الموضوع: اكتر حاجة مضايقاك فى الهوندا ؟؟؟؟؟؟؟

المشاركة الأصلية كتبت بواسطة ahmedeihab

عم الهونداويه كلهم سمسم باشا
انا عندى كذا استفسار للعربيه عندى بعد اذنك
اول حاجه العربيه هوندا بريليود 83 فوانيس قلاب فيتيس هاف اتوماتيك 2000 c.c
2 كربيراتير 12 صباب رقم الموتور et20 بيروح اشترى الحاجه للموتور رقمها ph1
اول حاجه عندى
ان مع الجرى بلعريبه و تيجى تقف الفيتيس بيتأخر انه ياخد النقله و تحس ان الفتيس مش بيجر العربيه بس بعد ما تهدى اللعب شويه يرجع زى الاول
تانى حاجه
ان العربيه مع الجرى بردو و تيجى تقف و هى واخده غيار لمبه الزيت تقعد ترعش تنور و تطفىو لما تيجى تزود بنزين تطفى و بعد شويه تلاقيها هديت خالص و طفت و بقت طبيعيه مع ان طرمبه الزيت قويه بما انها رافعه الزيت فى وش التاكيهات و بتخرج زيت من الغطا لما تفتحه
تالت حاجه
العربيه بتدخل زيت فى الريدياتير بس مش مطحنه بس لما تيجى تمسك المايه بأيدك كده تحس ان فيها زيت
مع انى لسه منضف الريدياتير و العريبه عامله عمره موتور كامله من 4 شهور مثلا
رابع حاجه
العريبه بتاكل مايه بس مش كتير مع ان دوره التبريد مظبوطه بس بتاكل مايه و مفيش تسريب فى اى حته
خامس حاجه
العريبه بعد ما تجرى بيها تحس انها تكتم و تفتح تكتم و تفتح و الحوار ده خانق الواحد اووووى
سادس حاجه
العربيه لما تبقى ماشى فى ارض فيها مطبات بين كل وقت للتانى تسمع طرقعه تحت قدام فا انا عايز اعرف ده من ايه
سابع حاجه
العربيه بعد ال 190 كيلو تحس انها مش لازقه فى الارض مع انها بريليود
و عند سرعه ال 210 تحس ان العريبه بترعش من كل حته و تحس انها هتفك منك
ثامن حاجه
العريبه دى انت عارف طبعا انها متميز بلثبات دون عن باقى الهوندا بس تحس انها على السرعات العاليه عربيه مثلا فيرنا او لانوس تحس انها خفيفه و مرفوعه عن الارض
تاسع حاجه
لو ملقتليش حل للحاجات دى هولع فيها و يبقى زنبها فى رقبتك
عاشر حاجه
اسف لو كنت طولت عليك بس فعلا العربيه دى بعشقها و هى فعلا عريبه تستحق العشق
اسف لو كنت طولت عليك يا سمسم
و لما تظبطها بقا يا سيدى هبقى اديك لفه بيها هههههههههههههههههه

ربنا يخليك ياباشا يارب تكون بخير

اية ياعم كل الاسئلة دية ربنا يقدرنى واقدر اجاوب وهتبقى الاجابة بترتيب الاسئلة :

1- بالنسبة للفتيس ياريت تقول اخر مرة غيرت الزيت امتى , الفتيس بيتأخر فى النقلة ولا لأ عموما

2- مشكلة لمبة الزيت هتلاقيها من ساعة الزيت مش مظبوطة او عايزة تتغير

3- انت كدة عندك جوان وش السلندر فية تسريب خفيف طالما بتلاقى زيت فى الردياتير وعشان تتأكد اغسل دورة التبريد كويس واملاها تانى على نظافة واتاكد ان مافيش اثار زيت وبعد كدة شوف الدنيا هتبقى عاملة ازاى لو لقيت اثار زيت تانى يبقى كدة انت اتأكدت ان جوان السلندر عايز يتغير

4- موضوع كتمة العربية وفتحها وكتمها دة بيبقى من ان الكهرباء بتاعة العربية مش مظبوطة وسبب تانى ان بيك السلانسية فى الكربراتير عايز يتغير , وراجع على البوجيهات وشوفها حارقة ولا مهببة

