الموضوع: نظرا لما حدث مع مع موزع نيسان السىء اطلب مساعدتك ضرورى ومشكورين جزيلا

معلومات اكيدة:
1- اللزق الابيض بيتلزق عند اى حد بتاع استيكرات وفيميه وشوفته كذا مرة فى القاهرة والمحافظات ومهمته بالاساس فوق الشنطة والسقف والكبوت وجوانب الابواب اذا كانت منفخة هى الحماية من حمضية الامطار اثناء التخزين والنقل عبر الموانى للحفاظ على فروقات عيوب الدهان وخلافه والافضل ساعة الاستلام انك تشيله عشان تتأكد من سلامة العربية والدهان ولو ما حصلش العربية مش هاتترخص غير لما تشيله وتكون العربية مغسولة وده بعد الفحص والتأكد من بيانات ولون العربية ومطابقتهم بالورق
2- عداد اى عربية فى الدنيا بيتفصل حتى الديجتال منه وبيتصفر كمان ونادرا ما بيحصل عكس كده خاصة مع المعارض فى الاقاليم اللى بتجيب العربيات من القاهرة او غيرها وبتلاقى سواقين طايرين بيها ع الطريق فوق ال120 ومسافات طويلة وهى لسه باكياسها ومعلقة نمر تجارية او لأ وباشوفه كل اسبوع تقريبا ع الزراعى لعربيات رايحة الدقهلية والشرقية والمنوفية وكل محافظات الدلتا وشوفت فصل العداد فى رينو لوجان وانا باستلمها لواحد صاحبى من معرض فى بنها ورخصت وسوقتها رايح جاى وبابص فى العداد الاقيه زى ماهو 5 كم !!!!!!! وكمان الrpm كان فاصل ورجعه تانى بعد ما رخصنا
3- مفيش شحنة عربيات مستوردة او مصنعة محليا مش بيبقى فيها خبطات وكحتات وزجاج مشروخ وشغل سمكرة ودهان والعربية لسه باكياسها وده بيحصل اثناء الشحن والتفريغ والنقل فوق التريلات او فى الجراجات والاماكن الضيقة من السواقين وطبعا العربية مش هاتترمى وبتتصلح فى التوكيلات او فى ورش برة وتتباع زيرو عادى جداااااااا وده بيختلف حسب ذمة المعرض اللى المفروض يقول للعميل وينزل فى تمنها عن السليمة وده شوفته فى اغلب توكيلات العربيات ومنهم لنيسان وغير نيسان زى رينو العبور شوفت فيهم 2 فلوانس و3 لوجان و1 داستر وداخلين اعمال سمكرة ودوكو وميتسوبيشى لانسر وشارك وغيرها كتير