الموضوع: كيا سبورتاج .. هل تستحق ثمنها ؟؟

المشاركة الأصلية كتبت بواسطة scobedo

السلام عليكم ...

يا فندم شاكر لذوق حضرتك انت اللي محترم وسيد المحترميين كمان ...وما تخافش في ناس كتيرة جدا محترمة وزي الفل المهم التربية في البيت ( اللهم باركلي في والداي واشفهما ) اميين .

بالنسبة لموضوع البنزين انا جربت الأثنين 95 وال92 وماحستش بالفرق الجبار يعني نفس العزم ونفس متوسط الأستهلاك تقريبا عشان كده انا ماشي 92 وزي الفل والعربية لم تخذلني الحمد لله مع اي عربية اخرى محترمة ان ماكانتش تتفوق عليها ما تقلش عنها وبالمحافظة كل حاجة بتعيش وتعمر .

موضوع 1600 بقى ده واي عربية مش عارفين ينزلوها يحطولها 1600 عشان ترخص دي حجة مش مقنعة تمشي اه مع غربيات تانية ذي السكودا الفانتازيا 1600 سي سي و 107 حصان ونفس الوزن تقريبا تبقى بطه ولا مش بطه ومع ذلك الناس اللي جايباها مقتنعه بيها وراضية بعزمها و زي الرز في الشوارع , النيسان القاشقاي 1600 و 118 حصان نزلوها مانيوال عشان موتورها عزمة لا يتحمل الأوتوماتك وسوقتها وعزمها كويس جدا بس عفشتها معجبتنيش رغم انها ياباني تقفيل انجليزي ...

نرجع بقى للسبورتاج لوعايزين ينزلوها بموتور ال 1600 عادي عشان تتباع وخلاص كانوا حطوا فيها موتور السيراتو وخلاص لكن الناس دي محترمه حطوا احدث ابتكاراتهم في المواتير اللي هو الموتور الــ جي دي اي اللي بيدي عزم وقوة زي الموتور ال 2000 واكتر وفتيس اتوماتيك محترم 6 سرعات ولكن مش فور باي فور ولكن نفس عفشة الفور باي فور لعلوها عن الأرض واستخداماتها المتعدده ( اس يو في ) ..

وبتنزل في اوروبا بنفس الموتور ال جي دي اي الــ 1600 عشان يرخصوها باين برضوا ... وفي بتربو كمان للي عايز
. وفي 2000 سي سي فور باي فور في امريكا .

وبعدين هي مش بربع مليون ولا حاجه 173-----186---------210 للهاي لاين وموضوع الأوفر برايس ده للي عاوز و مستعجل ومحدش ضربهم على ايديهم زي حالاتي مثلا وكفاية ان عربيتي مميزة والحمد لله .

وهي وجهات نظر ,,,,, و اسف جدا جدا على الأطالة .........

والله با أستاذ scobedo انت حوارك أكثر من محترم - بس هو ممكن تجعل سيارتك الجدبدة للتجربة خاصتا اشخاص لاتعرفهم - انا لست من سكان القاهرة وعلى استعداد تام الحضور إلى القاهرة لتجربة السيارة علما" بانى متردد كثيرا وذلك حرجا من شخصك الكريم وانا لو مكانك اعتقد انى سوف افكر 1000 مرة قبل اتخاذ هذا القرار وفى الأخر قرارى هيكون مختلف - ولكنى على اتصال دائم بالوكبل لخوض تيست دريف ولكن للأسف لايتوفر حتى هذه اللحظة مع انى حاجز السيارة من نوفمبر فرع روكسى المفروض وكيل زى ده المفروض ولازم ولابد يوفر التيست دريف
لأن حتى هذه اللحظة فى اختلاف كبير فى الآراء بالنسبة للبنزين 92 - 95 وانا رغم تقريرك المحترم انا مازلت متردددددد.