الموضوع: انتى طالق

طيب لو استخرت واستشرت واقدمت ولسه حاسس بالقلق ده طبيعى لأنك مقدم على خطوة كبيرة
طيب هل حسن الأختيار يمنع المشاكل؟

طبعا لأ مثلا علاقة الأبن بأبوه ابدية لكن فيها مشكل ولما تحصل المشاكل مبتنهيش العلاقة

لكن دايما الواحد يصاب بصدمة مع اول مشكلة تقابله بعد الجواز ويفكر هل كان غلطان

بعد شهر العسل بتبدأ خلافات تافهة واحد عايز ينام والتانى مشغل التلفاز
مش بتشيل الأطباق من عالسفرة..........
هل الحب اختفى
لأ لكن فى فترة تأقلم فى بداية الجواز يمكن تمتد سنين
وفى الفترة دى لازميكون فى مهارات تواصل بينكو
لو الغضب جامد متصرخوش فى بعض او تتهكموا وتنتقدوا بعض استنوا لما تهدوا وبعدين اقعدوا وكل واحد يقول للتانى عاللى بيزعجه ومش اهم حاجة ينتهى النقاش بانتصارك انك انت اللى على حق الهم توصلوا لحل تحسوا فيه بالسعاده والأحترام

اما بيجى بقى اول طفل لازم تكونوا مقسمين دوركو فى البيت الأعمال المنزلية يعنى لأن معظم طاقتها هتتوجه للطفل لدرجة انك هتحس ان الحياة الرومانسية اتدفنت تحت رعاية الطفل فلازم مجهود فظيع من الطرفين عشان يفضل الحب مشتعل
مهم تخصصوا على الأقل تلت ساعة يوميا تتكلموا مع بعض
واول ما يبقى الطفل ممكن يتساب مع حد لازم تخرجوا لوحدكو

طالما اصبحت زوج او زوجة لازم تشعر بالرضا لأن الوصول للزواج فى ظل الظروف الأجتماعية والأقتصادية دى شبه مستحيل لناس كتير وبياخد مجهود سنين
المشكلة ان كل واحد عايز يطوع التانى وبينسى ان فى فروق كتير بينهم وان لازم كل واحد يعرف حقوقه وواجباته ولو انت كرجل اديتها احتياجاته ا بعد متعرف هى ايه ده مش ضعف بل يدل على رجولتك واخلاقك العالية والطبيعى انها هتسعى تلبى لك احتياجاتك

طب ايه احتياجات الزوجة؟

1=ان تظهر لها اهتمامك وانها انسانة خاصة فى حياتك
2= تحسسها انك متفهم ما تمر به من حالات نفسية متقلبة وتتفاعل مع مشاعرها
3=تحسسها ان شخصيتها جديرة بالأحترام
4=تدى متطلباتها اهمية واولوية وتديها الحق فى الجدال او الشكوى بدون سخرية منها
5=تأكيط مستمر على مشاعرك بالكلام لأن مهما اثبتت تصرفاتك حبك لها برضه بتحتاج الكلام


احتياجات الزوج:
ثقتك فيه وتقديرك لأسهاماته عشان الأسرة
2=القبول دو ن اشتراط التعديل وثقتك انه يقدر يصلح اخطائه بدون نصح مستمر منك
3=اعجابك بشخصيته ومواهبه
4=حسسيه انه الشخص اللى كنتى بتتمنيهوشجعيه باستمرار وحسسيه بمدى تفهمك له

كل انسان بيحب التجديدوده اللى هيحافظ عالحب

عزيزى الرجل:

بطل غلاسة على مراتك

اه ما انت اكيد عرفت ومن ايام الخطوبة ايه اللى بيثير حساسيتها او يغضبها طب بتثير الحاجات دى ليه وترجع تقول انا مش سعيد فى جوازى!!

متفهمش الرجولة غلط انها معارضة لأى اقتراح من مراتك لأنك كده هتحسسها ان ملهاش قيمة

الرجولة مش معناها البطش والتعالىوتتفيه عقل الست
لكن قوامتك فى رعايتها ورحمتها وانك تعرف تشد امتى وتلين امتى
ولازم تفهم ان العاطفة عند المرأة اقوى كتير فلو اتحكمت فى بعض تصرفاتها العاطفة متغضبش
اجعل شغلك الشاغل البحث عن الجمال الموجود فى مراتك مش فى الستات التانية


لازم تفهم ان حياتك معاها هات وخد ولو انت ما اسعدتهاش هى كمان مش هتسعدك والست بطبعها بتحب العطاء والتضحية
والموضوع بسيط نفس الرقة والجنتلة فى التعامل مع الستات التانيين اعملها مع مراتك طب ده هى احق اعمل لها اسم دلع اشركها فى امورك غازلها
حاول تعرف مفتاحها واعرف ان ظروف نشأتها فى اسرتها اكيد مأثرة عليها

حافظ على استمرار الحوار بينكو سواء باللفظ او نظرات الأعجاب وضمة حنان ...

