اسعار بيجو 508 فى مصر من التوكيل

**amr_2010** · 28-02-2012 12:46 AM

عربية تحفة فعلا و سعرها كويس بالنسبة للفئة بتاعتها

**MaZaGAngeE** · 28-02-2012 01:03 AM

المشاركة الأصلية كتبت بواسطة khaled_afandy

طبعا قطع غيار الفولفو و صيانتها نار نار بس معمرة جدا جدا جدا لأقصى حد. العربيات دى رقم واحد فى العالم بالنسبة للأمان و العمر الطويل. لن أنسى واحد صاحبى حكى لى عن مشاهدته و قوع عربية 244 من فوق كوبرى بس مش عالى قوى و كل اللى حصل أن السواق قام و فتح الباب بعد الوقوع زى الفل :-)

كنت مسافر بعربيتي ال 240 موديل 1983 من القاهرة الى الفيوم و معايا ابن خالي و هوه كان سايق و نعس و العربية ماشية 150 و طلع بره الطريق و جه يلم نفسه العربية لفت منه و اتقلبت في تاجزيرة اللي في نص الطريق مرتين و وقفت على سقفها ...
الناس طلعونا من الشبابيك و عدلوا العربية طبعا السقف و الشنطة و البابين اللي ورا متبهدلين ..
و البطارية وقعت من مكانها ... ركبتها و جربت اشغل العربية اشتغلت .. جيت احركها لقيتها بتمشي ... رحت مكمل بيها لحد الفيوم ...
و احنا الحمدلله طلعنا من العربية مليانين رملة بس من غير ولا خدش و ربنا سترها علينا ...

الأمان = فولفو
و ده شيء ثمنه أقل كتيييييييييييييير من اي فلوس تدفع في العربية

**Waleed_Fathy** · 28-02-2012 01:12 AM

انا عارف اننا هنا مش فى قسم المقارنات بس بصراحه فرصه الموضوع ماشاء الله شادد انتباه الناس المحترفين هنا فا فرصه ناخد خلاصه القول
دلوقتى ممكن نرجح بشكل عقلاني بين الثلاث سيارات
c5 و 508 و s60
من حيث الاعتمادية و اسعار قطع الغيار و توافرها و الاوبشنز و الابعاد و قوة اللوكيل فى مصر

**MaZaGAngeE** · 28-02-2012 01:22 AM

المشاركة الأصلية كتبت بواسطة waleed_fathy

انا عارف اننا هنا مش فى قسم المقارنات بس بصراحه فرصه الموضوع ماشاء الله شادد انتباه الناس المحترفين هنا فا فرصه ناخد خلاصه القول
دلوقتى ممكن نرجح بشكل عقلاني بين الثلاث سيارات
c5 و 508 و s60
من حيث الاعتمادية و اسعار قطع الغيار و توافرها و الاوبشنز و الابعاد و قوة اللوكيل فى مصر

بيجو و سيتروين نفس العربية من نفس خط الانتاج .. الفرق تقريبا في الشكل الخارجي و يمكن شوية اوبشن زيادة قليلة.

كده نقدر نقول المقارنة بين عربيتين الفولفو و البيجو/سيتروين

**Unendlich** · 28-02-2012 12:32 PM

علي فكرة أنا كنت بتكلم مع حد من توكيل بيجو و هم معترفين 10000% إن كان في فترة هرتلة (فترة الايراني) و خسروا فيها ناس كتييير بعد ما كانوا دخلوا التاريخ بال 504 وال 505

