الموضوع: اكتر حاجة مضايقاك فى الهوندا ؟؟؟؟؟؟؟

المشاركة الأصلية كتبت بواسطة mohannd

اية يارجالة من ساعة ما الموضوع اتثبت وانتو اتثبتو معاة ومحدش دخل يعمل اى حاجة خلاص الحمد لله مفيش مشاكل عند الناس ولا اية ........ مردتش علية ياسمسم بخصوص حوار عضو جديد وفضى وبرونزى واية الفرق بينهم معلش بتعبك عربيات ومنتدى كمان

عادى ياباشا المنتدى كلة بقى نايم مش احنا بس مش عارف لية

بالنسبة لموضوع المنتدى

انت اول اشتراكك بيكون عضو جديد وبعد ماتوصل لعدد مشاركات معينة تقريبا 400 فى اول مرة بتكون عضو فعال وهكذا بس فى الاول بتبقى المشاركات القليلة بتوصلك لعضو فعال لكن بعد كدة انت بتحتاج حوالى 1500 مشاركة عشان تتنقل للاعلى

مافيش فرق بينهم غير انك بتتميز عن العضو اللى لسة داخل جديد لكن مافيش اى فرق خالص

- بالنسبة لموضوع عشان توصل لمنسق مثلا دة بيطلب منك مجهود جامد فى اثراء المنتدى بمواضيع مهمة تفيد الاعضاء وكمان لازم هما ينتخبوك عشان تكون المنسق بتاعهم

وطبعا بتزيد اعباء عليك

المشاركة الأصلية كتبت بواسطة mohannd

سمسم الف شكر لردك انا كنت عايز اعرف بس اية الفرق بين جديد وفعال وبرونزى بس مش اكتر وعرفت تمام بس موضوع منسق دة اكيد لازم يكون عندة بحر معلومات ويقدر يفيد الناس كلها ودة طبعا مش متواجد غير عند عضو واحد فى المنتدى ومتهيالى انت عارفة احنا لسة بنتعلم منة علشان نفيد نفسنا واحب اشكرة كتير علشان انا بستفيد منة وبشوف الناس بتستفيد منة سمسم باشا تسلم على كل ردودك ياباشا

ياباشا احنا معملناش غير الواجب والف شكر على الكلام الجميل دة اخجلتم تواضعنا

وان شاء الله ربنا يقدرنى واقدر افيدكوا اكتر واكتر ومع بعض ان شاء الله عربياتنا هتبقى تمام

المشاركة الأصلية كتبت بواسطة mohannd

سمسم باشا عامل اية
انا جبت ريداتير استراد زى مانت قولتلى وكمان جبت قربة جديدة انا عايز اروح عند حد بظبطلى دورة التبريد كلها ومش عارف اروح عند مين ولا هو عادى اى حد بتاع ريداتير يظبط .المشكلة مش فى التركيب المشكلة فى باقى اجزاء دورة التبريد ومين يكون فاهم فيها كويس

تمام الحمد لله ياباشا

طيب الاول عشان تظبط دورة التبريد عندك صح وتعمل كلة مرة واحدة وماتفتحهاش تانى ان شاء الله

1- هتشيك على كل الخراطيم وتشوف هل الخراطيم قوية ولا تحس كدة انها هزيلة وناشفة , طبعا الكلام دة وانت مبطل المحرك ويكون بارد تماما , والكلام دة مهم جدا

2- تأكد من عمل طلمبة المياة بكفاءة وان مافيش اى تأكل فى الكوعة

3- اتاكد من وجود وسلامة ترموستات الكوعة ولو مش موجودة هاتها ( شرط اساسى )

4- طبعا هيتم تنظيف الردياتير والقربة لو استيراد , بضغط مياة خفيف قبل التركيب

5- تأكد من جودة غطاء الردياتير لان غالبا اللى بيجى مع الردياتير بيبقى بايظ فانت شوف الفالف بتاعة هل خفيف الحركة ولا سوستتة بايظة

6- يتم تركيب الردياتير والقربة والخراطيم وملىء المياة , حتى ال maximum ثم فتح صمام الهواء الموجود على فى اخر وش التاكيهات ثم فتحة حتى يتم اخراج كل الهواء الموجود بداخل الدورة

( اللى يركب كل دة روح لجاسم فى الحرفيين او عصام الاتنين كويسين وفاهمين بس مصنعية جاسم اغلى شوية بس انظف عشان المكان والشغل وعصام اقل منة حاجة بسيطة وبردة شغلة كويس

لازم تعمل كل دة والعربية باردة تماما

وتسيب العربية دايرة شوية وبعد كدة تشيك عليها عشان اكيد فية مكان هواء بيدخل مكانة مياة فالمياة بتنقص شوية وزودها وهية دايرة لحد ماتلاقيها ظبطت معاك وماتنساش حوار تفضية الهواء الموجود بالدائرة

المشاركة الأصلية كتبت بواسطة mohannd

انت كدة جبت من الاخر
انا هروح عند جاسم يركب الريداتير ويكشف ويغسل الدورة كلها وكمان اخلية يغير جوان كارتيرة ويركب سلك الوجيهات مع تغير البوجيهات والزيت وظبط كهربا العربية وصيانة على السريع بالمرة ويبص على العفشة
1 - اجيب بوجيهات نوع اية كويس
2- اغير زيت اية كويس (انت عارف طبعا انى عملت جوان وش سلندر مرتين قريب)
3- نوع المياة الخضرا تؤثر على الريداتير علشان واحد قلى الريداتير بتاعك اتخرم علشان نزل فية مياة حامية

1- ngk bkr6e-n11 , denso k22

2- شيل الاصفر كويس بيعمل 115 جنية وبيقعد 5000 الاف كيلو وبينزل على 4 الاف
( ناس بيشكروا فى كاسترول بس انا مجربتوش الصراحة )

3- اول حاجة المياة الخضراء بتبقى جيلاتينية مع مواد مضافة اليها لعدم التجمد يبقى ازاى هتكون حامية على الردياتير انا مش فاهم النقطة دية الصراحة ازاى اصلا يقولك كدة

هو عندك حلين :

1- انك تملى مياة عادية عادى وتغيرها كل فترة يعنى 5 شهور مثلا

2- انك تجيب مياة مقطرة وتحطها

بس خلى بالك ان المياة الملونة لازم تجيبها من شركة محترمة عشان لو مضروبة هتبوظ المحرك