الموضوع: موور قدر المستطاع

المشاركة الأصلية كتبت بواسطة amrico

معلومة إضافية كمان عن التموير
التموير خطر من ناحية الأمان
لو جربت تفرمل والعربية ممورة هاتقطع مسافة اطول من لو العربية واخدة غيار


كلام حضرتك سليم 100%
فعلا الغيار بيساعد علي الفرامل وبيسموه فرملة الموتور وبيوقف العربية في مسافة قياسية
بس لو هتقارن انك هتمشي مسافة 2 كيلو متر بالعربية ممورة ولا واخدة غيار
هتلاقي ان وهي ممورة علي نهاية المسافة السرعة انخفضت من 80 مثلا لحد 50 او 45
ولكن لو معشقة احتمال ماتعرفش تمشي المسافة كلها ولا حتي نصها

في مدارس التعليم برة مصر اللي بيدوس فرامل ودبرياج على طول علشان يفرمل دا بيعتبروه ساقط في السواقة
المفروض تدوس فرامل الأول وبعدين تلحق العربية بالدبرياج قبل ماتبطل أي كان رقم الغيار اللي العربية ماشية عليه (2، 3 ، 4، .... إلخ)

وكمان بخصوص المنازل
لو منزل طويل وحاد وجربت تنزل والعربية ممورة دا بيأدي لتأكل التيل بمعدل سريع ، لكن لو العربية واخده غيار دا بيساعد على على كلبشة العربية ومايبقاش كل وزن العربية اللي نازلة بطريقة اشبه بالسقوط الحر على الفرامل

والله أعلم واسف على الإطالة

وأسف ليه ؟
حضرتك لو ممور انت مش محمل وزن العربية علي اي حاجة لا تيل ولا غيره
وانا لو المنحدر جامد ولقيت العربية بدأت تتسارع وسرعتها اكتر من الي انا محتاجه مجرد بس بشعر الفرامل لحد لما تنزل للسرعة الي انا عايزها

انا عايز اقول لحضرتك ان بسبب اسلوبي دة في القيادة (بسوق كدة بقالي حوالي 10 سنين) انا مرة غيرت التيل الأمامي بعد سنتين والتيل الخلفي ظل كما هو بدون تأكل يذكر لمدة 6 سنين والكلام دة كان في عربيتي الي قبل الي معايا دلوقتي وكانت 1600 سي سي كربراتير وكانت الصفيحة ممكن تستهلك معايا من 220 ل240 كيلو متر

شكرا جدا لحضرتك

والله المستعان
،
،