لو شفت سافل وسافلة هرزعهم افا علي غفلة...موقف لسة طازة من شوية

**ahmed_mido1889** · 13-01-2012 02:45 AM

بالكلام اللي انا شايفه بقي نمشي في طلب ايناس الدغيدي بالتقنين

ويتحبس اللي يقطع الخلوه او يضايقهم

**mustafavet** · 13-01-2012 02:54 AM

بكرر موقفي تاني
تحية اجلال وتقدير لوالدك رغم كل اللي بيهاجموك
ابوك راجل محترم وربنا يكرمكم ان شاء الله بالذرية الصالحة
واتمني لما تشوف موقف زي دا تاني يبقي ليك نفس رده الفعل لان دا الصح

**ashouhdy** · 13-01-2012 03:07 AM

اذا بلا شرطة بلا نيلة بلا قانون بلا رخامة ..... كلة ينزل و يشمر دراعة و يدور على اللى مش عجبة ويمسك فى خناقة ضرب بقى قتل كلة براحتة .... بلا قانون يلا وجع دماغ ... اقلها يا محمد امسكة واطلب الشرطة تتصرف ... غير كدة ممكن بكرة تلاقى واحد يقولك اثبت ان اللى معتك دى أمك

**dr-mohamed** · 13-01-2012 04:00 AM

الموضوع ده فكرني بموضوع قدييييييييييييييييم كان كاتبه واحد مش عاجبه ان السيكيوريتي في مول قاله متقفش انت وصاحبتك في الجراج واطلعوا فوق وفيه اعضاء وقتها دخلت قالت له عادي وبيس وناس قالت له من حقك تقعد معاها براحتكم في الجراج لدرجة وصل الامر بواحد قال انه لو اخته واحد بيبوسها ايه المشكلة وات زا بروبليم
بعض المشاركات التي قرأتها لا يقال عنها الا اذا لم تستح فافعل ما شئت

**shaddadfalcon1** · 13-01-2012 08:39 AM

يعني انا دلوقتي حالا لو شفت منظر كده في الشارع معلمش حاجه واطلب النجده تيجي ؟؟؟
تفتكرو رد الشرطه عليا هيبقي عامل ازاي ؟ ده اذا معملوش فيا بلاغ ازعاج السلطات

انتو بتتكلمو بجد ؟ شرطه ؟ بجد ؟ دلوقتي ؟؟؟

هو انت لو طلبت الشرطه بتاعة الأداب الواد والبنت هيستنوك ؟

وبعدين عايزين يروحو شقه ولا يروحو الجبل يروحو انا مش هلف علي الشقق واشوف فيها ايه لكن في الشارع حقي اني امشي مشوفش مناظر مقرفه واشوف عيال بتغتصب البنات في الشارع والبنات مبسوطه

الواحد بشوف مناظر بجد تقرف وانتو بتقولو شرطه ؟

**dolly13** · 13-01-2012 10:19 AM

لا اله الا الله ... هو الموضوع كبر كدة ليه ؟
اعذرونى يا جماعة لكن انتو لو اعدتو قراءة الردود على اصل الموضوع هاتتعجبو من التداخل الرهيب فى الافكار وطرح الامثلة ووصول الموضوع الى درجة حد الرجم فى الزنا
ماعلاقة هذا الكلام بموضوع الاخ محمد
هو يتحدث عن موقف بعينه ولم يذكر سوى موقف واحد انه راى شاب يضع يده على وسط فتاة فى الطريق العام
فى الدول اللى كل واحد ملوش دعوة بالتانى ده بيبقى عادى ومش من حقك تبص فعلا
لكن هنا فى مصر قديما وحديثا قبل صعود التيار الاسلامى وبعد صعوده على الساحة .طول عمرنا بناخد بالنا من بعض وبنراقب تصرفات بعض واحيانا بنوجه بعض وعمرنا ماحسينا ان ده تدخل فى شؤن الغير لاننا مجتمع فيه نوع من الالفة والجدعنة
الموقف بسيط وليس له اى علاقة بالزنا وليس له اى علاقة بواحد متثبت على الطريق عفوا الامثلة بعيدة جدا
ولد وبنت صغيرين وراجل كبير شافهم بيعملو سلوك مش لطيف فى الشارع عادى جدا انه يلفت نظرهم او يعنفهم . طول عمرنا بنشوف كدة وماكناش بنزعل
يعنى تذكر كدة من كام سنة لما الشوارع كانت اهدى من كدة وواحد وواحدة يجوا يقفو تحت شجرة وانت تبص من البلكونة تشوفهم وتتابعم وتلاقى الموقف تطور حبتين ... ساعتها هاتسكت او هاتتصل بالشرطة زى ما البعض بيقول والا بطريقتنا البلدى كدة هانديهم كلمتين فى جنابهم وخلاص؟؟؟
لكنى استعجبت من الاخوة اللى قالو خلاص لما نشوف حد بيزنى فى الشارع نبقى مش عارف نعمل ايه كدة ؟
القياس خاطئ تماما
انا عمرى ماسمعت حد شاف حد بيزنى فى الشارع لكن بنشوف كتير ولاد وبنات ماشيين مع بعض .. يعنى حضرتك بتتكلم على حاجة ضد طبيعة البشرية اصلا لما لهذه العلاقة من خصوصية وبتقيس بيها . ازاى معرفش
عفوا على الاطالة ولكن ماقصدت قوله ان هذا حادث خاص وبدلا من الرد عليه بالايجاب او بالسلب تطرق الموضوع الى نظرة عامة بعيدا عن خصوصية الحدث
تقبلو مرورى

