رابطة مالكى الاكسيل-الجزء الثانى

**أحمدالباشا** · 04-01-2015 11:55 PM

المشاركة الأصلية كتبت بواسطة dramyd

احمد باشا ... كل سنة وانت طيب
الموضوع دة عشان تريخ دماغك من الهري والنكت ....
لو الموتور حل قبل كدة سيبك من التعمير والكلام الفاضى دة عشااااااااان العمرة ...
لازم تتعمل عند واحد دكتور - هتقرفك فى الوقت والتليين - روح ودى عند خراط وتعالى -
نقصنا فى العمرة القطعة الفلانية والفلانية - اظبط تكيهات وليين - احرق صفيحة ولا اتنين قبل متمشى بيها . اللللخ....

وفى الاخر هتتكلف فى حدود 400-500 ج مصنعية ميكمانيكى .
قطع غيار انت وحظك من 300-400 ج الى 1000 ولا 1300 ج ...
غير البنزين اللى هتليين بية والخراط وبتاع التكيهات وغير وغير ... الخ.

ومع زلك فى ناس كتير بتفضل العمرة .. ارررررررررررراء :e_braces[1]:

لو عاوز تريخ دماااااااغك زيى ... انا جبت شورت بلوك من الوكالة كان عامل 1500.
شامل بوجيهات وسلوكها وشجرة المياة والدسك والاسطوانة وكل دة كان زيرو بجد بلمعتة .

...
...
...
كان فى من اول 900-1000ج وانت طالع بس دة اللى عجبنى .
المهم . المكيكانيكى من 300 الى 500 انت وشطارتك معاك فى الفصال .

...
...
انا الميكانيكى اخد منى 500 بس دة عشان كان فى مدية نصر .
وغيرلى طقم اصلاح كاربراتير وظبطلى الدنيا وخلاها تماااااااام .
..
..
وفى الاخر اركب ودور واطلع فى يوم او اتنين بالكتيير ...

..
على العموم ربنا يوفقق فى الاختيار الاصلح ان شاء الله ...:_alshmokh22[1]:

شكرا جزيلا لك على اهتمامك وردك
الفكرة اللى بتقولها جميله جدااااا وانا مقتنع بيها تماما

بس عندى شوية استفسارات
انت اشريت الشورت بلوك لوحدك ولا كان معاك ميكانيكى
تعرف محل معين في الوكاله اشتريت منه وياريت تقولى عليه علشان اشترى منه
ايهما اطول عمرا الموتور اللى يتعمله عمره ولا الشورت بلوك
رقم الموتور هيتغير ولا نفس الرقم القديم علشان الرخصه
انت بتقول هتمشى بالعربية بعد يومين هى هتحتاج تليين وحرق بنزين ولا تمشى على طول
وشكرا لك

**dramyd** · 05-01-2015 11:37 AM

المشاركة الأصلية كتبت بواسطة أحمدالباشا

شكرا جزيلا لك على اهتمامك وردك
الفكرة اللى بتقولها جميله جدااااا وانا مقتنع بيها تماما

بس عندى شوية استفسارات
انت اشريت الشورت بلوك لوحدك ولا كان معاك ميكانيكى
اشتريتو لوحدى وربنا كرمنى فية بالتوفيق من عند ربنا .

تعرف محل معين في الوكاله اشتريت منه وياريت تقولى عليه علشان اشترى منه
فى اول شارع شمال بعد متخش الوكال من على الكورنيش رابع محل تقريبا ..
شاب كدة محترم اسموووو - سامح ودة رقمو 01225540589 كلمو اسال وشوف الدنيا اخبارها اية .

ايهما اطول عمرا الموتور اللى يتعمله عمره ولا الشورت بلوك
لو الموتور متفكش قبل كدة اكيد الاضمن العمرة عشان انت عارف ومتااااااكد جدا جدا ..
ان موتورك متفتحش قبل كدة استندر يعنى ولا خرط ولا يحزنون . فاكيد العمرة هتعيش وتبقا تمام .

رقم الموتور هيتغير ولا نفس الرقم القديم علشان الرخصه
لو عمرة مفيش حاجة هتتغير .
لو جبت شورت بلوك رقم الموتور هيتغير والقصة سهلة مفهاش تعقيد ولا حاجة .
متقلقش

انت بتقول هتمشى بالعربية بعد يومين هى هتحتاج تليين وحرق بنزين ولا تمشى على طول
وشكرا لك

سقط المكنة ... دور ... امشى على بركة الله .
دة حلاوة المكن الاستيراد ولا تليين ولا روح وتعالى ولا قرف.

