الموضوع: قسوة دي ... ولا عقل ؟

المشاركة الأصلية كتبت بواسطة shnory

ححكيلكم علي موقفين تانيين حصلوا بس عكس بعض
دخلتي زبونه لابسه دهب ينم عن انها مش شايله فلوسها فيه وخلاص
لا دي جايباه للعياقه ومن كلامها ان جوزها مستنيها في العربيه
وكانت عاوزه تعرب تليفون ابنها
فضلت تفاصل معايا ولا اجدع شحات في مولد بطريقه منفره وتنرفز
لدرجه اني قولتلها انه مش قابل سوفت وير ومرضيتش اعمله من قرفي منها ومن طريقتها
======================================
الموقف التاني
عامل من الي بيشيلوا قصعه المونه مكملش 16 سنه
جابلي تليفون ميت نزلتله سوفت واشتغل بس مجابش شبكه
قولتله خده اعمله عند فلان علشان يعملك الشبكه
قالي يعني انت اشتغلت فيه ولا منفعش
قولتله اه هو كان ميت وحاليا شغال بس فيه عيب شبكه
قالي طيب حسابك ايه
قولتله مش عاوز فلوس لان الجهاز مشتغلش بطريقه ترضيني وبالنسبالي طالما مجابش شبكه يعتبر مش شغال
قالي مفيش الكلام ده
طالما اشتغلت يبقي تاخد حقك
وراح سايب الفلوس علي المكتب وجري علشان مرجعلوش فلوسه
======================================

الموقف بقي اللي في حياتي مش حنساه عن اكل عرق الناس
واحد جالي بجهاز نوكيا 6020 مفيهوش ولا زرار شغال الا زرار الباور وكان لسه نازل الجهاز ده
فضلت 80 دقيقه شغل متواصل في الجهاز ودي مبتحصلش الا في طوارئ السوفت وير
الجهاز كله اشتغل تمام ماعدا زرار الاتجاهات
قولتله انا كنت قايلك 40 جنيه فطالما الزرار ده مشتغلش يبقي 30 وخلي فلان يغيرلك الزرار (انا مبشتغلش هارد وير)
قالي ليييييييه
وانت عملت ايه
الجهاز زي ماهو
وقبل ما ينطق اخر حرف من الجمله
الجهاز نط من ايده علي الارض محطش منطق
راح باصصلي اوي كده
ومطلع 50 جنيه وقالي خد شوف حقك ايه يا باشمهندس
قولتله روح ياعم الله يسهلك الحال
ابقي هات لعيالك حاجه بيهم هديه مني
ومشي وودانه مطرطقه
وياااااااااااما بنشوف
لو قعدت احكيلكم عاوزلي منتدي تاني ههههههههههههه

انت شغال فى صيانة الموبايلات , حبيبي يا شنوري

انا اشتغلت هارد وير فترة كبيرة اوي وعندي قصص تشيب علي افتكاسات الزباين

بس يا راجل شغله الموبايلات دي شغله وجع دمااااااااااااااااااااااا اااغ اوي انت مستحملها ازاي وبقالك اد ايه شغال فيها