رابطة مالكى الاكسيل-الجزء الثانى

**mado83** · 30-09-2015 03:49 PM

المشاركة الأصلية كتبت بواسطة dramyd

بص يا عم مادوووو .

علبة دركسيون صينى 270 . وزبالة وبتخف بعد اربع خمس شهور وتتقل .
لو هتصين بتاعتك . كوتش مزيكا 30او40 جنية وحشوو 15 او 20 جنية ...

المهم انت علبتك تستاهل الصيانة ولا لا .
والاهم انت علبتك بتبوظ من ليييييييييية

.

هل كوتش المزيا بيتقطع ويفضى الشحم .؟
بارات مبوشة فبترزع فعمود البارة وتبوشها .؟
طريقق كلو مكسر وبيبوظ العلبة على طول .....؟ ودة ملهاش حل فمتقوليش ونبى ان دة المشكلة .

اكيد طبعا ان هيا دى المشكله وفعلا انا عاوز اصينها مش عاوز اجيب الصينى
قولى مين ممكن اعملها عنده
وحمد الله على سلامتك وماتغيبش علينا كده يارامى

**Magoda** · 01-10-2015 10:33 AM

المشاركة الأصلية كتبت بواسطة dramyd

لاحول ولاقوة الا بالله .
ربنا يعوضك يا ماجووودا ... فى داهيا ولا يهمك المهم انك بخير .
قضا اخف من قضا .. المهم انت واسرتك بخير ... ربنا يحفظك ليهم ويخلهوملك ... ياااارب ...

طيب بعد اذنك قو فاضل اية لسة معملتوش يمكن نقدر نساعدك .. دة رقمى 01200800106.
رن فى اى وقت تحت امرك ولو عاوز اى حاااااجة هجبهالك تحت بيتك ربنا يعوضعك خير باذن الله .

ربنا يخليك يا رامى
كفايه دخلتك علينا والله وحشتنا

انا الحمدلله لميت العربيه وكان عندى اكبر المشاكل الكربيتير عزبنى لحد ما الحمدلله فضلت وراه لحد ما خلص بفضل الله انا كنت هعيط وربنا كانت بتفصل على السلانسيه وبتفصل منى ونا ماشى كنت روحت لوااحد قالى الكربيتر ده خلاص مات مفيهوش أمل وكنت رايح لصنايعى شاطر قالى هات واحد استيراد ونزلت ادور مش عايز اقولك اسعار خيال ب 650 و 750 ج فى عزبة شلبى وواحد صاحبى ابن حلال قالى على واحد تانى وعمله صيانه جوانات وابره واكس وظبط الكلام وبعدها قطعت منى وروحتله تانى قالى ده اسبراتير روحت ظبطت ميكانيكا وبرضه رجعتله فكه نضف بك سلانسيه والحمدلله لسه مخلص امبارح ومصنعيته 150ج

لسه باقيلى الريادتير الجزء اللى فوق بيسرب ميه عايز اروح اغيره

والكبوت عايز يترش عشان اتحرق كله

وكدة يبقى الحمدلله الاساسيات خلصت

**Magoda** · 01-10-2015 10:45 AM

رساله لمادو ولأى شخص بتقابله مشكله فى العربيه ومش لاقيلها حل يقوم يبيع
انا عايز اقولك انا عربيتى اتحرقت الحوض كله مش عايز اقولك مدى الحسرة اللى كنت فيها
بس الحمدلله مع الصبر وأسأل هنا وهنا وروح لده ولده وروحت وقتها للغالى
متحاولش تسترخص وتروح لميكانيكى ولا كهربائى رخيص روح للشاطر حتى ولا اغلى من الكل هتستلم منه شغل نضيف
انا زمان كنت بسترخص والنتيجه ايه كسر مسمار الكرنك اكثر من مرة أدى إلى الكرنك محتاج يتغير
ومرة تانيه يركب مساعد غلط ويقولى نوعه مش كويس وروح لحد تانى ويطلع انه سليم الغلط على اللى ركبه
مش هتلاقى قطع غيار استيراد ولا جديد زى العربيه ديه اسعارها جميل
ويوم متفكر تبيع ب 30 ولا 33 مش هتجبلك عربيه كويسه يالسعر ده هتحتاج تزود عليهم 10 او 15 وتجيب لانوس او اكسنت ونفس الكلام هتجبها مستعمله ومنتش عارف اللى قبلك عامل فيها ايه
ربنا يرزقنا الخير

**Magoda** · 01-10-2015 10:48 AM

المشاركة الأصلية كتبت بواسطة mado83

اكيد طبعا ان هيا دى المشكله وفعلا انا عاوز اصينها مش عاوز اجيب الصينى
قولى مين ممكن اعملها عنده
وحمد الله على سلامتك وماتغيبش علينا كده يارامى

متجلنا الحدايق عندنا شويه صنايعيه ايدهم تتلف بحرير

عفشجى فى حدايق القبه قدام مسجد الشيخ غراب عند قسم الحدايق لو تعرفه تروح تلاقى طوابير واقفه عنده تعالى نتقابل ونروحله ونشوف ايه الكلام

**mado83** · 03-10-2015 09:21 AM

المشاركة الأصلية كتبت بواسطة Magoda

متجلنا الحدايق عندنا شويه صنايعيه ايدهم تتلف بحرير

عفشجى فى حدايق القبه قدام مسجد الشيخ غراب عند قسم الحدايق لو تعرفه تروح تلاقى طوابير واقفه عنده تعالى نتقابل ونروحله ونشوف ايه الكلام

