رعشة فى المتور

**ENG\AHMED** · 27-05-2008 02:29 PM

المشاركة الأصلية كتبت بواسطة amir_ezzat

سحب العربية عادى جدا جدا
انا مش رضيت انهم يحطوها على الكمبيوتر علشان انا قبل كدة وصلت عربية على الكمبيوتر هنا والراجل قاعد يقول كلام كبير قوى وطلع الجهاز كاتب ان فى مشكلة الاتصال بين الجهاز والعربية يعنى كان الجهاز مش واصل اصلا والراجل اللى هناك عمال يوقل الجهاز بيقول كذا وكذا

همممم طيب هو من كلامك كدة واضح ان المشكلة بعيدة عن الموتور لأن لو من الموتور كانت هترعش لما تمور فا هيا غالبا من الفتيس ... جرب اكشف على الفتيس وشوف ال torque converter

الفتيس الاوتوماتيك يفضل لو واقف فى اشارة او اى حاجة تمور زية زى المانيوال بالظبط علشان ميبقاش فيى تحميل على الموتور والفتيس

**abdelaziz-waleed** · 27-05-2008 04:08 PM

المشاركة الأصلية كتبت بواسطة amir_ezzat

سحب العربية عادى جدا جدا
انا مش رضيت انهم يحطوها على الكمبيوتر علشان انا قبل كدة وصلت عربية على الكمبيوتر هنا والراجل قاعد يقول كلام كبير قوى وطلع الجهاز كاتب ان فى مشكلة الاتصال بين الجهاز والعربية يعنى كان الجهاز مش واصل اصلا والراجل اللى هناك عمال يوقل الجهاز بيقول كذا وكذا

انا فطسان على روحي من الضحك قمة الفتي واي حاجة في اي بتنجان
انا خبرتي ضعيفة يا امير بس عاوز اسأله على حاجة. ايه اخبار قواعد الموتور عنده. هل هية كويسة ولا مبوشة
وغالبا هاتكون من البنزين او من دورة البنزين زي ما قال اخونا NoName

**amir_ezzat** · 27-05-2008 07:42 PM

والله يا وليد هو عارف ان هو عنده قاعده متور تعبانة بس مكنش المتور بيعمل كدة
عموما انا هاخذ كل اللى انتو قوتلة واشوف ممن ازود من عندى اية واروح لواحد ميكانيكى شاطر اخلية يبص على الكلام ده واوقل ما هعرف حاجة هعرفكوا علشان تعم الفائدة

**ashour** · 27-05-2008 09:30 PM

ا/أمير...
انا عندى نفس المشكلة بس على خفيف ... او بصراحه اكتر درجة الرعشة متقلقش.
بس جارى كان بيمر بنفس المشكلة بس هو عربيتة تويوتا.. و لما سأل بردة اصحابه قالولو 1- البنزين 2- قواعد الموتور 3- الكهربا عايزه تتظبط
عايز ازود نقطه الرعشه كانت بتبان اوى و هو مشغل التكيف و يقف فى اشارة أو فى حالات الرفيرس الطلعه الاولانيه انا كنت بقول رجله مش مظبوطه بس لما جربت بنفسى لقيتها كده برضو..
حاول تشوف كهربائى ممكن تكون مشكله بسيطه انشاءالله.

**ehab666666** · 28-05-2008 09:30 AM

انت علي فكرة تقريبا عندك نفس المشكلة اللي كانت عندي
انا كانت العربية لما بدورها الصبح و اجيب بيها R كانت بترعش و تبطل
اما وانا ماشي ماكونتش بحس بحاجة ولما كنت بجري بالعربية و بعديين افرمل العربية تبدأ ترعش و ممكن تبطل بس لو لحقتها و جبت N الموتور بيعلا و يثبت
الحل:اكشف علي ال ideal control المشكلة اتحلت بعد كده و خلي بالك انت لو كشفت ب الscanner مش حيبينلك حاجة لان ده مش حساس
و يبقي طمنا عملت ايه علشان الكل يستفيد لان انا متابع الموضوع جدا

**Ahmad Allawy** · 28-05-2008 09:37 AM

المشاركة الأصلية كتبت بواسطة ehab666666

ideal control

Idle Control

والف شكر يا فندم علي التعاون..

**amir_ezzat** · 28-05-2008 10:21 AM

حد عندة فكرة بكام ال
Idle Control فى الاوبل فيكترا 1996 - 2000 سى سى استعمال او جديد واى واحد منهم الافضل

**Ahmad Allawy** · 28-05-2008 10:45 AM

المشاركة الأصلية كتبت بواسطة amir_ezzat

حد عندة فكرة بكام ال
Idle Control فى الاوبل فيكترا 1996 - 2000 سى سى استعمال او جديد واى واحد منهم الافضل

انا مش عارف بصراحة بس فاكر اني سألت حد ف التوكيل و عرفت انه بتاع الكورسا كان بحوالي 700 جنيه تقريبا..
يبقي بتاع الفيكترا هيكون اغلي اكيد..
ممكن تكلم حد من بتوع قطع الغيار و تسأل بس لما تعرف ابقي قولنا..

