الموضوع: الطريقة السليمة لحماية سيارتك من أمطار الشتاء العنيفة ؟

معلش بقى يا دكتور باين عليا قولتلك على خبر مش حلو بس واجبى انى انبه حاجة زى كدة
وانت ممكن تخليك مع التوكيل شوية حتى تطمن للعربية انها خالية من اى عيوب صناعة لا قدر الله
وبعد كدة تعمل صياناتك فى المركز دة طالما بتستريح فيه وربنا يباركلك فيها

المشاركة الأصلية كتبت بواسطة drosamaragab

انا مش زعلان وانت مقلتش حاجه وحشه بالعكس انت وجهتني وفعلا اللي انت بتقول عليه إن شاء الله ناوي انفذه يعني لصيانة 20000 او 30000 الف بالكتير وخاصة اني معدل السير عندي 1500 كيلو في الشهر

وإن شاء الله هكمل في ورشة ميامي المشكله ان في كفر الشيخ مفيش اي حد بيفهم في رينو ولو فيه اي حد بيفهم يعمل ورشه عندنا وهيشتغل نار وكمان انا مستغرب على الناس اصحاب الشركات في منتهى الغباء يعني لو عملو في كل محافظه ورشه صغيره للاعطال البسيطه كانت هتبقى خدمة ما بعد البيع ممتازه وتزود المبيعات بس غبااااااااااااااااااااء عااااااااااااااااام في مصر زي ما يكون البلد عندها شلل في المخ

فعلا فكرة ممتازة ان يكون فيه مركز صيانة للاعطال السريعة فى كل محافظة ياريت توكيل رينو ياخد الفكرة دى فى اعتباره حتكون نتائجها مذهلة فى زيادة معدل بيع الرينو بمصر

المشاركة الأصلية كتبت بواسطة drosamaragab

بالامس خلصت عيادتي ومروح بطلت العربيه افتكرت ان السي دي جوه وانا كنت عاوز اعينه في الحافظه المهم شغلت الكاسيت
هوب
مش شغال مالك ياعم الكاسيت ما انت لسه كنت شغال ده انا يدوب بطلت العربيه المهم شمال يمين عطلان مفيش كهرباء واصله فكرت في الفيوز او الفيشه الموصله له بما اني كنت بقيت ميكانيكي في ال 131 كنت عاوز استخدم خبراتي واجيب العده بتاعتي واشتغل في اللوجان وبعدين قلت لنفسي ده انا بعت الفيات علشان الاعطال دي هتجيلي اللوجان وتعمل نفس الحركات دي بيني وبينكم جالي اكتئاب وقلت بكره هروح المنصوره اشوف اييه الحكايه وبالفعل رحت اخدوا العربيه واسمك وسنك وعنوانك والتحقيق بتاعهم المهم دخلوا الورشه وغسلوا العربيه وطلعوها وقالولي الفيشه كانت سايبه طيب من اييه يا جماعه قالوا انت او اي حد حاول يفك الكاسيت قولتلهم ده انا بخاف المس العربيه احسن تتلككو وتخرجوها من الضمان قلتلهم انا كنت عنكم من اسبوع بعمل كود الكاسيت ويمكن يكون وانتوا بتشوفو السريال اللي على الكاسيت قالو لا مش ممكن قلت طيب اييه يعني اللي حصل قالو يمكن مطب
قلت عديها مطب مطب طالما انه داخل الضمان ما تدقش المهم انا كنت مبسوط علشان غسلوا العربيه لاني كنت متأخر وملحقتش اغسلها قبل ما اروح قلت المشوار مجاش على الفاضي والغسيل تبع الضمان يعني لما احب اغسل العربيه ابقى اوديها لهم
سلام علشان طولت عليكم

الحمد لله ان الموضوع طلع فيشة محتاجة تأكيد تثبيتها لانى كنت حازعل جدا لو كان فيه عطل فى الكاسيت لانى عارف ان عربيتك لسه جديدة

لك منى ارق المنى

ربنا يكفينا شر الطريق ويبارك لنا فيما رزقنا