الموضوع: كافيه كيا يرحب بأعضائه .....ادخل برجلك اليمين

المشاركة الأصلية كتبت بواسطة m7amd_7amdy

وبجهز فى شقتى وطالع عين أمى :)) يعنى ياأبوليلى مفروض تفتحلى موضوع خاص لمساهمة أخوكوا الغلبان
هاااااااا يا أبوليلى هتساهم بكااااااااااام؟؟؟؟؟؟
اوعوا تفكروا انى بستغلكوا ولا حاجة لاسمح الله :d دانتوا حبايبى :))))

مالسه بدرى يا استاذ يعنى الموضوع بقاله 4 ايام وجى ترد دلوقتى يخسارة المشبك فيك
انا عمرى ما هشترك فى الجريمة دى ..تتجوز ....فرحان اوى وانت بتقولها

حبيبى يا محمد وحشنى يا كبير

المشاركة الأصلية كتبت بواسطة rockeromda

السلام عليكم يا أهل الكيا
أنا عماد عبد الله
39 سنة - صحفي في وكالة رويترز للأنباء - متزوج وأعول بنوتتين عفريتتين
للأسف زياراتي قليلة بسبب ظروف العمل لكن فعلا قسم كيا مميز جدا (مش عشان معايا ريو) لكن لاني شفت الناس عاملة ازاي في اقسام تانية غريبة جدا!!!!
تحية خاصة الى دونزي وكل ملاك الريو :)))

اهلا وسهلا يا استاذ عماد شرفتنا وياريت نشوفك معانا على طول

المشاركة الأصلية كتبت بواسطة احمد المصرى

احمد عبد الرحمن 29 سنه محاسب تكاليف فى شركه موبيكا للصناعات المتكامله ( ال بتعمل كراسى العربيات فى مصر ) عندى مهند عنده سنه واسبوع ومطلع عين امى ... حد ياخد مهند واخد نسكافيه

ربنا يخليه وييارك فيه .....اوعى تقولى انك اخترت اسمه من المسلسل التركى .

المشاركة الأصلية كتبت بواسطة m.hassan47

السلام عليكم

اولاً الفكرة تحفة بجد تسلم ايدك يابو ليلى عليها

انا اسمى محمد حسن داخل فى 24 سنة
أعزب ولا أفكر فى السجن او الإعتقال
صاحب شركة ميريتال للإستيراد والتصدير
بكالريوس نظم معلومات
وبحضر لدبلومة ادارة اعمال ... إدعولى

انا رغيت كتير اوى انا عارف بس كافيه بقى والرغى بيحلى مع المشاريب اللى مدقنهاش لحد دلوقتى بس شكرا على القاعده الحلوة دى .

منورنا يا محمد واهلا بيك وهى دى عادة اعضاء المنتدى ومش غريب على محمد مصطفى لانه شخصية فعلا محترمة جدا .
احنا كنا عاملين البوفيه مفتوح والشيف دونزى هى القائمة عليه شوف تشرب ايه