رابطة مالكى الاكسيل-الجزء الثانى

**hamisa08** · 07-05-2014 04:05 PM

المشاركة الأصلية كتبت بواسطة h_4net

الف شكر على الرد ان شاء الله في اقرب وقت انزل اجيبه

بنسبه لموضوع الاعضاء الجدد انا واحد منهم دي اول عربيه اجبها واتعلمت فيها السواقه انا بدخل كل يوم اشوف المواضيع الجديده والقديمه بقرا فيها فيها معلومات كتير
بس مقدرش افيد حد لاني معنديش الخلفيه السليمه كل الى بقدر اعمله لما بشتري حاجه بكتب منين وبكام

معلش سؤال :)
انا قريت ان الموبينه لو بايظه تخلى العربيه فيها رجه
انا غيرت قاعده الماتور ولسه برده روحت عند الموبينه لاقيت صوت زي طرقعه كهربا كده
هيه كده بايظه ولا عادي وسعرها تقريبا كام

ههههههههه حاضر

غيرت كام قاعدة لموتور ؟؟ الكبيرة اللى ورا ولا القصيرة اللى قدام ؟؟؟

و الموبينة بطلع شرارتين واحد احمر و واحد تانى ازرق مين فيهم السليم ومين البايظ مش فاكر بصراحة

والموبينة لما بتبوظ بتدى صوت تك تكة كدة والعربية دايرة تك تكة كهرباء " زى صوت مااس ربنا يحفظنا" وبعدين بتفصل خالص تقطع مياه ونور

**hamisa08** · 07-05-2014 04:08 PM

وانا بغير الزيت اخر مرة زودلى فوق المقياس كدة غلط ولا اييية ؟؟

**h_4net** · 07-05-2014 09:23 PM

المشاركة الأصلية كتبت بواسطة hamisa08

وانا بغير الزيت اخر مرة زودلى فوق المقياس كدة غلط ولا اييية ؟؟

معلومه على قد حالى
على حسب علمى لو الزياده فوق المقاس بحاجه صغيره ملى اواتين ممكن تمشي عادى بس لو اكثر من واحد سنتى غلط

بالنسبه للقاعدة الماتور غيرت الاماميه الضغيره لانها كانت الجلد الى فيها خلصان مكنتش شايفه خالص
اما الى ورا مغيرتهاش الميكانيكي قالى كويسه

**dramyd** · 08-05-2014 12:56 PM

المشاركة الأصلية كتبت بواسطة hamisa08

وانا بغير الزيت اخر مرة زودلى فوق المقياس كدة غلط ولا اييية ؟؟

زيت زيادة = يضعف طقم الشنبر
افتح الطبه اللى تحت وحاول تنزل منها وحدة وحدة لاحد متظبط المقاس .
متنساش خلى العربية فى وضع متوازن على الارض وانت بتقيس

**mado83** · 08-05-2014 01:07 PM

المشاركة الأصلية كتبت بواسطة hamisa08

رساله عتاب لاعضاء الرابطة

لما حد بيكون عندة مشكلة وخاصة الاعضاء الجدد يبعتوا المشاركة كذا مرة واسائلة كتير جداا على نفس المشكلة " فى الغالب بتكون اسئلة خايبة " وبعد ما يعرف الرد بتاعة ,, مش بنشوفة خالص فى اى مشاركة تانية و رد على اى اسئله لينا
صام وصلاه لامر ما ,, فاذا قضى الامر ........

وشكرا لجميع الاعضاء القدام لسرعة الرد مثل " ماجود , مادو , اموون , المنار , دراميد ,.... وكتير طبعا مش عارف اكتب اسمهم بالعربى

ياعم hamisa
اولا اعمل حسابك انك بترد لله اولا
ثانيا اصبر عليهم هتبص تلاقى رجليهم جت بس واحده واحده
ثالثا ربنا يديم المعروف مابيننا ويجمعنا فى الخير دايما والاعضاء الفعاله يبقو اكتر من كده بكتير
رابعا بقه انته نسيت تكتب سنجارى وانا كده هزعل اوى اوى اوى

**hamisa08** · 08-05-2014 01:51 PM

المشاركة الأصلية كتبت بواسطة mado83

ياعم hamisa
اولا اعمل حسابك انك بترد لله اولا
ثانيا اصبر عليهم هتبص تلاقى رجليهم جت بس واحده واحده
ثالثا ربنا يديم المعروف مابيننا ويجمعنا فى الخير دايما والاعضاء الفعاله يبقو اكتر من كده بكتير
رابعا بقه انته نسيت تكتب سنجارى وانا كده هزعل اوى اوى اوى

الحمدلله

وكمان احلى تحية لزميلنا سنجارى اللى عربيته لونها احمر كدة كويس

**hamisa08** · 08-05-2014 01:56 PM

المشاركة الأصلية كتبت بواسطة dramyd

زيت زيادة = يضعف طقم الشنبر
افتح الطبه اللى تحت وحاول تنزل منها وحدة وحدة لاحد متظبط المقاس .
متنساش خلى العربية فى وضع متوازن على الارض وانت بتقيس

طب لو فتحت غطا الماتور ودورت علشان يتبخر شوية حوالى عشر دقايق على ما العربية تسخن غلط ؟؟

**mado83** · 08-05-2014 02:15 PM

المشاركة الأصلية كتبت بواسطة hamisa08

طب لو فتحت غطا الماتور ودورت علشان يتبخر شوية حوالى عشر دقايق على ما العربية تسخن غلط ؟؟

انته كده هتبهدل الماتور زيت
روح ياعم لاى حد بيغير زيت يفكلك الطبه ب2ج وينزلك شويه زيت وخلاص
حتى لو نزل شويه اكتر من اللازم مش مهم لحد لما تروح والعربيه تبرد وترجع تظبط زيتك تانى يوم تانى بالهداوه بقه

**ollyface** · 09-05-2014 12:49 AM

احلي مسا علي ملاك احلي عربية فالدنيا
انا اوليفر 15 سنة
ايوة 15 لسا مطلعتش رخصة هههه , بس موضوع العربيات ده في دماغي اوي
انا معايا اكسيل 98 1500 cc مانيوال
بصو انا بحس انها مش بتقدر تسحب بعد 100 الا لما اهريها بنزين
وثانيا : لما اكون فالزحمة واجي اترس عالناس وكدا او اجي اشد مع واحد واهرس الدواسة اوي الاقيها بتسكت حبة كدا كانها بطلت او كاني جبت غيار الاول بدل التالت كدا , بعدين تقوم تنطر يا تري ده فايه ,انا حاطط فلتر k&n مطلعو من الكبوت ياتري ده ليه دعوة
وتاني حاجة العفشة , حد عنده نصايح اكيد كله مجرب السوست الي ورا
وارجو الرد