رابطة مالكى الاكسيل-الجزء الثانى

**Walid Adel** · 01-09-2014 07:03 PM

المشاركة الأصلية كتبت بواسطة ايمن فهمى

بص ياباشا انت ياما هتشوف من عفشه الاكسيل ( عادى جدا )

وأسأل الناس معانا هنا كلهم بيعيطو منها

هههههههههههههههههه
فمتشغلش بالك اعمل المطلوب واتكل على الله وهى هتبقى تمام بعد كده
وبعدين السعر اللى انت شارى بيه حلو قوى وخاصه لو العربيه سيدان
أتأكد بس من حاجه مهمه قوى وهى ان مفيش لحامات فى فردتين الشاسيه ولو تمام اعمل المطلوب ومتخفش هتظبط معاك والله

الف شكر علي ردك استاذ ايمن وهي العربيه سيدان ومافيش خبط ولا لحام ف الشاسيه وان شاء الله هاعمله لان صعب امشي بيها كده وبالنسبه للتكيف هل اشحنه واشغله ولا هايأثر علي الماتور

وشكرا علي اهتمامك

**zumawy** · 01-09-2014 09:18 PM

مساء الفل علي رابطتنا الجميلة . معايا هيوانداي اكسيل موديل ٩٧ .مرشتش برة. السقف كويس والقوايم مفهومش اي حاجة بس جوانب العربية فيها خبطات اتردت قبل كدة علي البارد . وعايز اغير اكصدامين وكمان حتة بارومة تحت كرسي السواق واغير كابوت استيراد او جديد. كنت عايز اضبط الكلام دة وارش العربية حزام بنفس لون السيارة تفتكروا تكلف كام السمكرة والرش وهل في سمكري محترم قريب من اول الهرم . او نصر الدين .

**Magoda** · 02-09-2014 11:24 AM

المشاركة الأصلية كتبت بواسطة walid adel

الف شكر علي ردك استاذ ايمن وهي العربيه سيدان ومافيش خبط ولا لحام ف الشاسيه وان شاء الله هاعمله لان صعب امشي بيها كده وبالنسبه للتكيف هل اشحنه واشغله ولا هايأثر علي الماتور

وشكرا علي اهتمامك

شغل التكيييف يا عمونا أومال هما مركبينه ليه شغله وتوكل على الله
روح اعمله طقم سيرفيس وبعد كدته اشحنه وهيبقى طلقه معاك ولا هيأثر على الماتور ولا حاجه
ونا اعرف واحد كويس جدا هيخليلك تكيييف تلااااااااااجة

**Magoda** · 02-09-2014 11:30 AM

المشاركة الأصلية كتبت بواسطة zumawy

مساء الفل علي رابطتنا الجميلة . معايا هيوانداي اكسيل موديل ٩٧ .مرشتش برة. السقف كويس والقوايم مفهومش اي حاجة بس جوانب العربية فيها خبطات اتردت قبل كدة علي البارد . وعايز اغير اكصدامين وكمان حتة بارومة تحت كرسي السواق واغير كابوت استيراد او جديد. كنت عايز اضبط الكلام دة وارش العربية حزام بنفس لون السيارة تفتكروا تكلف كام السمكرة والرش وهل في سمكري محترم قريب من اول الهرم . او نصر الدين .

مبروك عليك العربيه وربنا يديك خيرها وربنا يكفيك شرها

بص من كلامك انك هتشترى اكصدامين وكابوت وشوية ردود على البارد ومدام هترش يبقى خليها سخن
قطع الغيار هتخشلك فى سكة الـ 1000ج أو أقل ومصنعية السمكرة ودوكو فى رنج 1000 - 1500ج وهتفرق من صنايعى لصنايعى
وللأسف معنديش فكرة حد من الهرم انا اعرف ناس فى السلام

**Magoda** · 02-09-2014 11:37 AM

المشاركة الأصلية كتبت بواسطة أحمدالباشا

الحمد لله رب العالمين بقيت اكسيلاوي يا جماعة
اكسيل 1500 موديل 97 مانويل كاملة بس التكييف ناقص كمبروسر

على فكرة انا متابع كل مواضيع الرابطه وتقريبا قربت اخلص قراءة الجزء الاول وقريت كل صفحات الجزء الثانى

ألف مبروك على العربية

وربنا يديك خيرها ويكفيك شرها

بمعنى ايه التكيف ناقص كمبروسر

... مش موجود أصلا ولا عطلان ولا ايه بالظبط !!!!