**ENG\AHMED** · 28-05-2008 11:10 AM

المشاركة الأصلية كتبت بواسطة amir_ezzat

حد عندة فكرة بكام ال
Idle Control فى الاوبل فيكترا 1996 - 2000 سى سى استعمال او جديد واى واحد منهم الافضل

اسال فى التوكيل اضمن بس اتاكد الاول اذا كان هو ولا لأ لأن المشكلة اللى عندك غير ايهاب هو اول لما بينقل الرعشة بتحصل
عموما جرب نضفة ودى سهلة ممكن تعملها انت

الاول هات علبة تنضيف دورة البنزين من البنزية وحطها فى التنك وهات اسبراى carb cleaner بردو من اى محطة "فى نوع امريكى لونة اصفر ب 30 جنية تقريبا مش فاكر"
الاول هتفك ال idle air control وتفك الفيشة بتاعتة ونضفة كويس بالسبراى دة او wd-40 وبعدين وصل الفيشة وخلى حد يفتح الكونتاكت "مش يدور" وشوف اذا كان بيتحرك ولا لأ وبعدين ركبة تانى
بعدين فك ماسورة ال intake من عند ال manifold الماسورة اللى واصلة من الفلتر للمانيفولد ودور العربية ورش ال carb cleaner جوة , وانت بترش زود بنزين على طول علشان متطفيش ولو طفت دور تانى ورش
وشوف كدو هتعمل اية؟؟؟

**M.Mokhtar** · 28-05-2008 12:28 PM

المشاركة الأصلية كتبت بواسطة NoNaMe

همممم طيب هو من كلامك كدة واضح ان المشكلة بعيدة عن الموتور لأن لو من الموتور كانت هترعش لما تمور فا هيا غالبا من الفتيس ... جرب اكشف على الفتيس وشوف ال torque converter

+1000

المشاركة الأصلية كتبت بواسطة NoNaMe

الفتيس الاوتوماتيك يفضل لو واقف فى اشارة او اى حاجة تمور زية زى المانيوال بالظبط علشان ميبقاش فيى تحميل على الموتور والفتيس

انا اللى اعرفه ان فتيس ابول الاوتوماتك بيفصل اوتومتاك لو انت معشق ودايس فرامل ومتوقف تماما(بعد 2 او 3 ثوانى) مجرد ما بتشيل رجلك من على الفرامل بيعشق تانى

المشاركة الأصلية كتبت بواسطة NoNaMe

اسال فى التوكيل اضمن بس اتاكد الاول اذا كان هو ولا لأ لأن المشكلة اللى عندك غير ايهاب هو اول لما بينقل الرعشة بتحصل
عموما جرب نضفة ودى سهلة ممكن تعملها انت

الاول هات علبة تنضيف دورة البنزين من البنزية وحطها فى التنك وهات اسبراى carb cleaner بردو من اى محطة "فى نوع امريكى لونة اصفر ب 30 جنية تقريبا مش فاكر"
الاول هتفك ال idle air control وتفك الفيشة بتاعتة ونضفة كويس بالسبراى دة او wd-40 وبعدين وصل الفيشة وخلى حد يفتح الكونتاكت "مش يدور" وشوف اذا كان بيتحرك ولا لأ وبعدين ركبة تانى
بعدين فك ماسورة ال intake من عند ال manifold الماسورة اللى واصلة من الفلتر للمانيفولد ودور العربية ورش ال carb cleaner جوة , وانت بترش زود بنزين على طول علشان متطفيش ولو طفت دور تانى ورش
وشوف كدو هتعمل اية؟؟؟

ايه الكلام الكبير ده
طبعا انا فاهم كل حاجة من دى بس عندى سؤال
فين ال Idle control ده اصلا :)

الموضوع: رعشة فى المتور

LinkBack

أدوات الموضوع

عرض

العرض المتطور

-

-

-

-

-

-

المواضيع المتشابهه

اية الفرق بين المتور التربو و المتور المايفك؟

مشكلة سخونة المتور والعربية دايرة وواقفة المتور بيولع - إيبيــزا موديل 1994

في صوت مع صوت المتور

زيت المتور

قاعدة المتور

الكلمات الدلالية لهذا الموضوع

المفضلات

المفضلات

ضوابط المشاركة