الموضوع: رابطة مالكى الاكسيل-الجزء الثانى

السلام عليكم يا رجالة ، و كل عام و انتم بخير لإقتراب عيد الفطر المبارك
بصراحة انا اتعمل عليا احلى شغل ف البلد دي ، العربية زي ما كنت قلتلكم كانت بتسخن و عملت كل اللي اتقالي عليه من الزملا الافاضل بس بدون نتيجة ، اتقالي اروح لميكانيكي محترم رحت لواحد كنت مفكره محترم ، المهم قالي الريدياتير لازم اغيره و غيرته ( 325 ج كوري من احمد الخواجة ف شارع البحر الاعظم قبل شارع المدبح ) و قالي عندك مقص مكسور ( طلعت الجلب بس اللي محتاجة تتغير و الطقم ب 50 ج من نفس المكان ) و قالي عندك قواعد موتور ( طلعت سليمة الحمد لله ) و بطاحات ( بردو سليمة الحمد لله ) انما الحرارة لسه على النص و احيانا بتزيد ، غيرت ثرموستات المروحة ( 45 ج من السرساوي 6 اكتوبر ) و بردو مفيش فايدة ، هو ممكن يكون عيب مؤشر ؟؟؟ خصوصا انها لما تسخن الخرطوم اللي طالع من الموتور مبيبقاش محجر ، عادي بياخد و يدي معايا ، بس الصهد اللي طالع من الموتور ده ولا الفرن البلدي ، ممكن حد يفيدني ؟؟؟؟

يا جماعة اللي محتاج ريدياتير مستعمل يقولي ، لأني جبت واحد جديد و القديم طلع شغال كويس و العيب مش منه ، و ان شاء الله اصوره و ارفع صورته

المشاركة الأصلية كتبت بواسطة eldissouky

يا جماعة اللي محتاج ريدياتير مستعمل يقولي ، لأني جبت واحد جديد و القديم طلع شغال كويس و العيب مش منه ، و ان شاء الله اصوره و ارفع صورته

انا محتاجة لو ممكن الصورة والحالة والسعر

المشاركة الأصلية كتبت بواسطة eldissouky

السلام عليكم يا رجالة ، و كل عام و انتم بخير لإقتراب عيد الفطر المبارك
بصراحة انا اتعمل عليا احلى شغل ف البلد دي ، العربية زي ما كنت قلتلكم كانت بتسخن و عملت كل اللي اتقالي عليه من الزملا الافاضل بس بدون نتيجة ، اتقالي اروح لميكانيكي محترم رحت لواحد كنت مفكره محترم ، المهم قالي الريدياتير لازم اغيره و غيرته ( 325 ج كوري من احمد الخواجة ف شارع البحر الاعظم قبل شارع المدبح ) و قالي عندك مقص مكسور ( طلعت الجلب بس اللي محتاجة تتغير و الطقم ب 50 ج من نفس المكان ) و قالي عندك قواعد موتور ( طلعت سليمة الحمد لله ) و بطاحات ( بردو سليمة الحمد لله ) انما الحرارة لسه على النص و احيانا بتزيد ، غيرت ثرموستات المروحة ( 45 ج من السرساوي 6 اكتوبر ) و بردو مفيش فايدة ، هو ممكن يكون عيب مؤشر ؟؟؟ خصوصا انها لما تسخن الخرطوم اللي طالع من الموتور مبيبقاش محجر ، عادي بياخد و يدي معايا ، بس الصهد اللي طالع من الموتور ده ولا الفرن البلدي ، ممكن حد يفيدني ؟؟؟؟

انت مقولتش بتزود مية كل اد اية ؟
اخبار ترموستات الكوعة اية ؟ و موتور مروحة الريداتير بيلف كويس ولا خشن ؟
و متنساش تتطمن علي ضغط المية اللي طالع من طلمبة المية و سلامة السير بتاعها .

المشاركة الأصلية كتبت بواسطة mohamed137

انا محتاجة لو ممكن الصورة والحالة والسعر

مستعمل بس نظيف و سليم ، و الصور ان شاء الله بعد العيد او ف خلال العيد اصوره ، اما السعر ف بصراحة مش عارف بس ممكن حد ف المنتدى هنا لما احط الصورة يقولنا يعمل كام و مش هنختلف ان شاء الله ، انا بس بحاول اوفر ف اللي صرفته على العربية خصوصا انها مكانتش محتاجة ريدياتير جديد ، هو انت ساكن فين ؟؟ لو قريب ممكن اقابلك و اوريهولك انا من 6 اكتوبر
و ان شاء الله يبقى مبروك عليك .