الموضوع: الطريقة السليمة لحماية سيارتك من أمطار الشتاء العنيفة ؟

المشاركة الأصلية كتبت بواسطة drosamaragab

انت زعلان من اسكندريه طيب انا هستضيفك عندنا في كفر الشيخ علشان تشوف الطين على اصوله
احمد ربنا انك في اسكندريه وعندكم بنيه اساسيه امال احنا نعمل اييه ؟

ياسيدى اعتبر نفسك عزمتنى وانا قبلت العزومة ولكن كفر الشيخ بلد جميل لى اصدقاء وزملاء كتير من هناك وهى بلد لاتقل عن اسكندرية فى اى شيىء وربنا يكرمك كده وتعيش فى احسن مكان فى الدنيا ويبارك لك فيما عندك

ودمتم بود

حد جرب الكار كير ؟
ياريت لو حد جرب يحكى لنا تجربته وكانت فين وتكلفتها كام وايه اللى اتعمل بالتحديد

المشاركة الأصلية كتبت بواسطة drosamaragab

تنورني في كفر الشيخ انا عاوز احكيلكم على اسرع حادثه انا اشتريت العربيه اللوجان وبعد 3 ايام قبل ما ارخص دخلت في عربيه تانيه الفانوس اتكسر والرفرف اتعوج والاكصدام اتكسر كل ده قبل ما ارخص وبعد 3 ايام مع اني كنت راكب 131 تلاث سنوات وما اتخبطتش وعمري ما خبطت عربيه تانيه وفي 3 ايام عملت باللوجان حادثه شفتو العين بتعمل اييه


فيه كمان حاجه الباب اللي ورايا مش بيفتح من جوه مش عارف استنى لصيانة 5000 وقولهم عليه ولا اروح دلوقتي وكمان مش عارف اروح اي توكيل انا من كفر الشيخ ومش عارف اقرب توكيل اييه

المهم انت بخير وبعد كده كله يهون ، والباب امره هين ، التوكيل يعمله فى دقائق ، واقرب توكيل لك اسكندرية طبعا فرع سموحة او العامرية الاتنين افضل من بعض
ولك تحياتى:b4_564:

المشاركة الأصلية كتبت بواسطة drosamaragab

شكرا لحضرتك

انا رخصت العربيه النهارده بس هروح اعمل كود الكاسيت في المنصوره واعمل الباب المره دي بس لاناعتقد انه اقرب شويه بس جميع الصيانات إن شاء الله هعملها في فرع العامريه

انا ليه زميل معاه كليو 2001 وبيعمل جميع صياناته في ورشة ميامي عند المهندس عبدالحميد عمار وبيقولي انها ورشه معتمده من رينو وكمان مش بتخرج بره الضمان واسعاره ممتازه بس هو اشتغل في الورشه من 2004 يعني كان بره الضمان بس هو بيقولي انا معرفتش ورشة ميامي غير متأخر وبيشكر فيها على الاخر والعربيه تقريبا مش بتقف معاه لانه بيعمل كل صياناته الدوريه لو اي حد عنده معلومه عن ورشة ميامي يا ريت يقول

الف مبروك على الرخصة ، وربنا يبارك لزميلك فيما عنده ، وعن ورشة ميامى فهى فى شارع متفرع من شارع 45 بحرى ، وانا اعلم انه مركز محترم وفعلا معتمد من رينو ، وارجو ان اكون افدتك بهذه المعلومات

مافيش مراكز لرينو معتمدة فى اسكندرية غير العامرية وسموحة
المركز اللى فى شارع اسكندر ابراهيم فى ميامى .. دة زمان كان معتمد لكن حاليا وقفوا اتعامل معاه
لكن هو مركز رينو بردو وبيصلح وبيصين ويعملك كل اللى انت عايزه