كيا سبورتاج .. هل تستحق ثمنها ؟؟

**hurgada90** · 11-01-2012 10:31 AM

[QUOTE=Hosam_Optrawy;3874041320]فرق السعر لانها فئه مختلفه حجم مختلف موتور 140 حصان عفشه 4*4 تعليق خلفى ملتى لينك , كل دا ليه تمنه , طبيعى انها تكون أغلى

زى ما القاشقاى اغلى من التيدا وزى ما ال asx اغلى من اللانسر

فى امريكا مثلا السبورتاج الهاى لاين اغلى من السيراتو الهاى لاين باكتر من 6 الاف دولار ودا مبلغ كبير جدا يدخلك فى فئه تانيه من العربيات

[size=4]اللى ممكن نتكلم عليها وتتقارن بالسيراتو هى السول مش السبورتاج[/s

والله العظيم مابقارنها بالسراتوا
بس أنا كنت عاوز أفهم إيه اللي مخلي العربية دي غالية غير الأوبشنز اللي موجودة في العربية العادية
>> شكرا لحضرتك .. طيب يا ترى هل حضرتك عندك فكرة عن ثباتها إيه ظروفه؟ وتقفيل العربية هيبقى أكيد مختلف عن السراتو تماما ولا إيه ؟
معلش أنا تعبك معايا :)

**temo85** · 11-01-2012 10:42 AM

هى الصراحه شكلها جامد اوى

**hurgada90** · 11-01-2012 10:49 AM

المشاركة الأصلية كتبت بواسطة temo85

هى الصراحه شكلها جامد اوى

فعلا أنا أكتر حاجة شداني ليها هو شكلها بس من جوه التبلوا فقير

**محمد بدر** · 11-01-2012 12:03 PM

ما رأيكم فى السوبرتاج شكلا وموضوعا نفسى تقييم حقيقى لهذه السيارة بحيادية وهل هى فعلا سيارة عائلية

**hurgada90** · 11-01-2012 04:49 PM

المشاركة الأصلية كتبت بواسطة scobedo

السلام عليكم ......

في ياجماعة موضوعين عن السبورتاج واحد مثبت عن الفئة الثانية والثاني في الموضوعات الغير مثبتة عن الهاي لاين ( موضوعي ) وفيهم كل التفاصيل والصور اللي انتم عايزنها .

بلاش كل ده ما تخشوا تشوفوا الريفيوهات بتاعتها على توب جير وكثير من المواقع المتخصصة وشوفوا بتتقارن بإيه وشوفوا الفرق لصالح مين ......

بلاش ده وده خشوا على اليوتيوب واكتبو كيا سبورتاج كم ممتاز من الفيديوهات والريفيوهات .

عربيتي تحت امر اي حد انا ساكن في 6 اكتوبر واجازة جمعة وسبت اللي عايز يشوفها ويسوقها كمان ماشي .

وعليكم السلام ورحمة الله وبركاته
بجد مش عارف أشكر حضرتك إزاي .. واللهِ أنا كنت قربت أنسى إن في ناس محترمين كده
أنا غالبا هتوكل على الله واحجزها إن شاء الله
ألف شكرا لحضرتك

**minicooper20** · 11-01-2012 06:10 PM

مفيش عربيه فى مصر تستاهل تمنها
لاكن الاسبورتاج نقطه ضعفها انها محتاجه بنزين 95

**Land_Cruiser** · 11-01-2012 06:25 PM

المشاركة الأصلية كتبت بواسطة minicooper20

مفيش عربيه فى مصر تستاهل تمنها
لاكن الاسبورتاج نقطه ضعفها انها محتاجه بنزين 95

و لو ان بعض الناس بتحطلها ٩٢ و شغاله. الفكره ان كل السيارات فعلا لا تستحق ثمنها و المشكله اللى فيها حكايه الاوفر برايس العالى لو عايز تسليم فورى او انك لو حجزت عادى تستلم بعد ٦ شهور !!!!

**tamerosman** · 11-01-2012 06:55 PM

العربية شكلها تحفة و الاوبشنز ممتازة بس موضوع انها بتاخد بنزين 95 هو المشكلة و ده العيب الجوهرى الى فى العربية خصوصا انه لو اتشال الدعم عن البنزين 95 ممكن سعر اللتر يوصل 4 جنيه ( متوسط سعر البنزين العالمى ) استعمال بنزين 92 ممكن اثاره تظهر على المدى البعيد و يضر الموتور

**AutoTycoon** · 11-01-2012 09:31 PM

رأي الشخصي لا تستحق تمنها .. هو اي عربية مش عارفين ينزلوها بالموتور المناسب عشان الجمارك يروحوا جايبينها بموتور 1.6 !!!؟؟؟ انا احد اصدقائي معاه النسخة الـ2.0 l في الإمارات و بيقوللي بطة (بيقول كدا على عربيته واخدين بالكوا..؟) ما بالكم بالحجم و الوزن دا و 1.6 بس !!! و بربع مليون جنيه ؟!!