الموضوع: كيا سبورتاج .. هل تستحق ثمنها ؟؟

المشاركة الأصلية كتبت بواسطة ghazy12

يا فندم انا تحت امرك في اي حوار حضرتك تحبه و هدفنا اننا نتبادل الآراء و نفيد بعض في اللآخر...

شكرا لمعاليك وأضم صوتى لصوتك لتعم الفائدة

من حيث شكل العربية... بالنسبة ليا لا خلاف عليه, متفق معاك انها جميلة و شيك و واخدة اكتر من جائزة عالمية
و ده لانها تستحق فعلاً من حيث التصميم الجميل اللي ابدع فيه بيتر شراير كالعادة من ساعة ما راح كيا...

أعتقد ان أول شئ يجذبنا للسيارة ويبهرنا بها جمال التصميم وأكيد الموضوع ده بيزيد من قيمة السيارة

بعض الخامات الداخلية ليا عليها تحفظ زي السيراتو و السول بالظبط بس مش دي النقطة الجوهرية بردو...

والله مش تحيز للعربية بس أختلف معاك ان شايف ان الخامات الداخلية خاصتا الأبواب مرضية بشكل كبير ومقارنة بمنافسيها ممكن تتفوق عليهم كمان

بالنسبة للأداء بقى و هو ده اللي فارق معايا.... قبل اي حاجة موضوع الاداء ده بيختلف على حسب ركوبة
كل واحد و تقييمه الشخصي حسب اسلوبه و متطلباته في العربية و كل ما امكانيات العربية بتزيد, كل ما طموحك
و اللي انت بتبقى مستنيه من العربية بيزيييد بردو لانك ببساطة بتاخد قيمة مقابل فلوس بتدفعها و دي عليها اختلاف بردو..
اللي عايز اقوله ان ممكن حضرتك تكون مقتنع بالعربية و انا مش مقتنع قوي, بس انت صح و انا صح بردو
لان كل واحد فينا بيتكلم من منطلق تقييمه الشخصي طبقاً للشئ اللي يتناسب معاه هو بردو و اكيد اللي هيعجبك يناسبك...

اتفق معاك تماما فى كل ماسبق

ندخل في موضوع الاداء من وجهة نظري..... العربية و انت راكب جواها كويسة, لكن صوت
الموتور عالي بشكل ملحوظ و لنا بتقرص على العربية بيكون مزعج جدااا, حسيت العربية ثقيلة
شوية او الموتور الـ1600 مش مناسب بشكل او بآخر ليها (بس مش قوي يعني),

يافندم حضرتك تقصد مزعج فى حالة الكيك دون ممكن - بالرغم مع أنى اختلف برضو مع حضرتك على كلمة مزعج فيها مبالغة كثير - ولاكن السيارة على طريق السفر وفى حالة القيادة العادية (الطبيعية) وحضرتك على سرعة 120 كم أو 140 كم والله لايكون مزعج على الإطلاق بالعكس تماما متنساش ان الفتيس 6 سرعات وعلى السرعة دية بيكون rpm منخفض مش كده برضو يافندم ولا انا غلطان

الفرامل
ضعيفة بشكل ملحوظ و العربية بتزحف

هذا ما شعرت به عند استلام السيارة لاأختلف مع معاليك ولاكن الفرامل تحسنت بشكل سريع وملحوظ وأصبحت الآن مرضية جدا جداوتذكر ان الفئة الأولى والثانية متوفرة بالأتى(abs) ,(ebd) , (cbc) واضافوا للفئة الثالثة (esp) طبعا الكلام ده كله بيزيد من عوامل الآمان وكل الفئات ديسكات وطبعا الديسكات بتقوى اداء الفرامل وياريت معاليك تجرب السيارة مرة أخرى لتحكم على الموضوع ده علشان فعلا يهمنى رأيك جدا فى موضوع الفرامل ده بالذات

, العفشة معقولة (مش ناعمة و مش ناشفة)

الحمدالله انها مش ناشفة

, جريت مسافة
مش كبيرة بالعربية بس حسيت بالسرعة و كل ما تزود كل ما تبقى عايز تركز اكتر لان العربية
بعد 140 كم / الساعة حالها حال جميع السيارات فئتها أكيد ارتفاع العربية ليه عامل كبير فى موضوع الثبات وده شئ طبيعى

ماكانتش مطمناني بصراحة و اظن العزل عليه عامل كبييير في الموضوع ده.........

ده اللي انا فاكره بصراحة, بس لما تيجي تتكلم عن فئات العربية و سعرها تلاقي انه فعلاً عالي على العربية
لانها 2×4 و الكوالتي بتاع الخامات الداخلية غير مرضي من وجهة نظري, و الاداء مش على المستوى المطلوب للسعر ده بردو
يا فندم سعرها عالى إزاى حضرتك كده متحامل عليها ومفيش عربية هتعجب حضرتك ادخل بقى على الألمانى وادفع الفرق المذهل فى السعر وتبقى ركوبة بقى

و كمان ليها اكتر من منافس بسعر اقل زي القشقاي,
اعتقد فرق السعر بسيط (175 مقابل 186) تقريبا نفس الفئة بعد استبعاد السقف البنوراما - ولاكن فى فرق فى وسع السيارة وقوة الماتور والشكل وكلها فى الآخر ترجع لموضوع الأزواق والقناعة - مع انى من اشد المعجبين بالقشقاى وكانت من ضمن اختيارتى لآنها سيارة جديرة بالأحترام والثقة

او بفرق سعر اعلى شوية زي الكابتيفا
بس فرق الاداء و انها دفع رباعي و الحجم يستاهل الفرق من وجهة نظري المتواضعة....

فرق سعر كبير ثمن الكابتيفا 295 ألف جنيه ياريت كان بسيط ....... بخلاف زيادة استهلاك البنزين بشكل مبالغ فيه وكذلك الضريبة السنوية

ده رأي بشكل عام و صدقني انا عارف ان في ناس كتييير مقتنعين بالسبورتاج و شايفيين انها تستاهل سعرها
و هما رأيهم و وجهة نظرهم صح بردو و على راسي من فوق و لها كل الاحترام طبعاً لانها في الاخر ركوبة
و كل واحد بيختار الركوبة اللي تناسبة طبقاً لحساباته هو و متطلباته و طموحاته في العربية اللي عايز يقتنيها...

اتمنى اكون قدرت اوضح وجهة النظر يا فندم, و سعيد جدااا بالنقاش معاك... تقبل خـالص تحيــاتي

يافندم انا اللى اشكرك على مداخلتك الرقيقة وانا لى عظيم الشرف ان حد بحجم معاليك وله هذا الثقل فى المنتدى بالنقاش معى

عىربيتى تحت امر سيادتك فى اى وقت وياريت تشرفنا السويس علشان نحاول نعمل الواجب وتجرب السمك السويسى من المنبع

المشاركة الأصلية كتبت بواسطة fgfg1975

شكرا على هذا الحوار المحترم
انا اضم صوتى ل mmbadroo المحترم
و ذلك عن فتره التجربه الاولى - حوالى 400 كم -لكن العربيه ماشاء الله مبهره

اشكرك على هذا الثناء