الموضوع: غيرت كاوتش الأفيو

المشاركة الأصلية كتبت بواسطة أشرف العدوي

الحمد لله
بعد تغير العفشة و عمل السمكرة و الدوكو
جه الدور على الكاوتش

كان اهم حاجة عندي اني اجيب حاجة سعرها معقول غير الكومهو
بقالي شهر بسأل و بقارن
و رسيت على الجوديير و الفولدا
و قررت اجيب الجود يير
نزلت امبارح ما لقيتهاش عند حد من الي اعرفهم حتى سمير بيومي
اضطريت اجيب فولدا
جبت الفردة على 320
و بعدين طلعت على بريدجستون الهرم حطيت نيتروجين و ظبطت زوايا و ربطت العفشة
و الحمد لله على كدة

طبعاً في سؤال بيطرح نفسه
انا ليه ما رضيتش اجيب الكومهو

انا اعرف ان الكاوتش لما بيستهلك كتير بيتمسح او بيعمل عالي و واطي كدة يعني
انا عندي الكاوتش كان في شقوق غريبة في اماكن عجيبة
كل الي كان بيشوفه كان بيستغرب

و طبعاً البريدجستون غالي ( حاسس انه خسارة يركب في أفيو )

الف مبروك يا ابو اسر و ربنا يباركلك فيها و فى الكاوتش الجديد و يكفيك كل شر

بس موضوع الكاوتش دة حساس يعنى متستخسرش فية حتى لو افيو لانك لو بتسافر بالعربية بيبقى حياتك

عندى بس سوءال معلش لو سالتة فى موضوع الكاوتش - انت غيرت و جددت العفشة كلها - اخبار العفشة الجديدة اية - فية تزييق و لا اختفى و هل ليسة ناشفة و لا نعمت شوية - انا بسال علشان المستقبل ؟