الموضوع: ازاي أعرف ان ده موتور العربية الأصلي و مش متغير

يبقي نعدل الكلام علشان فيه عربيات طلعت بتختلف .... لكن أكيد الرقمين بيبقي فيهم عامل مشترك أو بلوك الموتور و صدر العربيه بيبقي فيه رموز مشتركه علشان تدل إن الموتور بتاع العربيه

و حضرتك حاول تسأل في قسم سيات علي أرقام الموتور و الشاسيه هل بتتطابق و لا لأ

المشاركة الأصلية كتبت بواسطة himalking

"بيشتغلو حضرتك" ؟! أظن في أسلوب أفضل من كده
الميكانيكية دول مالهومش أي مصلحة معايا غير اني بستشيرهم علشان أشتري عربية
و هم وجهة نظرهم تحترم جدا لأني أعرفهم شخصيا .
من وجهة نظرهم ان ايه اللي يخليني أجيب عربية ملعوب فيها قبل كده وممكن يظهر فيها أعطال بعد كده , و ممكن يكون اللي مركب لاعب في حاجة , في حين اني ممكن أخد حاجة محدش لعب فيها قبل كده و لسة مقفولة بحالة المصنع

و أنا بسأل الناس هنا علشان برضه يفيدوني بخبرتهم في الموضوع ده , و أسمع تعليقاتهم
فمفيش حد ليه مصلحة انه "يشتغلني"

و كلام الأستاز محمد سيد مظبوط " ان العربيات اللي متغير لها موتور بتنزل من سعرها في البيع و غير مرغوب فيها"

اولا انا اسف اكيد مش قصدى عدم احترامك تماما او التقليل منك بس انا كان قصدى يعنى ان كلامهم مش منطقى علشان انا عمرى ما شفت حد اشتكى من تسقيط موتور و ساعات كتير بيكون الموتور المتسقط احسن من الاصلى -فى حالة ان موتور العربيه اتهلك جامد - بس مش اكتر من كده ... و انا اسف لو حضرتك فهمت كلامى غلط او وصلك بصوره غير اللى انا اقصدها

حضرتك أنا ما جبتش سيرة العمرة خالص , ده وضع مختلف عن اللي أنا أقصده , و عموما أنا متفق تماما مع الرأي ده , ان بدل ما أعمل عمرة , أغير الموتور أفضل

انا عارف والله بس انا بضربلك مثال لحالات الموتور المتسقط فيها احسن من الاصلى و عموما عربيه مو 2001 ميلحقش موتورها يوصل لدرجة العمره و الكلام ده يعنى

الموضوع بتاعي يتلخص في كلمتين
أجيب عربية بموتور قليل (1000 cc) بس يتاع العربية الأصلي , و لا أجيب موتور أعلى (1400 cc) بس متركب في العربية؟

هو السؤال ده اجابته ليها عوامل كثيره قوى و اللى يحكم حالة الموتور... بس حضرتك كنت اصلا بتسأل ازاى تتأكد ان موتور العربيه ده هو الاوريجنال و انا للاسف معنديش فكره عن الطريقه
.