مليت الكاوتش نتروجين.....!!

**السيد أحمد** · 27-05-2008 02:32 PM

فى بنزيمتين انا جربتهم عندهم خمة مجانيه لمللأ الاطارات بعدادات ديجيتال
بيسألك عايز ضغط كام وبيسجل الرقم ويبدا يملى بتلاقى الرقم يتناقص فى الأول وبعدين يزيد
لحد ما يوصل للرقم المحدد مسبقا يقوم العداد مصفر ويوقف ضخ هواء وانا معايا عداد ديجيتال
صغير جربته واعطانى قراءة نفس الرقم اللى طلبته

البنزينة الاولى هى امارات مصر على الدائرى قبل كارفور وانتى رايح اتجاه القاهرة الجديدة
،البنزينة التانية هى موبيل قبل ميدان الرماية وفلفلة
فممكن تبقى تجربوهم

**Khalid_Mostafa** · 27-05-2008 03:07 PM

المشاركة الأصلية كتبت بواسطة hero

المفاجأة انة وجد الضغط كلة مظبوط علي 45 .

....ساعتها ما بقاتش عارف ...هو فعلا 45 ولا العداد بتاعه بايظ....الراجل حلفلي مليون يمين ان العداد سليم وان بيظبط فوق من 100 عربية في اليوم ما بين تاكسيات علي ملاكي علي مكروباصات..

انا اعرف ان العربيات الزيرو بيكون ضغط الكاوتش عالي جداً لأنهم بيحسبوا حساب ان العربيه بتتشحن بحري و بتكون الرطوبه جامده جداً فعقبال ماتجيلك يكون ضغطها بقي مضبوط وانا لما اشتريت عربيتي لقيت الضغط حاجه و اربعين برضه...هذا و الله اعلم

**dooody_2007** · 29-05-2008 05:58 PM

فعلا الموضوع ده بجد انا اول لما استلمت عربيتى كان ضغط العجل بتاعها 47 ده بعدلما استلمتها بساعتين

**Moh.Fahmy** · 29-05-2008 06:11 PM

الف مبروك يا باشا و حتحس بفرق كبير جدا لكن خلي بالك انك ما تسهاش علي check بصفة دورية و لتكن كل اسبوع مرة لان برضه ضغط النيتروجين بيتغير انما مش بنفس معدل الهوا
و ربنا يحفظك ان شاء الله

محمد فهمي

**eng_mkhalaf** · 31-05-2008 07:34 AM

مبروك - أنا حطة بقالى 7 أشهر وزى الفل وكمان مزودتش ولا مرة وبشيك كل شهر على الضغط - وفعلا هو بيكون ناعم فى المطبات لأن النيتروجين لة قابلية للأنضغاط أكتر من الهواء العادى

**Sameh** · 31-05-2008 12:35 PM

ما أعتقدش إن فيه فرق فى النعومة ، لأنه أساساً النيتروجين يشكل حوالى ثلثى الهواء العادى اللى كنت بتستعمله قبل كدة

يعنى إنت بالظبط كأنك فرغت الربع أو الثلث اللى هو عبارة عن أكسجين فى معظمه وشوية غازات تانية وكملت مكان الربع أو الثلث ده نيتروجين برضه فأصبح عندك 100% نيتروجين

وإن كان فيه فرق فى القابلية للإنضغاط بين الغازات المختلفة ، ماعتقدش هيبان عند ضغط بسيط مثل ضغط الإطارات ، إنما يظهر عند ضغوط تسييل الغازات ، فيكون درجة الإسالة للنيتروجين فقط غير درجة إسالة مخلوط الهواء الجوى العادى ، إنما داخل الإطار لا أعتقد الفرق محسوس وخصوصاً أن الفرق فى التركيب أقل من الثلث فقط وعند ضغط لا يعتبر كبير جداً

ومن الآخر أنا مقتنع إن موضوع النيتروجين ده إشتغالة كبيرة وموضة هتاخد وقتها وتروح ، وإن كان المقصود منه مثلاً إن بخار الماء اللى فى الهوا العادى بيتكثف لقطرات ماء فحجمه يقل والضغط يقل ، أقولك إن نسبة بخار الماء فى الهواء الجوى ضعيفة جداً ، وهو أصلاً داخلك فى حالة ضغط من الكومبرسور اللى شحنلك

أعتقد نقصان الضغط بيكون سببه الرئيسى التسريب من شقوق ومسام بسيطة أوى ، وده مش هيتعالج بتغيير نوع الغاز المضغوط !!