**أحمدالباشا** · 02-09-2014 12:03 PM

ألف مبروك على العربية وربنا يديك خيرها ويكفيك شرها

بمعنى ايه التكيف ناقص كمبروسر ... مش موجود أصلا ولا عطلان ولا ايه بالظبط !!!! [/QUOTE]

[OVERLINE]
شكرا على ذوقك
الكمبروسر مش موجود اصلا
وعايز اشترى واحد جديد او استيراد
[/OVERLINE]

**mh11** · 02-09-2014 12:37 PM

المشاركة الأصلية كتبت بواسطة hamisa08

اولا بص على مقاس الزيت تمام ولا زيت عايز يتغير او يتزود

تروح عند اى حد بتاع عفشة يربطلك على العفشة ب 10 جنية بس

وبعد كدة تنفخ الكاوتش بتاعك وتزود الماه للعربية لو فى نقص ولا حاجة او مياه مصديه غيرها عند بتاع الريداتير هياخد منك غسيل دورة التبريد ب 10 جنية بردة

شكرا على ذوقك ياباشا
بس انا روحت امبارح علشان انظف دورة المياة الراجل قلى انى الريداتير عنك الومنيوم وبايظ والمفروض يبقى فبر وغيرهولى بواحد عنده مستعمل بس شكله نظيف الصراحة و نظفلى قربة المياه ودورة المياة وحطلى مياه خضرا وخد منى 250ج

**ايمن فهمى** · 02-09-2014 01:25 PM

المشاركة الأصلية كتبت بواسطة walid adel

الف شكر علي ردك استاذ ايمن وهي العربيه سيدان ومافيش خبط ولا لحام ف الشاسيه وان شاء الله هاعمله لان صعب امشي بيها كده وبالنسبه للتكيف هل اشحنه واشغله ولا هايأثر علي الماتور

وشكرا علي اهتمامك

ياباشا لاشكر على واجب احنا هنا كلنا اخوات

وبخصوص موضوع التكييف هو مبيأثرش على حاجه بس موضوع تشغيله دة بيرجع للشخص نفسه
بمعنى انا مثلا مش مشغله ولا فكرت اشغله لان حركتى بالعربيه قليل وهكذا كل واحد وظروفه

**Magoda** · 02-09-2014 01:44 PM

المشاركة الأصلية كتبت بواسطة mh11

شكرا على ذوقك ياباشا
بس انا روحت امبارح علشان انظف دورة المياة الراجل قلى انى الريداتير عنك الومنيوم وبايظ والمفروض يبقى فبر وغيرهولى بواحد عنده مستعمل بس شكله نظيف الصراحة و نظفلى قربة المياه ودورة المياة وحطلى مياه خضرا وخد منى 250ج

باعلك الريادتير بكام

والـ 250ج المصنعية بس ولا بالريادتير !!!!

**Magoda** · 02-09-2014 01:46 PM

المشاركة الأصلية كتبت بواسطة ايمن فهمى

ياباشا لاشكر على واجب احنا هنا كلنا اخوات

وبخصوص موضوع التكييف هو مبيأثرش على حاجه بس موضوع تشغيله دة بيرجع للشخص نفسه
بمعنى انا مثلا مش مشغله ولا فكرت اشغله لان حركتى بالعربيه قليل وهكذا كل واحد وظروفه

على فكرة يا ايمن تشغيل التكييف مش بيأثر فى الماتور ولا فى سحب البنزين بيبقى فى المعقول هو بيأثر على السحب بس