الموضوع: اسعار بيجو 508 فى مصر من التوكيل

المشاركة الأصلية كتبت بواسطة khaled_afandy

أحسن واحدة بدون منازع هى s60 رهيبة بصراحة و تقفيل أنظف من المرسيدس، عاملة زى الأودى ال A5 فى جودة الخامات

بس مشكلتها فى الصيانة يعنى ممكن بعد 10 سنين (و ده غالبا أول وقت الفولفو تحتاج حاجة لو العربية ما فيهاش مشكلة من الأول) مش مضمون الواحد يلاقى قطع غيار

يا باشا ال s60 عربيه محترمه جداً و شيك وزى الفل بس مع احترامى تقفيلها مش احسن من المرسيدس طبعا لا فى مصر و لا اى حته

للأسف عربية ممتازة و مش وخدا حقها في مصر, ايا كانت هي أو السيتروين أو الفولفو التحفة الفنية و الثلاثة أحسن من اي حاجة بتنافسهم في الفئة السعرية دي ( باسات-جيتا-سكودا-316-سيفيك الجديدة الفاشلة)

المشاركة الأصلية كتبت بواسطة khaled_afandy

أحسن واحدة بدون منازع هى s60 رهيبة بصراحة و تقفيل أنظف من المرسيدس، عاملة زى الأودى ال A5 فى جودة الخامات

بس مشكلتها فى الصيانة يعنى ممكن بعد 10 سنين (و ده غالبا أول وقت الفولفو تحتاج حاجة لو العربية ما فيهاش مشكلة من الأول) مش مضمون الواحد يلاقى قطع غيار

مفيش وجه مقارنة بين البيجو 508 والفولفو s60 أنا ركبت ديه وركبت ديه وعملت تيست درايف للاثنين أولا البيجو بمقاس اثنين من الفولفو وسع رهيب
ثانيا أوبشن البيجو كثير جدا عن الفولفو
ثالثا موتور البيجو 1600 تيربو 156 حصان إنما الفولفو 1600 حوالي 119 حصان على ما أتذكر

المشاركة الأصلية كتبت بواسطة yoko

الفولفو 1600 تربو 180 حصان
ولو هناقارن بين السيتروين والبيجو الفولفو مع كامل إحترامي ال316 تركن على جمب هيا والسيفيك واي حاجة تانيه في الفئه دي

يبقى أكيد الفولفو ديه مش نازله هنا لأني فعلا ركبتها وسألت على موتورها محدش قالي موضوع ال 180 حصان ديه خالص

الستروين اللي نازله هنا 2000 سي سي مش ال 1600 بس قالوا إنهم على شهر 3 هيجيبوها
وطبعا لا مقارنة بين البيجو والستروين وبين السيفك تماما من ناحية كل حاجة

ياجماعه ارجوكم الحكم يكون موضوعى...ولكل فوله كيال
ايه المشكله ان بيجو تبقى ب 200 الف؟ هى 128 مثلا؟ شوفها واركبها وشوف كماليتها ووسعها واحكم.
اللى بيقول اجيب بيهم 523, ممكن..وممكن كمان 525 مو 2005 وحاله ممتازه كمان..بس البس مصاريف بقى ياباشا زى اخوك...ضريبه سنويا 4000 (4 الاف) جنيه..صح هاتنزل الف كل سنه..بس بعد 7-8 سنين تكون دفعت 15 الف للحكومه لوحدها..وبعدين قطع غيار ربنا مايوريك..طلمبة المياه 3 الاف..والبنزين 3500 والمساعد ب 1500 وفرده الكاوتش ال 17 ب 1200..يعنى هم تانى خالص
انت لو جبت البيجو هاتنسى الدنيا 4-5 سنين لحد ما تبتدى تغير فى اى حاجه..لكن ال 523 دى كل سنه عندك مجموع مصاريف (ترخيص وكاوتش وصيانه) بتاع 8 الاف جنيه..وبعد 5 سنين هاتخسر فيها برضه 100 الف زى البيجو وبعد ماتجيبها ب 200 الف هاتبيعها ب 110 -120 بالكتير قوى.

اما الفولفو بقى..صح شكلها تحفه..وفعلا موتور 180 حصان تيربو..بس راجل كده قعد 3 ورا او سافر بعيلتك الساحل ومعاك شنط!! شنطتها صغيره جدا جدا بغباء...انا ركبتها وجربتها وكنت ناويها قبل ماشوف ال 508