لا تدع مشكلات عيلتك او عيلتها تدخل فى مجال اسرتكو ومتخليش علاقتك بأمك تطغى على علاقتك بيها او العكس

مش من المرؤة انك تهينها او تضربها وخصوصا قدام ولادك ولو لك بنت مش هترضى لها الأهانة من جوزها

عزيزتى الزوجة

انتى كنتى قبل الجواز البت الدلوعة اللى طلباتها كلها محابة ومحدش بيدوسلها على طرف
دلوقتى لازم تبذلى مجهود عشان اسرتك الجدبدة تبقى سعيدة
اتعلمى تقولى له بحبك بطرق غير تقليدية بالتصرفات وانكار الذات وحافظى على الرومانسية فى العلاقة اعملى له مفاجآت عشا رومانسى على ضوؤ الشموع
غيرى دايما فى مظهرك حتى لا يمل
كونى دايما جنبه فى الأوقات السعيدة وايام حزنه
اهتمى بأدق التفاصيل فى مظهره وغيره
والرجل طفل كبير دايما محتاج الحنان والتدليل

يا جماعة متسيبوش اى خلاف بينكو يستمر لليوم التالى
محدش يتكلم عن تجاربه السابقة فى الماضى مع حبيبة او خطيبة او زوجة سابقةب
بلاش النقد اللاذع وسيطر عالمشكلة قبل ما تكبر
اتنازلوا شوية عن اشياء عشان انت لازم تحب له اللى تحبه لنفسك

متبقوش انانيين تاخد كل حاجة او تاخد اكتر ما بتدى

كل ست عايزة تقتنع انها اخر واحدة فى حياة جوزها
اعرف ان الجواز ميثاق غليظ فكر قبل ما تعمل اى خطوة بعدها لا ينفع الندم

ادى القدوة لشريك حياتك فى الحاجات اللى نفسك يعملها

متخليش القرايب يتدخلوا فى حياتكم

اعرفوا ان بعض العادات مش هتتغير مع الزمن او هتاخد وقت طويل فمتضخموش الصغائر

تقبل تبعات ومسئوليات الجواز بنفس راضية
ماتحرجش شريك حياتك
احترام الحقوق المالية

اعملوا حاجات مشتركة مع بعض زى عمل تطوعى مثلا ده هيقرب بينكو جدا
تهادوا تحابوا
عند اى خلاف افتكر حسنات الطرف التانى والخبرات السعيدة اللى مرت بيكو متخليش ساعتها المساوىء تطغى على عقلك

اسأل نفسك بتعمل ايه عشان تظهر اهتمامك بالطرف الآخر
وايه احلامكو المشتركة للمستقبل

الزوجة الذكية هى اللى تختار الوقت المناسب للطلبات او ابداء الملاحظات

الشيطان بيستخدم كلمة كرامتى عشان يبرر الخطأ والبعد عن التصالح ساعة الخلافات

لا تهرب من المنزل عند حدوث المشاكل


متبعدوش عن بعض كل واحد عامل لنفسه قوقعة يعيش جواها

الأختلاف الدائم فى الرأى يولد اختلاف القلوب فمفيش مانع توافق الطرف التانى احيانا حتى لو مش مقتنع

كونوا اعوان لبعض على طاعة ربنا

لو انتى زوجة عاملة وفقى بين الشغل والبيت
لا تتجهمى اذا حضر اهل زوجك واكرمى حماتك
سعادتك الزوجية مش معناها خلو حياتك من المشاكل لكن القدرة على حل المشاكلل دى من غير م ا تأثر فى العلاقة بينكو

مشكورة علي تلخيص الكتاب الرائع لفن الحياة الزوجية ولازم اي واحد او واحدة مقدم علي الخطوة دي يعرف كل النصائح الغالية دي فعلا لان الحياة الزوجية لنجاحها لازم تعاون الطرفين والمصاعب وقسوة الحياة اللي احنا عايشينها بتؤدي لفشل كتير من الزيجات لعدم تحمل المسؤلية وان الحياة علي طول لازم تبقي بمبي مع ان الصعوبات في اول الزواج بتكون كتير وعايزة عقل وحكمة