الطريقة السليمة لحماية سيارتك من أمطار الشتاء العنيفة ؟

**Xlance2010** · 12-01-2012 09:32 PM

المشاركة الأصلية كتبت بواسطة dr_mohamed16

ايه علاقة الثورة باللى بيحصل فى الاسكندرية !!!!!!
هى الثورة هى اللى كانت عامله البنية التحتية اللى المخلوع سايبهلنا !!!!!!
واللى كانت بتنهب فلوسنا اللى مفروض كان يتعمل بيها صرف و اسفلت و شوارع و رصفان !!!!!

واضح يادكتور ان هناك سوء فهم فى الموضوع مع كامل تقديرى وتأييدى للثورة وما فعلت من أثر ايجابى على مصر وشعبها ولكنى ماقصدته فى معرض كلامى ان الاضرابات وخروج شركة فيوليا وهروب العمالة من العمل فى مجال النظافة هو السبب الرئيسى لما آل إليه الحال فى الاسكندرية من مستوى متدنى من نظافة وتراكم قمامة وعدم سحب مياه الامطار ... الخ

ولك ارق تحية على المشاركة فى الموضوع

**SunSet** · 12-01-2012 09:43 PM

أنا المستشفى اللي بأشتغل فيها بتعوم في الشتا ده

بنبقى كإننا عايشين في فينيسيا

قال مكافحة عدوى قال

**Xlance2010** · 12-01-2012 09:49 PM

هذه نتيجة طبيعية لانصراف عمال النظافة عن العمل فى هذا المجال لتدنى الاجور اولا ونظرة المجتمع الدونية لعامل النظافة ثانيا ، وتقاعس الجهات الرقابية عن محاسبة شركات النظافة التى علمت انها تتقاضى شهريا نصف مليار جنيه من محافظة القاهرة للقيام بنظافة المحافظة دون القيام بواجبها وطبعا حضرتك عارفة ان كل مسئول متقاعس لازم يتحاسب قبل مانفتح ملف محاسبة شركات النظافة ، وفين ايام اونيكس كانت اول مرة فى حياتى اشوف الزاوية بين الرصيف واسفلت الطريق 90 درجة بالفعل بدل الحال فى اسكندرية اللى لايرضى رب ولا عبد ، ونسأل الله السلامة

**shaddadfalcon1** · 12-01-2012 10:33 PM

المشكله في اللي بيمشي في طرق مش مرصوفه

يعني بالنسبه للمشي في الأسكندريه اخرها العربيه هتبقي عليها مياه متعكره او طبقه طين خفيفه قوي اللي هي الروبه

لكن لما بروح كفر الدوار عند اهلي وامشي في سكة غيط بيبقي في طبقه حوالي 8 سم طين طين طين علي الرفارف والعجل والعربيه من تحت وكل يوم الحوار ده فالعربيه بتفضل طول الشتا كده لحد مالقيت صاج الرفارف اتاكل والله وبقي كله خروم

وكترا لغسيل لاني كنتب بغسلها كل اسبوع عمل برومه في الابواب والعتب وحوالين البربيز

**Xlance2010** · 13-01-2012 10:51 AM

المشاركة الأصلية كتبت بواسطة shaddadfalcon1

المشكله في اللي بيمشي في طرق مش مرصوفه

يعني بالنسبه للمشي في الأسكندريه اخرها العربيه هتبقي عليها مياه متعكره او طبقه طين خفيفه قوي اللي هي الروبه

لكن لما بروح كفر الدوار عند اهلي وامشي في سكة غيط بيبقي في طبقه حوالي 8 سم طين طين طين علي الرفارف والعجل والعربيه من تحت وكل يوم الحوار ده فالعربيه بتفضل طول الشتا كده لحد مالقيت صاج الرفارف اتاكل والله وبقي كله خروم

وكترا لغسيل لاني كنتب بغسلها كل اسبوع عمل برومه في الابواب والعتب وحوالين البربيز

شكوى حضرتك غريبة بصراحة ، طيب ازاى سايب العربية من غير كفرات للرفارف ، بحيث ان اى طينة او مياه لاتصل للرفرف من الداخل ، وهى فكرة ممتازة لحماية السيارة ، وربنا يبارك لك فى عربيتك

