الموضوع: نظرا لما حدث مع مع موزع نيسان السىء اطلب مساعدتك ضرورى ومشكورين جزيلا

المشاركة الأصلية كتبت بواسطة sehsss

يا عم اسحب فلوسك وريح نفسك واشتري من حد تاني

و الله أنا قلت كده برضه من بدرى. تحط عينك فى وسط راسك و تقعد تدور العيب فين المره دى و ده هيضيع فرحتك بالعربيه و ايه المقابل اذا كنت ممكن تدفع نفس الفلوس برضه و تجيبها من حد تانى و بكده هتضمن حتى ان لو العمال نفسهم هم اللى بيجرحوها مثلا و لا اللى بيهدلوها التوكيل التانى الوضع ممكن يبقى مختلف و فى التوكيل التانى ابقى فتش براحتك بس هتكون أريح نفسيا حتى لو كشفت على الدهان باللمبه زى لما تيجى تستلم الشقه من النقاش كده

المشاركة الأصلية كتبت بواسطة sehsss

يا عم اسحب فلوسك وريح نفسك واشتري من حد تاني

والله انا قولت التالتة تابتة زى مبيقولو

المشاركة الأصلية كتبت بواسطة Peaceman

لأ انا رأيي يستمر معاه لغاية ما يديله عربية محترمة لأن برده الاجراءات رخمة بتاعة التقسيط يا جماعة
و متستلمش العربية غير اللي انت عايزه

الحمد لله انا عملت كده بس يلا عمر الفرحة متكمل

المشاركة الأصلية كتبت بواسطة sehsss

يا بشوي الموضوع مش محتاج كل الغلبة دي أنا مثلا اشتريت من معرض محترم وجابلي عربية بكياسها وورقها وعاملة 14 كيلو فقط من أول مرة وبرده كان تبع بنك، يبقى ليه وجع الدماغ ؟؟

معرض مش موزع معتمد ؟ طب كويس والله

وانا كمان يوم ما استلمت كانت عاملة 19 كم بس منهم 4-5 كم سواقة من مخزن السبع فى مدينة نصر للمعرض فى مصر الجديدة

وكانت باكياسها ومشمعها وشحمها وترابها واتغسلت قدامى كمان وطبعا كانت لمبة البنزين منورة واول حاجة عملتها دخلت بنزينة موبيل شارع النزهة وحطيت 40 لتر وظبطت ضغط العجلات[/QUOTE]
مممم غريبة بس تيدا ولا صنى ؟

المشاركة الأصلية كتبت بواسطة SonaSteel

انت كل اللي هتحتاجه عرض سعر من معرض تاني والمرة ديه خليه موزع معتمد وارشحلك اوتو ايجيبت (علشان محترمين في كلمتهم و بيسلموك كل حاجة في العربية)
و موظف البنك يبتعت يجيبلك الموافقه تاني مفيش مشكلة
هي هتاخد وقت بس انت تبقي مستريح نفسيا ومش شايل من العربية .
واقعد بالعافية

الحمد لله اشتريتها منهم وقدر الله ما شاء فعل
وشيكت على العربية وكانت باكياسها و مشمع بتاع الفابريكا على الكبوت والسقف
وكانت عاملة 58 كيلو وكلو تمام ورخصت النهاردة
بس يا فرحة ماتمت ززى مبيقولو اخده الغراب وطار
لقيت كده زى ميكون فى الاكصدام الخلفى من ناحية الشمال خرابيش بسيطة لونها اسود
انا عربيتى سلفر تقريبا خدوش من مرور زفت بتاعنا بس لما باجى المسها
بحس انها بارزة لبرة مش لجوة مش عارف بقى دى تجاريح ولا ايه بالظبت

وانا بركن العربية النهاردة باليل ببص على الكبوت من فوق كده تقريبا اعلى علامة نيسان لقيت زى ميكون
حتة من الكبوت داخلة لجوة بسيط ومش عارف بقى انا استلمتها كده ولا دى ايه لانى والله اعلم لقيت قطة
كانت على الكبوت بس مش عاؤف ممكن تعمل كده ولا لا

ممم انا مامن تبع شركة اليانس هل الجروح والخدوش او اللى فى كبوت اللى ممكن يتعمل على البارد ده
ممكن اعمله بعدين واتصل بيهم ولا لازم ابلغهم الاول؟

وطبعا اتنصب عليا من الموزع المعتمد غطا العربية وميدالية
ومحدش بيتعلم بالساهل والحمد لله وقدر الله ما شاء فعل

نويت ان شاء الله اعمل الصيانة بعيدا عن مركز خدمة بتاعهم ان شاء الله
اروح اوتو ايجيبت اللى ندمت انى مش اشتريت العربية منهم

واتضح ان التوكيل المحترم ببيع عربيات لعملاء من اللى موجودة فى العرض بالمعرض من دون
اعلام العميل طبعا شىء غريب خصوصا ان الاعضاء هنا زكروا انهم اشتروا من معارض ومكنش فيه كده

صح يا جماعة لاحظت لما فتحت الكبوت من جوا ان دنيا فيها تراب كتير من المخزن وجو يومين دول
مش عارف هل اروح بنزينة محترمة وينضفوها ولا استنى فى صيانة الاف كيلو فى اوتو ايجيبت وخلاص مفيش ضرر

نسيت اظبت طغط الكاوتش ؟ هل من معلومات الضغط ال standard ليها ورا وقدام كام

ومتشكر جدا جدا لجميع الاعضاء والقائمين على منتدى
وشكر خاص لاخ احمد مصطفى
واتمنى ان تقبلونى اخ ليكم فى نيسان

Ahmazong
متشكر جدا يا ابو حميد