أخر الأخبار : Gen.2 FaceLift

**yasserayad** · 29-05-2008 07:09 PM

المشاركة الأصلية كتبت بواسطة justs

النهارده كان عندي انترفيو في شركة عالمية ضخمة جدا اسمها Orange لسه لسه فاتحة Innovation Center لها في القرية الذكية ( حاجه وهم ادعولي ربنا يكرمني بيها ، رغم اني هيصعب عليه اسيب شركتي الحاليه )

المهم بعد ما خلصت ، كلمت استاذ حبيب وقلت اعدي عليه نتكلم براحتنا واعرف عمل ايه ، وفعلا كلمته والراجل رحب وقالي اتفضل ، وفعلا روحتله وقابلني بترحاب وتشرب ايه يل باشمهندس قلتله قهوه زيادة ( عشان اركزله

) ، المهم لقيته متحمس جدا للموضوع ومجهز ايميل محترم ووراهوني ، وهوه قايلهم بنفس المواصفات اللي على الموقع وقايلهم شوية كلام زي الفل ، واكدت عليه اننا عاوزين سعر كويس يكون مخفض كمان عن الطبيعي اللي هتنزل بيه بعد كده عشان احنا عدد مع بعضنا ، وان ده هيزود العدد ، وقالي ان شاء الله هجبلكم احسن سعر وهحاول انه ميزدش عن 100000 حتى على الاقل بالنسبه لمجموعتكم ،

الظريف ان وانا قاعد معاه واحد اتصل بيه بيسال عن الجين2 الجديدة هاي لاين ، وقعد كلمه شويه وبعد كده قالو نسق مع المهندس سامح هوه بيجمع المجموعة وهوه قائد الموضوع وخد رقم موبايلي وادهوله وفعلا كلمني وهيحجز معانا ،

واخيرا هوه بعتلهم الايميل وقالي غالبا هيردو عليه الحد او الاثنين ، وهيتصل بيه اول ما يجيلو الرد وهيبعتلي الايميل اللي وصله

واتمنى ان الاخبار دي تكون فرحتكم زي ما انا مبسوط ، واني اكون على الطريق الصواب لنجاح المهمة وقيادة الفريق الذهبي الى بر الجين2 الهاي لاين .

اولا ربنا يوفقك فى الى مكان تروح فيه
ليا عندك طلب
طالما انت اصبحت متحدث رسمى مع المدير الاقليمى واصبحتم اصدقاء
طب انا باحب بروتون جين2
بس مش 1600 لان انا استهلاكى كتيييييييييير
هل فيه موديل 1300 من جين2 ممكن ينزل فى المستقبل القريب
او سافى 1200 مثلا
يعنى هل فى ه احتمال انهم ينزلوا موديل من جين2 او اخر من بروتون يكون السى سى اقل وجزاك الله خيرا
اتمنى من الله لك التوفيق

**M_HaFeZ** · 29-05-2008 07:10 PM

المشاركة الأصلية كتبت بواسطة justs

اولا انا عارف ان ده في الظروف اللي انت قولتها ، بس في الاوتوماتيك النقل بيكون تلقائي على ار بي ام مرتاح وعلى فكره ده بيحافظ على الموتور ( عشان كده موتور الاوتوماتيك بيعيش اكتر من المانيوال )

ثانيا يا باشا انا بتكلم عن Gen2 faceLift Highline ، ودي مختلفة تماما عن الموجوده في حجات كتير هجدا زي الجودة والصالون وخماته والموتور والكماليات وكمان استهلاك البنزين اتحسن فيها جامد بسبب الكام سويتش ومحدش اصلا في مصر لسه ركبها ( ان شاء الله الفريق الذهبي هيكونو اول ناس تركبها في مصر )

طيب ممكن تشرحلنا الكام سويتش شغله ازاى ؟
يعنى بيفرق ايه عن الكامه المزدوجه العادى ؟
مكتوب فى البروفايل S/W Engineer ده احنا على كده بلديات
هو تخصصك ايه ياباشا؟

**Eng.Sameh** · 29-05-2008 07:36 PM

المشاركة الأصلية كتبت بواسطة M_HaFeZ

طيب ممكن تشرحلنا الكام سويتش شغله ازاى ؟
يعنى بيفرق ايه عن الكامه المزدوجه العادى ؟
مكتوب فى البروفايل S/W Engineer ده احنا على كده بلديات
هو تخصصك ايه ياباشا؟

ده الشرح من بلاد بره :D

CPS - camshaft profile switching, means the cam’s lobe profile will change (switch to high profile cam) to increase valve opening timing during intake stroke in high engine speed. thus, the air-fuel mixture will enter easily into combustion chamber. during low speed, the cam will switch to normal position. as the result, engine produce more power and low consumption