**shaddadfalcon1** · 13-01-2012 11:39 AM

المشاركة الأصلية كتبت بواسطة xlance2010

شكوى حضرتك غريبة بصراحة ، طيب ازاى سايب العربية من غير كفرات للرفارف ، بحيث ان اى طينة او مياه لاتصل للرفرف من الداخل ، وهى فكرة ممتازة لحماية السيارة ، وربنا يبارك لك فى عربيتك

ماما عملت كده في اللي قدام بس اللي ورا ليها كفرات كمان ؟

وركبت دليات عشان الطين ميجيش في اي حته بس برده العتب هعمل فيه ايه ؟
العربه من تحت طيب هعمل فيها ايه؟

انزل مره في الأرياف في الشتا ياجميل وانت تشوف الطريق بيبقي عامل ازاي وخصوصا لما الجرارات والمواشي بيمشو كمان عليه بيبقي عايز رينج روفر عشات تمشي فيه

**Xlance2010** · 13-01-2012 11:44 AM

والله الارياف معروف كمية الطين اللى فيها وهى دى طبيعة البيئة هناك ولكن فائدة الكفرات والدلايات بتوفر حماية فوق العادة لصاج العربية وخاصة الرفارف والعتب

واشكرك للتفاعل مع الموضوع

ولك ارق تحية

المدون طارق الجيزاوى

**nono533223** · 15-01-2012 02:34 PM

سؤال لو سمحتم انا مركبتش حاجة في اللوجان كدلايات هل اللوجان فيها اصلا ولا محتاج اركبلها و نوع ايه و منين انا في اسكندرية منتظر ردكم شكرا

**amr.elsayed** · 15-01-2012 11:43 PM

المشاركة الأصلية كتبت بواسطة nono533223

سؤال لو سمحتم انا مركبتش حاجة في اللوجان كدلايات هل اللوجان فيها اصلا ولا محتاج اركبلها و نوع ايه و منين انا في اسكندرية منتظر ردكم شكرا

الدلايات دى الكاوتش اللى بيكون مدلدل ورا العجل علشان ماينطرش الطين على العربية
وفى محل اكسسوار صغير كدة قريب من عندنا يا محمد كنت عنده و قالى ان ممكن يجيب الدلايات بتاعتها ممكن تساله عليها
و حقولك وصفتين ليه عارف فى شارع العيسوى بعد ما تعدى محمد نجيب اول شارع لا تانى شارع تدخله (على قمته ) وهو موجود فى اخر الشارع على ايدك الشمال
تانى وصفة وانت طالع من نفق سيدى بشر فى شارع جمال عبد الناصر وانت رايح على فيكتوريا
اول شارع لا تانى شارع لا ... تالت شارع هو اول محل على ايدك اليمين ( جوة الشارع )

وشوف الموضوع دة كمان ممكن تبعت لـ سوبر ستار على الخاص تساله على مكان الراجل اللى فى الموضوع

http://www.nilemotors.net/Nile/192173-a.html
....................................
مش عارف المشاركة فيها شوية كلام غريب مش لاقيله ترجمة زى مدلدل وما ينطرش وعلى قمته

**Xlance2010** · 16-01-2012 04:36 PM

المشاركة الأصلية كتبت بواسطة nono533223

سؤال لو سمحتم انا مركبتش حاجة في اللوجان كدلايات هل اللوجان فيها اصلا ولا محتاج اركبلها و نوع ايه و منين انا في اسكندرية منتظر ردكم شكرا

لا اعتقد اللوجان تحتاج الى دلايات تشوه منظرها كأنها تاكسى ، افضل ان تبقى كما هى

الموضوع: الطريقة السليمة لحماية سيارتك من أمطار الشتاء العنيفة ؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الطريقة السليمة و الصحيحة للتعامل مع البطارية السائلة

الطريقة السليمة للتظاهر

الكلمات الدلالية لهذا الموضوع

المفضلات

المفضلات

ضوابط المشاركة