**ايمن فهمى** · 05-01-2015 03:43 PM

دكتور والله يارامى ربنا يزيدك

**Magoda** · 05-01-2015 04:01 PM

انا غيرت البوجيهات وسلك البوجيهات وجبت منضف كربراتيير ونضفته
العربية فاقت طبعا بس فى تكه مش فاهمها
وحطيت بنزين 80 قلت مبقتش فارقة كله عك فى الاخر

**dramyd** · 05-01-2015 05:36 PM

المشاركة الأصلية كتبت بواسطة magoda

انا غيرت البوجيهات وسلك البوجيهات وجبت منضف كربراتيير ونضفته
العربية فاقت طبعا بس فى تكه مش فاهمها
وحطيت بنزين 80 قلت مبقتش فارقة كله عك فى الاخر

تكة ايييييية مش فاهمك ....؟

**mado83** · 06-01-2015 11:31 AM

المشاركة الأصلية كتبت بواسطة Magoda

انا غيرت البوجيهات وسلك البوجيهات وجبت منضف كربراتيير ونضفته
العربية فاقت طبعا بس فى تكه مش فاهمها
وحطيت بنزين 80 قلت مبقتش فارقة كله عك فى الاخر

حطلك بقه نص لتر تنر فى تنك البنزين علشان تسلك المسائل

**abu malek2010** · 07-01-2015 03:01 PM

السلام عليكم اذيكوا ياشباب دي اول مشاركه ليا معاكو هنا في المنتدي وكنت حابب اخد رأيكوا في حاجه
انا من حوالي اسبوع كده عملت طقم شمبر لعربيتي وغيرت شويةاورسيلات وجوانات وعملت روديه لوش السيلندر وغيرت طقم دبرياج كامل وبعد كده لينت العربيه يومين وجيت كشفت عالبوجيهات امبارح لقيت في زيت عالبوجيه التاني بس مش عالشمعه لقيته علي القلاوظ بتاع البوجيه بس البوجيه ماقطعش مش عارف دا عادي ولا ايه لأن سألت الميكانيكي قاللي الزيت ده راجع من الجكمان زيت قديم متخزن عشان كانت بتاكل زيت بغباء قبل ماعمل الشمبر ومع الوقت هيروح فا ايه رأيكوا في موضوع الزيت ده عادي ولا ايه ارجوا الرد ياجماعه علما بإن العربيه اكسيل 1300 موتورها لانسر البطه هوه هو الاكسيل مع فروقات بسيطه جدا في الكربراتير والاسبراتير فقط والموتور ده علي فكره استيراد من حوالي سنه ..
وهبقا انزلكوا اسعار قطع الغيار اللي جبتها والمصنعيه

**أحمدالباشا** · 07-01-2015 08:54 PM

المشاركة الأصلية كتبت بواسطة dramyd

سقط المكنة ... دور ... امشى على بركة الله .
دة حلاوة المكن الاستيراد ولا تليين ولا روح وتعالى ولا قرف.

توكلت على الله وهأجيب الشورت بلوك
الميكانيكى قالى نجيبه من عزبة شلبى افضل ويكون على تجربة 15 يوم

وبالمره اشترى الكمبريسور بتاع التكييف

ان شاء الله هاأنزل يوم الجمعه بعد الضهر

لو فيه اى نصائح ياجماعه قبل الشراء ياريت

وشكرا لكم

**al_manara** · 08-01-2015 02:46 AM

المشاركة الأصلية كتبت بواسطة أحمدالباشا

توكلت على الله وهأجيب الشورت بلوك
الميكانيكى قالى نجيبه من عزبة شلبى افضل ويكون على تجربة 15 يوم

وبالمره اشترى الكمبريسور بتاع التكييف

ان شاء الله هاأنزل يوم الجمعه بعد الضهر

لو فيه اى نصائح ياجماعه قبل الشراء ياريت

وشكرا لكم

اسأل علي الماكينة كاملة بالفتيس . احسن وارخص .
كنت سألت عليها من سنة تقريبا كانت ب 2500 ج .

(راجع مع الميكانيكي "خلي بالك انت كمان" ) طنبورة الكرنك -خراطيم المياة ميكونش فيها صدا - قفل وفت الكربراتير - شكل الموتور طبعا وشكل جوان التاكيهات والسليندر - رائحة الزيت الموجود بالموتور " هايعرفها الميكانيكي" -
انا بنام
يارب ما اكونش ناسي حاجة

**ايمن فهمى** · 08-01-2015 10:57 PM

المشاركة الأصلية كتبت بواسطة abu malek2010

السلام عليكم اذيكوا ياشباب دي اول مشاركه ليا معاكو هنا في المنتدي وكنت حابب اخد رأيكوا في حاجه
انا من حوالي اسبوع كده عملت طقم شمبر لعربيتي وغيرت شويةاورسيلات وجوانات وعملت روديه لوش السيلندر وغيرت طقم دبرياج كامل وبعد كده لينت العربيه يومين وجيت كشفت عالبوجيهات امبارح لقيت في زيت عالبوجيه التاني بس مش عالشمعه لقيته علي القلاوظ بتاع البوجيه بس البوجيه ماقطعش مش عارف دا عادي ولا ايه لأن سألت الميكانيكي قاللي الزيت ده راجع من الجكمان زيت قديم متخزن عشان كانت بتاكل زيت بغباء قبل ماعمل الشمبر ومع الوقت هيروح فا ايه رأيكوا في موضوع الزيت ده عادي ولا ايه ارجوا الرد ياجماعه علما بإن العربيه اكسيل 1300 موتورها لانسر البطه هوه هو الاكسيل مع فروقات بسيطه جدا في الكربراتير والاسبراتير فقط والموتور ده علي فكره استيراد من حوالي سنه ..
وهبقا انزلكوا اسعار قطع الغيار اللي جبتها والمصنعيه

نضف البوجيهات من اى زيت و اعمل مشوار طويل بالعربيه مش اقل من 100 ك وانت هتخرج كل اللى فيها وبعدها راجع على البوجيهات وقول ايه الاخبار