ومعناه ان الكامات بيتعملها تحويل حسب السرعة بحيث ان لما تكون السرعة عاليه الفتحة الخاصه بحرق الوقود بتزيد وعلى السرعات القليلة الفتحة دي بتديق ، وبناء عليه المزج بين الهواء والوقود بيكون في احسن وضع ليه ، وده كخلاصه بينتج عنه طاقه اكبر يعني عزه و احصنه وفي نفس الوقن استهلاك اقل للوقود ، وزي ما قلت قبل كده ان التكنولوجيا دي مستخدمة من قبل في سيارات بورش الفئات العاليه واللي اصلا بورش وخداها من لوتس من 5 سنين وطبعا انت عارف ان لوتس اصبحت ملك بروتون ، يعني الجين2 الي بي اس موتورها بنفس التكنولوجية اللي في بورش :smile:

وبالنسبه لتخصصي فهو Computer Science وان شاء الله على وش الحصول على درجة الماجيستير في نفس التخصص

**M_HaFeZ** · 29-05-2008 07:45 PM

تمام ياباشا والف شكر على الشرح الوافى ده
بس اقصد الشغل مش الدراسه ؟

**Eng.Sameh** · 29-05-2008 07:59 PM

المشاركة الأصلية كتبت بواسطة M_HaFeZ

تمام ياباشا والف شكر على الشرح الوافى ده
بس اقصد الشغل مش الدراسه ؟

Software Developing ( Senior Java)

**crazylambada** · 29-05-2008 08:22 PM

يا جامد يا ابو سامح
على فكرة يا جماعة انا بجد فيه حاجة مكسوف اقولهالكوم
بس خايف لا تضحكوا عليا

**M_HaFeZ** · 29-05-2008 08:29 PM

المشاركة الأصلية كتبت بواسطة justs

Software Developing ( Senior Java)

تشرفنا ياباشا انا BA

المشاركة الأصلية كتبت بواسطة crazylambada

يا جامد يا ابو سامح
على فكرة يا جماعة انا بجد فيه حاجة مكسوف اقولهالكوم
بس خايف لا تضحكوا عليا

متقول ياعم مكسوف من ايه

**Eng.Sameh** · 29-05-2008 08:31 PM

المشاركة الأصلية كتبت بواسطة crazylambada

يا جامد يا ابو سامح
على فكرة يا جماعة انا بجد فيه حاجة مكسوف اقولهالكوم
بس خايف لا تضحكوا عليا

قولي ما تتكسفش ، وانا مش هقول لحد :D

**Eng.Sameh** · 29-05-2008 08:32 PM

المشاركة الأصلية كتبت بواسطة M_HaFeZ

تشرفنا ياباشا انا BA

Business Analyst ? ولا انا غلطان

**crazylambada** · 29-05-2008 08:36 PM

انتا عارف اني ساكن في الزقازيق
يعني ارياف
و مفيش حد اعرفه جاب عربية جديدة وسلم
يعني والدي الله يرحمه جاب الاوكتافيا و لقيت كل الناس بتتكلم عليها
و ايوا يا عم و مش عارف ايه
و هوب والديالله يرحمه توفى بعديها بتلات اشهر بازمة قلبيه رغم ان لياقت البدنيه كانت احسن مني
لاني كان رياضي
الاعمار بيد الله و كل حاجة انا معاك في كده
عندي واحد صاحبي جاب لانسر الشكل الجديد جميع الكماليات و لغاية دلوقتي بيتاذي هو و عربيته بسببها
وواحد صاحبي عنده ميجان
دا حتى يا جماعة لما جيت ركبت كاسيت فيديوسوني اصلي في عربيتي المعفنة كل حد يركب معايا يقولي واو و مش عارف ايه
الاقي العربية تخرب مني في ساعتها و تروح الميكانيكي
و ده اللي مخوفني من اني اجيب عربية جديدة
تحصلي مصايب و انا مش ناقص
خصوصا ني حبقى مش مميز في الزقازيق بس
لا مصر كلها
حد يقولي اعمل ايه
و متنسوش ان الرسول صلى الله عليه و سلم قال
العين حق
صدق رسول الله صلى الله عليه و سلم

الموضوع: أخر الأخبار : Gen.2 FaceLift

LinkBack

أدوات الموضوع

عرض

-

-

-

-

-

-

-

المواضيع المتشابهه

أخر الأخبار؟؟؟

إيه آخر الأخبار؟؟؟؟؟!!!!!!!!

أخر الأخبار

ايه الأخبار ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة