كافيه كيا يرحب بأعضائه .....ادخل برجلك اليمين

**asalem1478** · 11-04-2012 04:52 PM

هو اللمة دي ليه يا اخونا ؟؟ ها في عاجة ؟
بصراحة الفكرة دي هايلة جدا و و تدل علي رقي و تحضر القائمين عليها و اعضاءها.. و اكيد سلام خاص للاستاذ/ ابو ليلي..

اخوكو (لا مش مزنوء لا) .. اخوكو بيشتغل في تونس الشقيق و شفت ايام ما يعلم بيها الا ربنا في الثورة و كده..
و اتعرفت علي نايل موتورز بالصدفة قريب(للاسف فاتني كتير) عشان كنت بفكر اغير العربية.. و الحمد للة دفعت مقدم سبورتاج و اديني واقف في الدور. بس الشمس حامية و الجدع اللي بيوزع (الموزعين عندنا) معندوش ضمير.. يا مسهل و استلمها قبل ما اطلع معاش.. صحيح انا 33 سنة
سلامي للجميع

**ابو ليلى** · 11-04-2012 06:42 PM

المشاركة الأصلية كتبت بواسطة احمد المصرى

جزاك الله كل خير يا ابو ليلي

بارك الله فيك واتمنى ان يستجيب الله لدعائنا

المشاركة الأصلية كتبت بواسطة tamermegahed

فى الاول البقاء لله للاخ احمد المصرى وثانيا فكره جميله جدا لا بو ليلى على الكافيه واحييك عليها واسمحولى اشترك معاكم
الاسم الحركى تامر مجاهد الى هو اسمى يعنى والحمد لله مهندس مدنى ومواليد78 يعنى فى 33 ومعاي سوسو كوبيه حبيبتى من حوالى سنه كده ودخولى قليل على المنتدى بس بجد بستفيد منه جدا لانى محب لمجال السيارات
وعندى بجانب سوسو مهند ومهاب عندهم 3 سنين بالظبط ومن سكان زايد بس بشتغل فى السعوديه وربنا يرجعنى على خير وارجع لمصرنا الحبيبه بس يتصلح حالها

تامر باشا منورنا فى الكافيه وربنا يخليلك سوسو ومهند ومهاب واتمنى نشوفك باستمرار
معانا وباذن الله فى اى اجازة لازم نشوفك ونتعرف عليك اكتر .

المشاركة الأصلية كتبت بواسطة samer_engines

أولاً: بعزى أ/ أحمد المصرى مرة تانية فى وفاة والده.

ثانياً: فكرة الكافيه جميلة جداً يا أستاذ أبو ليلى و انا يمكن مكونش من ملاك كيا حالياً لكن فى إحتمال أنى أكون واحد منهم خلال أيام و بالتحديد كيا بيكانتو و لو أنى مش بحب الهاتش باك بس اهى تجربة و العربية اللى قدامى لقطة بصراحة ما شاء الله، المهم انا فقولت اجى اقعد معاكم شوية و اشرب كباية شاى و سيجارة ما انا للاسف قاعد فى ركن المدخنين و ياريت أكون ضيف خفيف.

ثالثاً: أنا إسمى سامر عندى 28 سنة متزوج و لسه ربنا مرزقناش بأطفال بعمل إدارى فى شركة بريد سريع و لو انى يمكن اغير الكارير بتاعى خالص مع تغيير العربية.
- و هواياتى العربيات بكل اشكالها و فئاتها بس انا مش بحب العربيات انا بعشقها عشق و ميكانيكا السيارات و القراءة و الكمبيوتر و الانترنت و تربية الحيوانات الأليفة خاصة الكلاب.

بمجرد دخولك القسم خلاص بقيت واحد مننا وباذن الله ربنا يكرمك فى العربية وتاخد خيرها كباية الشاى هنا ب 5 ج والسجاير عليك بس اقعد جنب الشباك
ربنا يرزقك يا سامر بما فيه الخير يارب

المشاركة الأصلية كتبت بواسطة asalem1478

هو اللمة دي ليه يا اخونا ؟؟ ها في عاجة ؟
بصراحة الفكرة دي هايلة جدا و و تدل علي رقي و تحضر القائمين عليها و اعضاءها.. و اكيد سلام خاص للاستاذ/ ابو ليلي..

اخوكو (لا مش مزنوء لا) .. اخوكو بيشتغل في تونس الشقيق و شفت ايام ما يعلم بيها الا ربنا في الثورة و كده..
و اتعرفت علي نايل موتورز بالصدفة قريب(للاسف فاتني كتير) عشان كنت بفكر اغير العربية.. و الحمد لله دفعت مقدم سبورتاج و اديني واقف في الدور. بس الشمس حامية و الجدع اللي بيوزع (الموزعين عندنا) معندوش ضمير.. يا مسهل و استلمها قبل ما اطلع معاش.. صحيح انا 33 سنة
سلامي للجميع

ههههههه اللمة دى علشانك والاخوة اللى مقيمين خارج مصر تقضو وقت ظريف معانا
هو هناك برضه فى تونس فى حجز وتستنى كمان واحنا اللى ظالمين الوكيل هنا
متقلقش خالص احنا عندنا لسه فى ثورة تانية ابقى احجز بقى علشان تحضرها من اولها .

**Donzi** · 11-04-2012 06:53 PM

المشاركة الأصلية كتبت بواسطة الغزالى

ازاى دى نسئل احمد جابهم ازاى بس فرق السعر يا دونزى خزعبلى ... كشافات الاسبورتاج الخلفى هنا فى التوكيل بليدات ب 4000 للجوز او للواحده مش فاكر بالظبط ...
هوا جابهم من بره ب 2500 جنيه ال 2 واصلى ... تخيلى انتى الفرق بئى

الكلام دا يفوق التخيلات

طيب ما تعرفنا الطريقة و تكسبوا فينا ثواب انتو الاتنين

**ابو ليلى** · 11-04-2012 07:03 PM

المشاركة الأصلية كتبت بواسطة asalem1478

ههههههه اللمة دى علشانك والاخوة اللى مقيمين خارج مصر تقضو وقت ظريف معانا
هو هناك برضه فى تونس فى حجز وتستنى كمان واحنا اللى ظالمين الوكيل هنا
متقلقش خالص احنا عندنا لسه فى ثورة تانية ابقى احجز بقى علشان تحضرها من اولها .

ربنا يخليك يا فندم
لا حضرتك انا حاجزها في مصر.. طالما حجز و استني و اقف في الطابور يا محترم.. يبقي انت اكيد في مصر..
بالنسبة لموضوع الثورة حضرتك.. فا لو حصل ثورة تانية في مصر، تبقي التالتة ليا بعون الله.. انا حضرت ثورة تونس و خلصتها و نزلت مصر 27 يناير بالليل.. صحيت تاني يوم علي حظر التجول.. راجل بركة انا..
تفتكر لسه مرحب بوجودي في الكافيه عندوكم ؟ هههه[/quote]

طب بقلك مش عاوز تروح الاردن

**احمد المصرى** · 30-04-2012 10:14 AM

الكافيه قفل ولا ايه يا شباب محتاجين تنشيط

**ابو ليلى** · 21-09-2012 01:44 AM

هو مفيش حد بيدخل هنا ولا ايه ايه التراب ده كله
ايديك يابنى معايا انت وهو ..افتح الشباك اللى هناك ده
ورش شوية ميه كده خلى الزباين تيجى

يابتوع الهرم وفيصل واكتوبرعاوزين المقابلة تبقى امتى

**الغزالى** · 21-09-2012 02:37 AM

المشاركة الأصلية كتبت بواسطة ابو ليلى

هو مفيش حد بيدخل هنا ولا ايه ايه التراب ده كله
ايديك يابنى معايا انت وهو ..افتح الشباك اللى هناك ده
ورش شوية ميه كده خلى الزباين تيجى

يابتوع الهرم وفيصل واكتوبرعاوزين المقابلة تبقى امتى

الله الله .. طيب بالنسبه للى معاكوا من القناطر اخر بلاد المسلمين ده .. تصدق كده غلط :d
----
وخلاص مفيش مقشات ولا اى حاجه من اداوات الكنس انا كنت جايب العده بس بعد الجمله دى مفيش ... يالا اعمل كل حاجه بنفسك بئى

-

الموضوع: كافيه كيا يرحب بأعضائه .....ادخل برجلك اليمين

LinkBack

أدوات الموضوع

عرض

-

-

-

-

-

-

المواضيع المتشابهه

قول دستور و انت داخل و اقلع الجذمة و شمر البنطلون و ادخل برجلك اليمييين

مشروع عربية لو تقدر تساعد خش برجلك اليمين

عتريس ومغامرة جديدة مع التوكيل - خش برجلك اليمين :)))))))))))))))))))

تأكيد حضور مقابلة كيا ( خش برجلك اليمين )

منور يا ممدوح الكل يرحب

الكلمات الدلالية لهذا الموضوع

المفضلات

المفضلات

ضوابط المشاركة