على فكره الموضوع مش موضوع استرخاص
الموضوع ان مابقاش حد بيفهم اصلا وكلهم فاتحين ورش ومسميين نفسهم صنايعيه
والموضوع مالوش علاقه بالاسعار لانك ممكن تروح لواحد مش فاهم ويدفعك دم قلبك وممكن تروح لواحد فاهم وبرضو يدفعك دم قلبك
الفكره بقه انى قررت اقاطع الصنايعيه واعمل شغلى بنفسى لانهم والله مابيعملو حاجه زياده الا القليل منهم وكمان الامكانيات والعدد عندهم

هقولك على عربيتى لما كانت بتقطع عملت ايه
روحت لكهربائى فى مدينة نصر ناس قالولى ده اللخلاصة
روحتله لقيته بيهجس فقولتله اظبط الاسبراتير ماعرفش وبعت جاب ميكانيكى يظبطه

**dramyd** · 03-10-2015 01:38 PM

المشاركة الأصلية كتبت بواسطة mado83

هقولك على عربيتى لما كانت بتقطع عملت ايه
روحت لكهربائى فى مدينة نصر ناس قالولى ده اللخلاصة
روحتله لقيته بيهجس فقولتله اظبط الاسبراتير ماعرفش وبعت جاب ميكانيكى يظبطه

هههههههههههههههه

**dramyd** · 03-10-2015 01:42 PM

المشاركة الأصلية كتبت بواسطة Magoda

متجلنا الحدايق عندنا شويه صنايعيه ايدهم تتلف بحرير

عفشجى فى حدايق القبه قدام مسجد الشيخ غراب عند قسم الحدايق لو تعرفه تروح تلاقى طوابير واقفه عنده تعالى نتقابل ونروحله ونشوف ايه الكلام

الكلام دة مظبوط 100 %
انا بعدى من هناك فعلا جنب مونجينى
واحد بيبقا رافع اكتر من 15----20 عربية
لانوس فيرنا لانسر بى ام تويوتا حاجات كتييييييير اوى .
بجد الراجل دة لو حنين يبقاااااااااا فى الجووووون انا بشوف عربيات زى الرز عندة .
بس عمرى متعاملت معااااااة خايف ارحلو اتشمط فى مبلغ محترررررم $$$$$$$$

**dramyd** · 03-10-2015 02:19 PM

المشاركة الأصلية كتبت بواسطة mado83

اكيد طبعا ان هيا دى المشكله وفعلا انا عاوز اصينها مش عاوز اجيب الصينى
قولى مين ممكن اعملها عنده
وحمد الله على سلامتك وماتغيبش علينا كده يارامى

بص لو عاوز الحاجات بتعتها انزل اجبهالك .... العفشجي بقا ممكن نروح لل راجل اللى قلنا علية ماجد واحنا وحظنا بقا ... اييييية رايك ...؟

**dramyd** · 03-10-2015 02:24 PM

المشاركة الأصلية كتبت بواسطة magoda

ربنا يخليك يا رامى
كفايه دخلتك علينا والله وحشتنا

انا الحمدلله لميت العربيه وكان عندى اكبر المشاكل الكربيتير عزبنى لحد ما الحمدلله فضلت وراه لحد ما خلص بفضل الله انا كنت هعيط وربنا كانت بتفصل على السلانسيه وبتفصل منى ونا ماشى كنت روحت لوااحد قالى الكربيتر ده خلاص مات مفيهوش أمل وكنت رايح لصنايعى شاطر قالى هات واحد استيراد ونزلت ادور مش عايز اقولك اسعار خيال ب 650 و 750 ج فى عزبة شلبى وواحد صاحبى ابن حلال قالى على واحد تانى وعمله صيانه جوانات وابره واكس وظبط الكلام وبعدها قطعت منى وروحتله تانى قالى ده اسبراتير روحت ظبطت ميكانيكا وبرضه رجعتله فكه نضف بك سلانسيه والحمدلله لسه مخلص امبارح ومصنعيته 150ج

لسه باقيلى الريادتير الجزء اللى فوق بيسرب ميه عايز اروح اغيره

والكبوت عايز يترش عشان اتحرق كله

وكدة يبقى الحمدلله الاساسيات خلصت

الحمد لله وقدر الله وماشاء فعل....
وصدقنى انت وكل اخواتى هنااا وحشنى جداجدا...
بص لوعاوز نتقابل ونروح لميكانيكى اللى بيظبط الكربراتير والاسبراتير عندى تحت امرك ..
ولو عاوز حاجة من عزبة شلبى انزل اسالك تانى عليهااا انا فى شبرا الخيمة مش بعيد ممكن انزل ادورلك على كربراتير تانى .
وااله يكون فى عونك بس حاول تتاكد من ضغط طرمبة البنزين برضو وسلامة مواسر البنزين مش مسدودة .

**mado83** · 03-10-2015 06:35 PM

المشاركة الأصلية كتبت بواسطة dramyd

الكلام دة مظبوط 100 %
انا بعدى من هناك فعلا جنب مونجينى
واحد بيبقا رافع اكتر من 15----20 عربية
لانوس فيرنا لانسر بى ام تويوتا حاجات كتييييييير اوى .
بجد الراجل دة لو حنين يبقاااااااااا فى الجووووون انا بشوف عربيات زى الرز عندة .
بس عمرى متعاملت معااااااة خايف ارحلو اتشمط فى مبلغ محترررررم $$$$$$$$

مكانه فين بالظبط الراجل ده
علشان ممكن تطق فى دماغى وانا راجع من الشغل فى اى وقت اعدى عليه لانى بدأت اسمع اصوات جديده بعد ظبط الزوايا من يومين