احب اقولكم ان دلوقتي في شريك (بقاله شوية) دخل بنسبة 71% و مزبط الدنيا اخر تظبيط, يعني مركز أبورواش, المركز اللي في صلاح سالم بقاله 5 سنين فتح اخيرا , الضمان رجع 3 سنين بعد الهبل بتاع سنة واحدة ده, قطع الغيار بقت متوفرة و في محاولات جادة لتقريب اسعارها من الياباني والكوري (أنا شفت بعيني اسعار قطع غيار و صيانات ال 308 و ده فعلا أكدلي كلامه) , المعارض بقى فيها عربيات كتير بعد ما كنت تخش زمان تلاقيهم بيلعبوا عالكمبيوتر و مفيش ولا عربية واقفة و مبقوش زي زمان بيخلوا حد يحجز عربية إلا لو كانت على أرض الوطن أو بالكتيير قوي على المركب و جاية (زمان كانوا بيحجزوا و موت يا حمار بقى تجيلك بعد 4-5 شهور أنت و حظك)

و على فكرة نفس الشيء ملحوظ بالنسبة لستروين, في صحوة كده و بقى في تشكيلة محترمة من الموديلات بتنزل بعد ما كانت يدوبك هي ال c4 و بس

**i_Am_Legend** · 28-02-2012 02:21 PM

فولفو s60 طبعا.....انا بشتغل سيلز في شركة....وهي موزع معتمد لكيا ورينو وهوندا......وجالى عميل طلي الفولفو ....وجيبتهالة بالطلب....وكانت مش اعلى فئة كمان.....العربية اقل مايقال عليها ...وهممممممممممممممممم......... ..

السيفيك سعرها 199....والسبورتاج...210...وبتتباع اووووفر بيوصل ل20.....احب اقولكم حاجة...الفولفو ...عربية...غير عادية....وسعرها فيها...وتستاهل كل جنيه يتدفع فيها.....عربية SPORTY...LUXURY...SAFTY......انا مستحيل اى عربية تملى عنيا او تعجبني....بس الغربية دي....فعلا تستااااهل...

**MASERATI** · 28-02-2012 04:57 PM

المشاركة الأصلية كتبت بواسطة unendlich

علي فكرة أنا كنت بتكلم مع حد من توكيل بيجو و هم معترفين 10000% إن كان في فترة هرتلة (فترة الايراني) و خسروا فيها ناس كتييير بعد ما كانوا دخلوا التاريخ بال 504 وال 505

احب اقولكم ان دلوقتي في شريك (بقاله شوية) دخل بنسبة 71% و مزبط الدنيا اخر تظبيط.....................

السلام عليكم و رحمة الله و بركاته

بالظبط كده يا باشا, كلام 100 100.

**falcon77** · 28-02-2012 05:43 PM

ارجو النصيحة فى الاختيار ما بين بيجو 508 جديدة و فولكس تيجوان 1400 بنزين 95
التيجوان 2010 وبحوالى 220 الف والبيجو جديدة سواء بيز او هاى لاين

**Waleed_Fathy** · 28-02-2012 08:48 PM

المشاركة الأصلية كتبت بواسطة i_Am_Legend

فولفو s60 طبعا.....انا بشتغل سيلز في شركة....وهي موزع معتمد لكيا ورينو وهوندا......وجالى عميل طلي الفولفو ....وجيبتهالة بالطلب....وكانت مش اعلى فئة كمان.....العربية اقل مايقال عليها ...وهممممممممممممممممم......... ..

السيفيك سعرها 199....والسبورتاج...210...وبتتباع اووووفر بيوصل ل20.....احب اقولكم حاجة...الفولفو ...عربية...غير عادية....وسعرها فيها...وتستاهل كل جنيه يتدفع فيها.....عربية SPORTY...LUXURY...SAFTY......انا مستحيل اى عربية تملى عنيا او تعجبني....بس الغربية دي....فعلا تستااااهل...

ده كلام جميل و مش بعيد عن فولفو بس السؤال مصاريف العربيه دية كام فى 3 سنين
و بعد الضمان مهم جدا مقارنة بعربيه تعتبر مقاربه فى السعر زى البيجو
اللي انا اعرفه من زمان من احد الزملاء كان معاه s80 موديل 2005
كان بيقول كلام وقتها لا يصدق عن اسعار قطع الغيار و الصيانات و في الاخر باعها بخس بسبب مصاريفها