حاجه وقمت قايله على فكرة غلط نخلط زيت على بعض قالى كل واحد بيشتغل بطريقته قلتله خلاص هجيبلك تصلحه وتكون اخر مرة مش عايز اجيلك تانى وبنا يسهل ويتصلح .

**alsayedsabry** · 21-09-2012 05:27 PM

المشاركة الأصلية كتبت بواسطة magoda

بص أنا ليا رأى وأنا بعمل كدته فى عربيييتى
شكل العربيه انا مش بهتم بيه العربيه وهيا مركونة فى الشارع بنزل بلاقيها مخبوطة وخبطات رخمة أنا اللى بهتم بيه صيانه العربيه الاساسيات يعنى انما الباقى لما بيكون معايا فلوس بظبطها واحده واحده وانا كمان بفكر ابيعها فمش ناوى ارش أو سمكرة بصلح اللى يستاهل ويخلى العربيه تمشى معايا كويس ويارب اكون أفدت

شكرا يا باشا على ردك وطبعا افدت

**stariieg** · 21-09-2012 06:21 PM

ممكن استفسار يا شباب
انا عندى العربية 1300 يعنى مش بور
كنت عاوز اخليها بور
هل حد جرب الموضوع دا
ياترى ايه الحاجات اللى مطلوبة و هتدخل فى حدود كام فلوس

و شكراً

**singary2010** · 21-09-2012 08:52 PM

السلام عليكم ورحمته الله وبركاته
عندى مشكله وهى ان كل يومين انظف العربيه من الداخل من التراب ودى حاجه تعبانى جدا
مع انى بشوف عربيات لما تتقفل ما فيش ذرة تراب تتدخل جوه العربيه
ياريت لو فى حد عنده حل للموضوع ده

اللهم صل على محمد وعلى آله وصحبه أجمعين

**singary2010** · 21-09-2012 08:55 PM

عندى سؤال
عايز اعرف سعر الجرايد اللى بتركب على الابواب الاربعه والرفرفين
انا عارف ان منهم اللى بيركب بكلبسات ومنهم اللى بيركب باللصق دابل فيس
السعر كام ومنين ؟