5 - موضوع الطرقعة دة ياريت توضيح اكتر للصوت والحالة ؟؟؟؟؟؟؟؟ظ

6- موضوع 190 انها تكون لازقة فى الارض دة لازم تكون عندك المساعدين + السوست نظيفة + جلب المقصات + التوجية ( الاسكاترا ) + زوايا العربية تكون مظبوطة

7- 210 كم والعربية كلها بتتفكك دة يبقى عندك مشكلة فى القواعد + الاسكاترا + طنابير العجل , الكلام دة لو بتحس ان العربية بتتفكك

فى الاخر نقطة 6,7 حلها انك تكشف على العفشة وتشوف محتاجة اية وهتزبط معاك الدنيا

8 : ياباشا ان شاء الله كل حاجة ليها حل وانا مايرضنيش انك تولع فيها لان فعلا البريليود من العربيات المحترمة جدا

9: ولا يهمك ياباشا ان شاء الله كل حاجة تتحل بس قولى المحرك دة بتاعها الاصلى ولا انت مسقطة ؟؟؟؟؟؟؟؟

المشاركة الأصلية كتبت بواسطة ahmedeihab

الاجابه هتبقى مرتبه حسب اجباتك
لسه مغير زيت الفتيس مع العمره و تحس ان العربيه بتجر نفسها و بعدين بتمشى عدل
و بلنسبه للجوان انا شكيت فيه بردو و شكلها كده هتغيره قريب مع العلم ان ده الجوان رقم 2 بعد العمره لان كان فيه عيب فى وش السلندر و الخراط اللى خرطه خرطه وحش فا اضطريت افكه و اخرطه تانى و ركبت جوان جديد
بلعكس كهرباء العريبه مظبوطه دليل انها جايبه مايه من الشكمان معناها ان الحرق حلو بتاع العربيه
موضوع الطرقعه ده بيحصل لما العريبه تتمرجح على ارض مش مستويه او ارض هبطانه بتبقى العريبه على مستوى عالى و الفرده التانيه بتبقى فى مستوى واطى بتسمع الطرقعه على طول
انا عندى مساعدين ورا مش حلوه اساسا فا اكيد ده اللى بيخلى العريبه متبقاش مستويه
و الموتور ده بتاعها الاصلى اول موديل للفوانيس القلاب و الفتيس الهاف اتوماتيك بس حته عريبه ما شاء الله عليها الماظ
و ده اللى خلانى اشتريها صورها موجود على موقع بيزات لو عارفه و كونتكت كارز
ولو يا باشا تقولى اسعار العفشه لان كده انا هضطر اهد العفشه كلها و بلاش تقولى البخارى و مهندس احمد اللى فى الكيت كات لان اسعارهم غاليه جدا جدا جدااا
ولو تعرف تدلنى على واحد سعره رخيص اهد عنده العفشه كلها
ولو هضايقك هتتكلف فى حدود كام كلها
اخر مره المهندس احمد كان هيدينى العفشه من الالف لل ى بلمساعدين ب 4000 جنيه
معلش تعبتك معايا يا باشمهندس سمسم

1- طيب تمام كدة بالنسبة للفتيس ممكن يكون فية مشكلة فى ال tourqe converter او محول العزم

2- طيب هو عموما مش مستحب ان تخرط وش السلندر اكتر من مرة وكدة لازم يتغير

3- كهرباء العربية هتبان من البوجيهات شوفها طالعة عاملة ازاى

4- طيب موضوع الطرقعة انت بتقول من الامام من تحت , عايزك تبص على المقصات وياريت تشيك على العربية كلها من تحت كلحامات وكدة وخصوصا من عند الشدادين اللى بتتعلق عليهم الاسكاترا

5- لأ العفشة هيتكشف عليها وتشاف اية اللى بايظ

6- بالنسبة لاماكن الشراء فية واحد فى فيصل ناحية الطوابق اسمة المهندس دة عندة كل حاجة لهوندا اكيد هتلاقى عندة البريليود

7- لو عايز حد يشتغلك فى العفشة بس غالى شوية بس فى نفس الوقت ممتاز هيكون جاسم وبردة اللى كويس ومصنعيتة مش غالية عصام خليك فى واحد من الاتنين دول والاتنين فى الحرفيين

8- تكلفة العفشة حسب اللى هيطلع بس 4000 جنية كتييييير اخرك فى العفشة 2500 لو كاملة بس نصيحة منى لو لقيت جنب كامل نظيف هيبقى ارخص وافضل واسهل