رابطة مالكى الاكسيل-الجزء الثانى

**Magoda** · 27-04-2014 01:56 PM

المشاركة الأصلية كتبت بواسطة zumawy

يا جماعة هو فبي حد اشتري علبة دركسيون قريب و هل اشتراها صيني ولا نوعها اية وبكام ولا نجيب استيراد

نصيحة أخوية بلاش الصينى فى أى حاجه مش هيعمر معاك هات جديد يأما إستيراد ... إنزل ابراهيم البنا فى التوفيقية قطع الغيار عنده أصلية كلها إسأل على سعرها وإنزل عزبة شلبى إسأل عليها إستيراد بس مشكلة الاستيراد انك لازم تكون فاهم وانت بتشترى عشان مش يتنصب عليك ...... بالتوفيق وابقى قولنا عملت ايه .. سلام

**hamisa08** · 27-04-2014 05:19 PM

الكوتشات اللى على شكل سوستة صغيرة اللى كبوت بيقفل عليها مصدات كبوت حد يعرف بكاام ؟؟ ولا هى بتتباع اصلا؟؟

**zumawy** · 27-04-2014 10:56 PM

يا جماعة كنت عايز اسال علي رش السيارة انا العربية عندي فابريكة خوارج ومستخسر ارشها . هيا فيها شوية خبطات في الجنب. والكبوت عيز. يتغير . رايكو ممكن ارش حزام فقط ام لا . السوال بقي هل الحزام هيطلع نفس لون العربية . ام لا علما بان لون العربية شامبين فاتح جدا لدرجة قربة من اللوة الفضي . ارجو افادتكم . وتقريبا تكلفة السمكرة الجوانب ورش الحزام كام . ولكم جزيل الشكر

**zumawy** · 27-04-2014 10:59 PM

المشاركة الأصلية كتبت بواسطة magoda

نصيحة أخوية بلاش الصينى فى أى حاجه مش هيعمر معاك هات جديد يأما إستيراد ... إنزل ابراهيم البنا فى التوفيقية قطع الغيار عنده أصلية كلها إسأل على سعرها وإنزل عزبة شلبى إسأل عليها إستيراد بس مشكلة الاستيراد انك لازم تكون فاهم وانت بتشترى عشان مش يتنصب عليك ...... بالتوفيق وابقى قولنا عملت ايه .. سلام

هةو انا كنت سالت عليها الاصلي من عند المنير فيصل من اكتر من سنة ٧٥٠ الاصلي العادة و ١٢٠٠ الاصلي باور . بس انا شايف انها غالية . يعني مفيش حاجة وسط بين الصيني اللي ب ٢٥٠ والا صلي ٧٥٠

**amoor89** · 28-04-2014 07:52 AM

المشاركة الأصلية كتبت بواسطة hamisa08

الكوتشات اللى على شكل سوستة صغيرة اللى كبوت بيقفل عليها مصدات كبوت حد يعرف بكاام ؟؟ ولا هى بتتباع اصلا؟؟

بتتباع عادى واسمها صدادات كبوت هيونداى ب5 جنيه الواحدة بس مقولكش سورى زبااااالة مبتكملش شهرين وتتهرى نفسى الاقى حاجة نضيفة

**Magoda** · 28-04-2014 03:05 PM

المشاركة الأصلية كتبت بواسطة hamisa08

الكوتشات اللى على شكل سوستة صغيرة اللى كبوت بيقفل عليها مصدات كبوت حد يعرف بكاام ؟؟ ولا هى بتتباع اصلا؟؟

موجوده عند ابراهيم البنا فى التوفيقية وسعرها رخيص

**Magoda** · 28-04-2014 03:19 PM

المشاركة الأصلية كتبت بواسطة zumawy

يا جماعة كنت عايز اسال علي رش السيارة انا العربية عندي فابريكة خوارج ومستخسر ارشها . هيا فيها شوية خبطات في الجنب. والكبوت عيز. يتغير . رايكو ممكن ارش حزام فقط ام لا . السوال بقي هل الحزام هيطلع نفس لون العربية . ام لا علما بان لون العربية شامبين فاتح جدا لدرجة قربة من اللوة الفضي . ارجو افادتكم . وتقريبا تكلفة السمكرة الجوانب ورش الحزام كام . ولكم جزيل الشكر

لأ بلاش رمها على البارد
عايزة واحد يكون محترف عشان يخلى اللون زى القديم وطبعا انت عارف المحترفين كتير :b4_237: خليها كدته أحسن وبعد فترة كدته رشها كلها

بالنسبة لسعر الرش بتختلف من نوعية البوية
اوميجا ده نوع رخيص ومنصحكش بيه بعد فترة اللون بيطفى بس نص الشعب بيستخدمه عشان رخيص وبيلم العربيه وخلاص
سكينز احسن البويات الميتاليك الموجودة فى السوق

وفى الاخر برضة على حسب الصنايعيى اللى بتتعامل معاه ياريت تدور على حد يكون ايده حلوة عشان الشغل يطلع كويس ...... بالتوفيق

**m_niasy** · 29-04-2014 12:34 AM

مصدات الكبوت دية تلاقي الواحدة بجنية او حاجة زى كده وبتتباع على الرصيف في التوفقية مش مشكلة يعني

**kamose** · 29-04-2014 04:53 AM

السلام عليكم ورحمة الله وبركاته

انا غيرت 2 كاوتش امامي جديد ونقلت الي قدام ورا وبتاع الكاويتش رصص الكاوتشين الي قدام . والكلام دا كان في القاهره وكنت راجع مسافر وبعد ما العداد بيعدي ال 100 الاقي العربيه ترعش وترجرج معايا. المهم روحت لبتاع للميكانيكي لاقي ان العربيه عايزه تتعمل من تحت الاكصدام الامامي كان مطقطق وكانت عايزه تتلحم ولحمتها عند السمكري ورحت ضبط زوايا بالكمبيوتر ولاكن يادوب اعدي ال 105 ك وبرده ترعش وترجرج.
هو ممكن العيب يكون فين افيدوني . علما بأن الكوبلين اليمين الميكانيكي قالي عايز يتغير .. هو ممكن الكوبلن السبب ولا في حاجه تانيه.
أعزكم الله ... وشكرا