رابطة مالكى الاكسيل-الجزء الثانى

**hamisa08** · 27-11-2014 09:59 AM

المشاركة الأصلية كتبت بواسطة شريف ناصر

لو على الفيس بوك هذا موضوعى و تم التجربه اليوم بميدان الجامع عند محل اسمه الألمانى و كانت مفاضله بين فوجات الچيتس و الأسكودا أ5.
الأسكودا ضخم من الجانب يحتاج حفر 2 سم من الناحيه المربعه و يكون متناسق تماماً سعرة 450 للقطعتين
الجيتس صغيرة و منظرها غير لائق بتاتاً .

المفاجئه وجدت عندة فوجات بى ام تركب عليها كأنهم خاصين بها متناسقين جداً معها سعرهم 660 و لم اركبهم غاليين
التقرير النهائى
زى مارحت زى ماجيت لم اركب شىء

شكرا على سرعة الرد

انا قولت كدة الجيتس كويسه علشان سعرها بس صغيرة وكمان كدة كدة هحفر فى الاكصدام احفر على حاجة ليها منظر مش اسمى خرمتة وخلاص

وى المقابل انا مستغلى جدا فوجات الاوكتافيا 450 كتير اووى

دة الفانوس الامامى ديبو وبيغنى ويقول بابا وماما سعرة 150

**hamisa08** · 27-11-2014 10:08 AM

فى ظل هذة الظروف العصيبة وفشل اختراع الكرتونة على القيام بواجبة بمنع الهواء البارد عن الريادتير

لذا نحن فى دراسة جدوى لتركيب ثرموثتات الكوعة

ويبقى السوال هل الثرومثتات يوجد منها درجات حرارة مثلا 80 و 90 ؟؟

وهل من دليل لى يحدثنى عن سعرها

وعفا لله عنكم وعن سيارتكم مكروة البرد

**شريف ناصر** · 27-11-2014 01:34 PM

المشاركة الأصلية كتبت بواسطة hamisa08

شكرا على سرعة الرد

انا قولت كدة الجيتس كويسه علشان سعرها بس صغيرة وكمان كدة كدة هحفر فى الاكصدام احفر على حاجة ليها منظر مش اسمى خرمتة وخلاص

وى المقابل انا مستغلى جدا فوجات الاوكتافيا 450 كتير اووى

دة الفانوس الامامى ديبو وبيغنى ويقول بابا وماما سعرة 150

بصراحه انا اتهوست بفوجات البى ام كأنها مخصوص للأكسيل نفس رسمه اماكن الفوجات بدون اى تعديل فقولت لنفسى لو طلب 200 موافق فوجئت يقول 660 غير التركيب و اللمبات و طبعاً اى حجه و السلام و لم اركبهم

**mado83** · 27-11-2014 02:58 PM

شباب
عندى مشكله بقالها فتره بتحصل وبنسى اتكلم عنها
ساعات لما باجى ابطل العربيه بعد مشوار ابص الاقى الميه اللى فى القربه بتتنفخ لبره وتقع بره القربه
والموضوع ده مش بيحصل بصفه مستمره لا يعنى ساعات وساعات
فهل حد يعرف ده معناه ايه او بيحصل عنده

**dotsalah** · 27-11-2014 08:17 PM

اخوانى اﻻعزاء اعضاء الرابطة الكرام
السنتر بتاع الابواب فيها مشكلة عندى تعمل فى الصيف و تعلق فى الشتاء
ﻻ يعمل الا باب الشمال الخاص بالسائق فقط ممكن اعمل اية فيهم مع العلم باننى فكيتهم قبل كدة دون جدوى
وهل الشواكيش اجهزة السنتر العادية تنفع تشتغل على الابواب ولا لا

**eldissouky** · 28-11-2014 02:14 PM

المشاركة الأصلية كتبت بواسطة dotsalah

وانا فى حفل زفاف وجدت الدبرياج فى اﻻرض و لا ناقل للحركة مشيت على التانى و بعد الحفل تركت السيارة و جبت تيش دبرياج تفكيرا منى انه العيب و تم تركيب الكابل الجديد رفع الدبرياج و مشيت ربع ساعة و نزل تانى
ركنتها وكلمت الميكانيكى قال ﻻزم بلية ودسك واسطوانة تم شراءهم من ش صﻻح الدين باﻻسكندرية بمبلغ 410 جم شخص جابهم بتاع قطع غيار سيارات بس مش هونداى لنتاكد من انهم اوريجينال او مش مضروبين
تم فك الدبرياج و تنظيفة وجدت البلية 100قطعة و فرطة و الصوابع يتاعة الديسك مقطومة تم التركيب بعد قلب ترس المقابل للمارش اسمة الرفرام مش فاكرمﻻنه فى سن تعبان و ساعات بيعلق مع المارش
الدبرياج بقى ملبن خالص و ناعم المصنعية باﻻكرام 80 جم مع العلم اشتغل الصنايعى فيها من اول النهار لحد المعلم ما نزل من البيت و طبعا العمل واحدة واحدة البدء من 2 ظهرا تقريبا حتى 5 تقريبا

انا حصل معايا نفس الموضوع ده
و افتكرته سلك الدبرياج و اشتريته ب 45 جنيه و انا اللي ركبته و معملش فرق
رحت للميكانيكي و اول ما قالي دور و سمع صوتها قالي دي البلية و فك الفتيس و طلع برادة حديد و قالي ده باقي البلية
اشتريتها ب 90 جنيه ( مع العلم اني مغير طقم الدبرياج كله من 10 شهور ، الهندسية ، بس البلية اللي كانت فيه مش اصلية )
و الميكانيكي اخد 80 مصنعية
بس اكتشفت بعدها ان في شرخ او فك في لحام البطاحه الشمال اللي لاحم في الرفرف من فوق ( هو كده يبقى الشاسيه بيفتح ؟؟؟ )

**Amo0o0oRa** · 29-11-2014 02:44 AM

يا جماعه المفتاح اللى حيلتى ضااع ومش معايا غيره
اعمل ايه اجيب كونتاكت جديد منين وﻻ فى حل تانى؟

**zumawy** · 29-11-2014 08:00 PM

تم شراء 2 قادة ماتور امامية من تحت ب 40 جنية , وخلفية من خلف الموتور 60 جنية و مصنعية تركيب 80 جنية, و الفرق ملحوظ

**mado83** · 30-11-2014 11:44 AM

المشاركة الأصلية كتبت بواسطة dotsalah

اخوانى اﻻعزاء اعضاء الرابطة الكرام
السنتر بتاع الابواب فيها مشكلة عندى تعمل فى الصيف و تعلق فى الشتاء
ﻻ يعمل الا باب الشمال الخاص بالسائق فقط ممكن اعمل اية فيهم مع العلم باننى فكيتهم قبل كدة دون جدوى
وهل الشواكيش اجهزة السنتر العادية تنفع تشتغل على الابواب ولا لا

روح لياسر الكهربائى هيظبطلك الدنيا