ولا إنتوا إيه رأيكم ؟؟

**zakiali** · 31-05-2008 01:07 PM

المشاركة الأصلية كتبت بواسطة Sameh

ما أعتقدش إن فيه فرق فى النعومة ، لأنه أساساً النيتروجين يشكل حوالى ثلثى الهواء العادى اللى كنت بتستعمله قبل كدة

يعنى إنت بالظبط كأنك فرغت الربع أو الثلث اللى هو عبارة عن أكسجين فى معظمه وشوية غازات تانية وكملت مكان الربع أو الثلث ده نيتروجين برضه فأصبح عندك 100% نيتروجين

وإن كان فيه فرق فى القابلية للإنضغاط بين الغازات المختلفة ، ماعتقدش هيبان عند ضغط بسيط مثل ضغط الإطارات ، إنما يظهر عند ضغوط تسييل الغازات ، فيكون درجة الإسالة للنيتروجين فقط غير درجة إسالة مخلوط الهواء الجوى العادى ، إنما داخل الإطار لا أعتقد الفرق محسوس وخصوصاً أن الفرق فى التركيب أقل من الثلث فقط وعند ضغط لا يعتبر كبير جداً

ومن الآخر أنا مقتنع إن موضوع النيتروجين ده إشتغالة كبيرة وموضة هتاخد وقتها وتروح ، وإن كان المقصود منه مثلاً إن بخار الماء اللى فى الهوا العادى بيتكثف لقطرات ماء فحجمه يقل والضغط يقل ، أقولك إن نسبة بخار الماء فى الهواء الجوى ضعيفة جداً ، وهو أصلاً داخلك فى حالة ضغط من الكومبرسور اللى شحنلك

أعتقد نقصان الضغط بيكون سببه الرئيسى التسريب من شقوق ومسام بسيطة أوى ، وده مش هيتعالج بتغيير نوع الغاز المضغوط !!

ولا إنتوا إيه رأيكم ؟؟

+1000000000000

**hero** · 31-05-2008 01:22 PM

المشاركة الأصلية كتبت بواسطة Sameh

ما أعتقدش إن فيه فرق فى النعومة ، لأنه أساساً النيتروجين يشكل حوالى ثلثى الهواء العادى اللى كنت بتستعمله قبل كدة

يعنى إنت بالظبط كأنك فرغت الربع أو الثلث اللى هو عبارة عن أكسجين فى معظمه وشوية غازات تانية وكملت مكان الربع أو الثلث ده نيتروجين برضه فأصبح عندك 100% نيتروجين

ولا إنتوا إيه رأيكم ؟؟

هو علميا الهواء 80% منة نتروجين ...مش ثلثانة...والباقي اكسجين وبخار مية وشوية غازات تانية...بتكون مخلوط الهواء في طبقة الجو الاولي خالص ايلي احنا عايشين فيها...

في حقيقة علمية برضة تانية بتقول...
ان الخصائص الفيزيقة لخليط من الغالزات بيختلف عن الخصائص الفيزيقة لكل غاز علي حدة ....يعني مثلا النتروجين لما يكون في الهوا مع الاكسجين ...الخليط دة له خصائص مختلفة عن خصائص الاكسجين لواحدة والنتروجين لواحدة...

علشان كدة وجود النتروجين بس في الكاوتش غير وجودة مخلوط بغازات تانية...
زي تأثرة بالحرارة ومعدل تغير الضغط بارتفاع الحرارة..وجفافة ودرجة تكثيفة..وغيرة من الخصائص ايلي ممكن تهم راكب السيارة ...

وعموما النتروجين ظهر اول مرة في سباقات الفورميلا وان..علشان يحافظ علي الكاوتش من الانفجار خصوصا علي سرعات عالية جداااا ...

وعموما هو مش هايفرق قوي مع عربيات الركوب العادية..

**Ahmed Selim** · 31-05-2008 02:23 PM

المشاركة الأصلية كتبت بواسطة Ramy_Tantawi

ممكن يا أحمد باشا توضح أكتر المقياس ده عباره عن ايه لئنه مهم جداً لو بينبه ان ضغط العجل اختلف يعني بيركب فين وهاعرف منين ان ضغط الهوا اختلف ؟ وجزيل الشكر ليك يا باشا

معلش يا رامى الرد متأخر شوية بس كنت مسقط المشاركة دى خالص

بص يا باشا أنا شوفته مع واحد صاحبى

هو مقياس صغير ( نص البطارية ال AAA تقريباً ) وبيركب مكان غطاء البلف بتاع الكاوتش وبيبقى مقياس لدرجة معينة و مكتوب عليه الدرجة دى

لما الضغط بيقل أو يزيد بيكتبلك الضغط الحالى ( بس أنا مشفتوش فى الحالة دى.......كان مظبوط لما شفته )

هحاول أعدى على أرابكوم النهاردة أن شاء الله و أقولك الأخبار أيه بالظبط

الموضوع: مليت الكاوتش نتروجين.....!!

LinkBack

أدوات الموضوع

عرض

-

-

-

-

-

-

-

المواضيع المتشابهه

نتروجين الاطارات

هو تظبيط الكاوتش نتروجين غلي ولا اية...!!!؟

إستفسار عاوز انفخ الكاوتش نتروجين ؟؟؟؟

انا مليت الاستمارة

الكلمات الدلالية لهذا الموضوع

المفضلات

المفضلات

ضوابط المشاركة