الموضوع: غسل الموتور

المشاركة الأصلية كتبت بواسطة Mr7mix

باشا الفوم ده هتلاقيه فى مترو ماركت او on the run او اى ماركت كبير فى محطه بنزين

تقريباً كان مكتوب على العبوه engine disgrace ده نوع فوم غسيل الماتور
هتلاقيه بقى انواع كتير انا كنت جايب STP كان 29 جنيه وهتلاقى على حسب الانواع بقى بيبدأ من 20 لغايه 45

باشا أنت قصدك degreaser ؟؟ ياريت تقولى يتعمل ازاى

المشاركة الأصلية كتبت بواسطة cayman69300

بص يا معلم جيمى
الموتور لغاية النهاردة غسلته حوالى 30 مرة
تشترى الاتى :
2 لتر جاز ابيض
2 لتر بنزين 80
كيس فيرى ابو 50 قرش
فوطة قديمة
فرشة بويه " مشط بوية عرضة حوالى 5 سم "
3 اكياس كبيرة ( اعلبة الفيوزات - الماف - الاسبراتير )
الطريقة :
بعد التغطية بالاكياس على الاماكن المذكورة
بالفرشة و الجاز ابدا اغسل الموتور طبعا من فوق لتحت ( يعنى من اول غطا التاكيهات او المنفولد و انزل تحت )
بعدها اشطف الموتور بالبنزين
بعدها بالفيرى
بعدها ادعك الموتور مية كتير جدا جدا بالخرطوم
و ابدا نشف المية بالفوطة القديمة
استنى شوية ( نص ساعة )
و دور العربية و خليها تسخن و المرواح تشتغل
و هتلاقى احلى و اجمل موتور
على فكرة يا عم جيمى
انا ان شاء الرحمن هكون فى المنيا
يوم السبت و الاحد
بس السبت اجتماع
فممكن اشوف الاحد
و ان شاء الله هتكون معايا العربية
و نازل فى فندق اخناتون اللى جنب مديرية الامن
و نشوفك على خير
اخوك هلالى

يا سلام عليك يا دكتور والله وصفة جميلة أنا خلاص قررت أغسل الموتور بايدى بعد كده