الموضوع: رابطة مالكى الاكسيل-الجزء الثانى

المشاركة الأصلية كتبت بواسطة aabozid

المشاركة الأصلية كتبت بواسطة singary2010


السلام عليكم
انا راى من راى ماجد الحاجات دى شغل عفشجى افضل والمصنعيه كويسه مش كتير
وياريت تطمنا عملت ايه

السلام عليكم و رحمة الله و بركاته
أخي الفاضل سنجاري و ماجد تحياتي لكم كتير و أرجوا أن تكونوا بخير و في أحسن حال و تحياتي لكل الزملاء في المنتدي و الرابطة . ان شاء الله حاخد برأيكم و أروح لعفشجي أكيد حيكون متخصص أكتر من الميكانيكي و ان شاء الله حاقولكم علي النتيجة بس بعد ما ربنا ييسر الأمور عشان الصراحة بعد ما اشتريت قطع الغيار بقيت العملية و لله الحمد طبعا زي ما انتم عارفين و ربنا ييسر الأمور و تدبر و بعدها اروح للعفشجي و أقولكم و لو حد عايز يعرف أسعار أي حاجة من الحاجات دي موجودة.
و جزاكم الله خيرا
أخوكم
أشرف أبوزيد

السلام عليكم و رحمة الله و بركاته
بناءا علي نصائح الأخوة الأفاضل بالمنتدي جزاهم الله خيرا رحت لعفشجي بعد ما تيسرت الأمور و الحمد لله و غيرت معظم ان ما كانش كل اجزاء العفشة الأمامية و هي مقصات و كبالن و مساعدين و بطاحات و علبة حشو دركسيون و كاوتشات بيانو و بيض طرف و كاوتشات ميزان و بلي صرة عجل امامي و تيل فرامل أمامي و صباع ميزان و بعدها رحت لضبط زوايا في الحرفيين و لله الحمد بفضل ربنا العربية بقت حاجة تانية خالص و فاضل بس أغير مساعدين خلفي و بلي عجل صرة خلفي و ان شاء الله يكونوا في وقت تاني و ربنا ييسر الأمور.
المصنعية : 150
العفشجي : أسمه طارق عفشة في ميدنة قباء في شارع أسمه عمر بن الخطاب
وقت الشغل : من الساعة 11.30 صباحا حتي الساعة 7.30 مساء ( أعتقد وقت كويس مش بطال )
مصنعية ضبط زوايا : 25 جنيه
مركز ضبط الزوايا : محل أسمه بتاع الزوايا و هو في مدينة الحرفيين و أعتقد أنه مشهور جدا هناك لأنه كمان بيقدم نصائح مخلصة لو فيه حاجه عايزة تتعمل في العفشة قبل ما يضبط و كمان نصحني بتغيير جوز الكاوتش الأمامي و سألته أيه أحسن نوع و أنسب سعر في السوق قاللي البريدجستون و الحقيقة خدمتهم في منتهي الذوق.
ان شاء الله ربنا ييسر الأمور و أغير الأربع فرد كاوتش .
أتمني يكون فيه افادة في الموضوع ده و تقبلوا مروري و تحياتي
أشرف ابوزيد

الف مبروك على الشغل ده و ربنا يبارك لحضرتك و مصنعيه كويسه و الله

السلام عليكم ورحمته الله وبركاته
كان عندى خرطوم المساحات اللى واصل بين المساحات وقربة المساحات قصير جدا وناشف جدا
وكنت سايبه وكل ما اقول للميكانيكى عايز اغيره يقولى ده شغل كهربائى اروح للكهربائى يقولى هو كده كويس
قولت ولا الحوجه للكلاب الصنايعيه
والحمد لله فكيت الخرطوم وفكيت المساحات والشنب اللى تحت المساحات وغيرته بواحد تانى جديد وطويل زى ما انا عايز
متر الخرطوم بجنيه ونص وجيبت مسامير للشنب اسمها مسمار كلبس بجنيه المسمار
واى استفسار انا فى الخدمه