رابطة مالكى الاكسيل-الجزء الثانى

**al_manara** · 03-09-2012 01:27 AM

المشاركة الأصلية كتبت بواسطة engonear

السلك بتاع الاكسنت هو نفسه بتاع الاكسيل مفيش تغيير وهتلاقيه جديد عند اى حد بتاع قطع غيار كورى ب45ج واستيراد 40ج.

تسلم ايدك . بالفعل اما كنت بسال كنت بلاقي بتاع الاكسينت .
بس للاسف ولا واحد قالي انة ينفع . بكرة اجيبنة ان شاء الله

جزيت خيرا

**ABOASSEM** · 03-09-2012 02:52 AM

المشاركة الأصلية كتبت بواسطة wael6

السلام عليكم ورحمة الله
تم بحمد الله بيع السيارة

وربنا يعوض عليا خير
http://www.nilemotors.net/Nile/306182-a.html

ويعز عليا فراقكم طبعا
اخوتى واحبائي فى الله تعالى
اعزكم الله
وباذن الله هطمن عليكم من وقت لآخر
وشكرا جزيلا

ربنا يكرمك في اللي جاي ان شاء الله وخليها علي الله ...
وشكرا" للنصائح اللي كتبتها لتفادي الوقوع فيها ودة يدل علي معدنك الطيب
في تحذير من تعرف الله يباركلك

وكل شئ عند الله بمقدار اهم حاجة متقطعش بينا

وخليك معانا من حين لاخر وربنا يعينك علي اللي جي ...

**ABOASSEM** · 04-09-2012 01:58 PM

الاكسلاويا فين .....

**Magoda** · 04-09-2012 04:23 PM

المشاركة الأصلية كتبت بواسطة aboassem

الاكسلاويا فين .....

إحنا هنا يا أبو عاصم منور ياباشا الرابطة

**Magoda** · 04-09-2012 04:48 PM

أنا هقولكم على موضوع بخصوص مسمااار الكرنك
انا اتعمل معايا إشتغالات بسببه الميكانيكى وهو بيظبط الكاتينة لازم مسمار الكرنك يتفك طبعا كل مرة وهو بيفكه يتقطم وأضطر أنزل اجيب واحد استيراد ب 50ج والخراط ييجى يشيل ياقى المسمار من الكرنك ب 60ج الموضوع ده حصل معايا 5 مرات بسبب الميكانيكى وهو بيفك قمت على أساسه مغير الميكانيكى والخراط لأنهم مش حلوا المشكله هما بيصلحوا وبس انما المشكله مازالت موجودة ... اللى عرفته بقى ان
المشكله الاساسية ان لما المسمار اتكسر اول مرة مينفعش تروح تجيب مسمار تانى استيراد زى مكنت بعمل لاااااااااااازم تروح لخراط كويس يعملك مسمار جديد على مقاس جديد لأن المسمار أصلا بيبقى مقاسه 19 فلازم تعمل مسمار مقاسه أكبر عشان يعشق فى الكرنك
معلش انا طولت عليكم بس حبيت اقولكم على الموضوع ده عشان انا صرفت كتير عليه ومحدش يغلط نفس غلطتى وده بسبب ميكانيكى وخراط لايفقهوا شيئاً

**ABOASSEM** · 08-09-2012 05:03 AM

المشاركة الأصلية كتبت بواسطة magoda

إحنا هنا يا أبو عاصم منور ياباشا الرابطة

ربنا يبارك يا مجود انا بطمن بس هههه

**ABOASSEM** · 08-09-2012 05:06 AM

انا ظهرت مشكله عندي وهي ان مؤشر السرعة عندي وقف هل المشكلة ممكن تكون من سللك السرعة ولا من الترس بتاع السرعة اللي مربوط في الفتيس ..واسعارهم ايه السلك او الترس وشكرا

**atex** · 08-09-2012 11:38 AM

استفسارين بسطاء ياجماعه معلش
1-هو فى اكسيل بمرايات كهراباء
2-عندى عداد السرعه بيرعش رعشه خفيفه كده على السرعات القليله
لغاية سرعة 80 بيبدا يثبت عايزاعرف بس ده سببه ايه

**magid1010** · 08-09-2012 07:52 PM

المشاركة الأصلية كتبت بواسطة aboassem

انا ظهرت مشكله عندي وهي ان مؤشر السرعة عندي وقف هل المشكلة ممكن تكون من سللك السرعة ولا من الترس بتاع السرعة اللي مربوط في الفتيس ..واسعارهم ايه السلك او الترس وشكرا

ازيك يا ابو عاصم سلك السرعه ب 35 جنيه تقريبا وسهل انك تغيره بنفسك فك العداد حتلاقيه راكب ب 3 مسامير من التابلوه و حتلاقى السلك راكب فيه عاشق و معشوق و فك من عند الفتيس و لفه من ناحيه و شوف من الناحيه التانيه حيلف و لا لا لان السلك بيلف من جوه علشان ينقل السرعه
انا جبت واحد و غيرته علشان المؤشر كان بيقع من جوه التابلوه و بيخرف بس طلع العيب من الجلبه اللى جوه العداد و صلحته ب 75 جنيه مع انى اشتريت العداد كله الطقم ب 110 جنيه

**magid1010** · 08-09-2012 08:04 PM

المشاركة الأصلية كتبت بواسطة atex

استفسارين بسطاء ياجماعه معلش
1-هو فى اكسيل بمرايات كهراباء
2-عندى عداد السرعه بيرعش رعشه خفيفه كده على السرعات القليله
لغاية سرعة 80 بيبدا يثبت عايزاعرف بس ده سببه ايه

لا ما فيش مرايات كهربا فى الاكسيل بس صاحبنا احمد زيزو مركب مرايات ضم بتاعه الفليشيا وده صورها
http://www.nilemotors.net/Nile/membe...albums396.html
و بالنسبه للعداد اتاكد ان سللك العداد راكب كويس فى الفتيس هو سلك بصاموله حتلاقيه داخل فى الفتيس و ممكن يكون الشفه البلاستيك بتاعه السيلك اتكلت او العداد نفسه فيه جلبه ممكن تكون ابتدت تتاكل