**محمد محمد** · 13-01-2012 10:27 AM

المشاركة الأصلية كتبت بواسطة ashouhdy

اذا بلا شرطة بلا نيلة بلا قانون بلا رخامة ..... كلة ينزل و يشمر دراعة و يدور على اللى مش عجبة ويمسك فى خناقة ضرب بقى قتل كلة براحتة .... بلا قانون يلا وجع دماغ ... اقلها يا محمد امسكة واطلب الشرطة تتصرف ... غير كدة ممكن بكرة تلاقى واحد يقولك اثبت ان اللى معتك دى أمك

إذا كان هو اللى عايز يطلب الشرطة لينا....المسألة خرجت من حيز القانون الى حيز اقرار الفعل الفاضح تحت اسم الحريات ..وبعدين انا موقفتهوش علشان ماشي مع واحدة لكن علشان الفعلة المشينة اللى هو بيعملها وهو ماشي مش هقدر اوصفها لبشاعتها ....لكن طول اليوم الواحد بيشوف بنات وولاد ماشيين مع بعض .

**محمد محمد** · 13-01-2012 10:38 AM

المشاركة الأصلية كتبت بواسطة donzi

طيب و لو اللي وجهتلها التوبيخ - و ليس النصيحة - كانت سيدة منتقبة مثلا او حتى سيدة مسلمة و لكن مرتدية عباية و شايفة ان ملابس اختك دي لا تليق بالاسلام و قررت تامرها بالمعروف و تنهيها عن المنكر و وجهتلها كلام بطريقة غاضبة و ناقدة و مش لطيفة لدرجة انها غلطت في اخلاقها و تربيتها !!!

تفتكر دا من حقها ؟

اللي انا عاوزة اوصلهولك ان الاختلاف في الافكار و درجات الالتزام كبير و متفاوت بين الناس و عشان كدا في قانون عام بيحكم الجميع و مش المفروض ان كل واحد مش عاجبه حاجة يقول انا هاغيرها بنفسي و الا هاتتقلب لغابة و انت شخصيا او اي حد من اسرتك هاتتعرضوا لمضايقات و مشاكل لو المبدأ دا تم تطبيقه

التوبيخ مرفوض النصيحة لازم تكون علي قدر الفعل ...العادي انك بتبدأ باللين...لكن احيانا النصيحة باللين بتخللي المنصوح يضحك عليك من طيبتك بالذات في مصر وانا عن نفسي تعرضت لموقف زي كده وقوبل بمعاودة الفعل امامي في نفس اللحظة...الشدة في الكلام تكون بالقدر المناسب للفعل ماتوصلش للتشهير واساءة السمعة ...والغضب العارم لازم يكون له سبب يخللي الغضب عنك عارم زي التبجح والجرأة...واحد حرامي بيسرق تقوله اتقي الله يقول استغفر الله العظيم ويتأثر وواحد تاني يقولك ما البلد كلها حرامية هتعملوا فيها شيوخ علينا الأول ليه معاملة والتانية ليه معاملة اخري .

-

الموضوع: لو شفت سافل وسافلة هرزعهم افا علي غفلة...موقف لسة طازة من شوية

LinkBack

أدوات الموضوع

عرض

-

-

-

-

-

-

المواضيع المتشابهه

خبر لسة طازة عن الكروز

عمار يا دايو موقف لسة طازة حالا

ازاى اروح المنيل مواصلات من موقف العاشر او من موقف مسطرد

حصل معايا موقف ومتضايق شوية !!!

حصرى ولسا طازة من توكيل تويوتا...........أسعار اليارس نزلت شوية

الكلمات الدلالية لهذا الموضوع

المفضلات

المفضلات

ضوابط المشاركة