الموضوع: لو شفت سافل وسافلة هرزعهم افا علي غفلة...موقف لسة طازة من شوية

المشاركة الأصلية كتبت بواسطة charming

لا حول و لا قوة الا بالله
طيب اللى هقولة مش هيعجب ناس كثير بس هو دة التحضر انك تمد ايدك طيب و بعد ما مارست العنف فى تغير حاجة انتا شايفها منكر انتا كدة راضى عن نفسك ومقتنع انك غيرتة يعنى كل واحد يشيل نابوت و يربى دقنة عشان يغير المنكر بالعنف دة قمة السقوط الحضارى وكمان لازم تراعى انة لما قللك طيب و انتا ماللك هو عندة حق و بيدافع عنة و عن حريتة و هو معاة كل الحق على الرغم من عدم احترامة للناس بفعل فى نظرهم فاضح بحكم الدين و الاعراف

والله ياباشا انا مفتحتش عليه باب اوضته الواقعة كانت في شارع عام والفعل كان فاضح .

ملحوظة صغيرة للاخوة الافاضل
مصر دولة ليبرالية طول عمرها تلتزم بالشريعةوهتفضل كدة
وان فكر الاسلامين فى تغيرة ان اول واحد يقوم ضدهم بثورة

اعذرونى و لكن الشىء بالشيء يذكر

المشاركة الأصلية كتبت بواسطة mido_soliman

على الرغم انى وكل اللى حيشاهدوا ويعلقوا واللى مش حيشوفوا الموضوع من الاساس متفقين على ان الموقف اللى خضرتك شوفتة دة مقزز ومرفوض من كل طوائف الشعب المصرى الا انى رافض الطريقة اللى حضرتك اتبعتها دى شكلا وموضوعا ويمكن لو كنت شاهد عيان على الواقعة دى كان حيكون لى رد فعل مختلف تماما عن الصعيدى اللى ظبط الواد تظبيط التنين ولو انى شاكك من الاساس فى الرواية (ليس تكذيب حاش لله وانما مجرد حرية رأى ارجو تقبلها بصدر رحب)
لو الولد (الصغير) دة كان (كبير شوية وجرم كدة ) هل كان رد فعلك دة حيكون هوة هوة ولا ساعتها ممكن عنوان الموضوع يبقى مختلف من ناحية اللى انضرب على قفااااااااااااة ؟ دى اولا
لو الولد الصغير دة (كانوا اتنين تلاتة صغيرين ) هل كان رد الفعل حيكون هوة هوة بردة ؟.؟؟ اشــــــــك شك التنين
طب لية ؟؟؟؟ لان الموقف كان حيختلف تماما وممكن يبقى فى اهانة لا سمح الله اذا حدث تطاول بالايدى واللسان وبالتالى القوى غير متكافئة علشان اطبق (من راى منكم منكرا فليغيرة بيدة )!!!
لكن لما تبقى الفرصة مواتية لانة ولد صغير وجايز سليط اللسان(ودة على فكرة راجع لحجات كتير واعتباراتة السنية وخبرتة المعدومة واحساسة بالاهانة والتقليل قدام البنت اللى معاة ودة موضوع نفسى وكلام علمى انا مش جايبة من عندى على فكرة وكل واحد مننا لما كان فى سنة كان عندة نفس العند والعنفوان دة بالظبط مع اختلاف الطرق فى التصرف مش اكتر )
اختلف معك اخى الكريم شكلا وموضوعا وليست هذة طريقة الحل اطلاقا ولن تكون كذلك مهما حدث رغم اتفاقى الكامل معك وهو ما ذكرتة فى بداية كلامى الا ان الطريقة فى التعامل مع الموقف مقحفة وفيها ظلم بين منك تجاة ولد صغير السن قليل الخبرة والحيلة والرباية ايضا

انا لم امد يدي اطلاقا والولد لم يصاب بأذي بالعكس انا دخلت احجز لأن الولد حاول يمد ايده علي والدي والناس كانت عايزه تتضرب الولد بسبب تصرفه والبنت خلتها تمشي اول ما لقيت والدي نزل بالعربية والموضوع تتطور حفاظا علي سمعتها مع ان الناس قالت البنت هي السبب ( كالعادة ) ...يمكن اكثر الكلام اللى الإخوة ذكروني بيه في مسألة اللين في انكار المنكر انا عارفه ...لكن الواقع ليه متغيرات غير محسوبة ....حتي كلامي في اول الموضوع قد يكون متغير عن اخره .

المشاركة الأصلية كتبت بواسطة Eng_hatemfathy

الموضوع بصراحه جميل ومهم وليه اكتر من جانب هناك جانب فقهى وهناك جانب عملى واقعى
هبدأ بقصص واقعيه حصلت ليا انا شخصيا
مره كنت راكب المكيف من المعادى للهرم وطبعا الطريق طويل ومغرى على التغول فى المعصيه لمن يبحث عن فرصه وطبعا طلبة المودرن اكاديمى كانوا عايشين .....

المكيف دا منيين لفين !!

عندنا بردو نفس المشكلة و يمكن اكتر شويتين تلاتة اربعة .. بس انا دايما مش بمانع لما يبقى في حاجة زي دي و حد يروح يكلمهم .. انما ضرب او تشهير بصراحة مش مقتنع بالحكاية دي .. يعني لو في موقف زي دا حد يروح يكلمة و ويديلو كلام من اللي بيوجع بس من غير شتيمة او صوت عالى لان دايما اللي بيعمل الكلام دا بيبقو العيال المراهقين اللي بيسمعوا تيمو " منه لله "
اقولك حاجة .. عندنا مكان كدا على البحر الاسكندرانية عرفينوا .. المحافظة عاملاة كراسي شكلها شيك و منظرها جميل و على البحر و نجيلة و اخر دلع .. فا اكيد بيبقى عليهم كتيـــــــر ... من كام يوم لاقيت الكراسي دي اتدهنت بقى " اترضاه لأختك .. الم يعلم ان الله يراه " الخ الخ الخ :D
طيب اللي راح و دهن الكراسي دي و كلف نفسة و جايب خطاط .. كان طبع فلايرات عليها كل اللي عايز يقولة و يوزع على اللي قاعدين .. انما هو اللي علمة انه شوة المكان " و مش قصدي الآيات عشان محدش يفهم كلامي غلط " لان كدا المنظر بقى اسوا من الاول .. لما تشوف آيات ربنا مكتوبة على كرسي عليه ناس بتعيش حياتها الطبيعية
و بردو ال شغااال