رابطة مالكى الاكسيل-الجزء الثانى

**hamisa08** · 29-04-2014 04:07 PM

المشاركة الأصلية كتبت بواسطة zumawy

يا جماعة كنت عايز اسال علي رش السيارة انا العربية عندي فابريكة خوارج ومستخسر ارشها . هيا فيها شوية خبطات في الجنب. والكبوت عيز. يتغير . رايكو ممكن ارش حزام فقط ام لا . السوال بقي هل الحزام هيطلع نفس لون العربية . ام لا علما بان لون العربية شامبين فاتح جدا لدرجة قربة من اللوة الفضي . ارجو افادتكم . وتقريبا تكلفة السمكرة الجوانب ورش الحزام كام . ولكم جزيل الشكر

والله انا راى الشخصى لية اركب عربية شكلها مبقع او من غير بوية علشان يكون اسمها فبريكة ,, هو انا شريها للسوق و لا علشان العربية يكون شكلها جميل وحلو معايا ؟,, عربيات كتير موديل السنة دى 2014 وبتكون رشه عادى جدا
وسواء هترشها فى التوكيل او عند بتاع تلاجات بفرشة

هيجيب رقم البوية من الكبوت هيرشهالك كلها و هيلمع السقف والشنطة وهتكون مياه واحدة وسعر رش العربية حوالى 1600 تقل شوية او تزيد شوية بس اقل من 1400 دة سيبة وامشى

**hamisa08** · 29-04-2014 04:08 PM

كتر خيركم يا جماااعه انا كان نفسى اعرف اسمها ,, علشان وانا بجرى بالعربية الكبوت عندى بيهفهف " يتهز " اكيد منة

**hamisa08** · 29-04-2014 04:10 PM

سوال يا جماعه ثرموتات الكوعة انا مركبها اشيلها فى الصيف ولا اية ؟؟؟؟ مع العلم انا بزود كل تلات ايام مياه ,, هو مش كتير بس اكتر بكتير لما كانت من غير كوعة ؟

**amoor89** · 29-04-2014 06:16 PM

المشاركة الأصلية كتبت بواسطة hamisa08

سوال يا جماعه ثرموتات الكوعة انا مركبها اشيلها فى الصيف ولا اية ؟؟؟؟ مع العلم انا بزود كل تلات ايام مياه ,, هو مش كتير بس اكتر بكتير لما كانت من غير كوعة ؟

شيلها فى الصيف وركبها فى الشتا بس انت متأكد ان مفيش تسريب ميه ؟
لو مفيش ابقى خد الهوا من الدورة صح وهى انك تدور العربية وتسيبها تسخن والمروحة تشتغل مرتين تلاتة كل ده وانت شايل الخرطوم من قربة المية خالص ولما تخلص اظبط الميه فى القربة على full بالظبط واقفل وان شاء الله نقص المية هيقل

**eldissouky** · 01-05-2014 08:13 PM

لو تكرمتم حد يعرف اسعار الزجاج الامامي كام و اجيبه منين ؟؟؟

**osos38516** · 02-05-2014 12:26 PM

المشاركة الأصلية كتبت بواسطة eldissouky

لو تكرمتم حد يعرف اسعار الزجاج الامامي كام و اجيبه منين ؟؟؟

لسه شاريه من 6 اشهر ب 300 ج بالتركيب كان بتاع اكسيل ثلاث طبقات و محل تانى ساعتها قالى 340 ج
و اللى فهمته فى حوار زجاج السيارات ان زجاج جريش انضف حاجه بس عموما الزجاج الامامى كويس الحمدالله
اكيد هتلاقى عندك فى المنطقه و انت ماشى حد حاطط زجاج عربيه امام محله او فى اى منطقه و انت ماشى بتنزل تسأله عند زجاج الاكسيل الثلاث طبقات و سعره و كذا واحد تسألهم لحد ما تلاقى اقل سعر بس يكون الزجاج سليم مش مصلحه او مشرخ فى اى زاويه مداريه

**aymanhanafy77** · 02-05-2014 05:30 PM

السلام عليكم,
برجاء المساعدة في تسعير هيونداي اكسيل موديل 1994:
المواصفات كالآتي:
برجاء تسعير هيونداي اكسيل:
موديل 94 -1300 cc - مانيوال - كوري خليجي - رخصة حتى يونيو 2015
اللون فضي ميتاليك
دواخل فابريقة - وش نظافة من الخارج من كام سنة المالك الاول
حالة الدهان الخارجي فوق الجيد لا يستدعي الرش
حالة الموتور: ممتازة (لسه عامل نص عمرة من اسبوع)
حالة العفشة ممتازة
حالة اصالون جيدة جدا
سنتر - 4 زجاج كهرباء - تحتاج الى تكييف (كومبريسور وسربنتينة)
حالة الكاوتش جيدة جدا
السيارة لا تحتاج لمصاريف باستثناء التكييف

شكرا ليكم

**hamisa08** · 03-05-2014 01:38 AM

المشاركة الأصلية كتبت بواسطة eldissouky

لو تكرمتم حد يعرف اسعار الزجاج الامامي كام و اجيبه منين ؟؟؟

ومصنع جريش كلة موجود فى العاشر من رمضان والزجاج اللى قدام عامل 270 بالتركيب ومصنع فاتح من 8 الى 3 تقريبا

**h_4net** · 03-05-2014 02:12 PM

رحت امبارح عند ابراهيم البنه
جبت بليه كاتينه 80 اصلى
سير مولد 20
اكره باب يمين معدن 35

محدش يعرف مفتاح كام الى بيفك مسمار اكرة الباب لحسن الصنيعيه هنا يركبو حاجه يبوظو عشره

**ايمن فهمى** · 03-05-2014 09:30 PM

المشاركة الأصلية كتبت بواسطة aymanhanafy77

السلام عليكم,
برجاء المساعدة في تسعير هيونداي اكسيل موديل 1994:
المواصفات كالآتي:
برجاء تسعير هيونداي اكسيل:
موديل 94 -1300 cc - مانيوال - كوري خليجي - رخصة حتى يونيو 2015
اللون فضي ميتاليك
دواخل فابريقة - وش نظافة من الخارج من كام سنة المالك الاول
حالة الدهان الخارجي فوق الجيد لا يستدعي الرش
حالة الموتور: ممتازة (لسه عامل نص عمرة من اسبوع)
حالة العفشة ممتازة
حالة اصالون جيدة جدا
سنتر - 4 زجاج كهرباء - تحتاج الى تكييف (كومبريسور وسربنتينة)
حالة الكاوتش جيدة جدا
السيارة لا تحتاج لمصاريف باستثناء التكييف

شكرا ليكم

30000