الموضوع: تقييم كورولا 1997 ... هام قبل الشراء

وبالمناسبة انا كنت بمتلك كورولا موديل 95 1500 وارد اليابان واغلب الاعضاء في القسم هنا عارفين كدا, وبعتها علشان أشتري سوبارو أمبريزا ال لو سئلت اي واحد في مصر عليها حتي لو كان بتاع خضار هيقولك ابعد عنها دي قطع غيارها ناااااااااار, ولما نزلت بنفسي اتأكد من المعلومة دي اتفاجئت ان قطع غيار الامبريزا موديل 98 أرخص بحوالي 40% من الكورولا موديل 95 ال 1500 . بس كدا .

المشاركة الأصلية كتبت بواسطة yasser_ds

الحقيقه انا بواجه معضله حقيقيه فى فهم السوق المصرى و تقييمه للسيارات معروف ان سوبارو من السيارات اليابانيه الاكثر احتراماً بس فى مصر مش واخدها حقها بما فيه الكفايه و بما ان أ محمود جرب تويوتا كورولا و سوبارو امبريزا ممكن من فضلك تعمل مقارنه لقطع الغيار من ناحية السعر لان العربيه دى عاجبنى جدا و بلاقى انها مظلومه جدا خاصة فى إعادة البيع

علبة دركسيون كاملة أستيراد ____ 950 جنية أمبريزا 98 ____1400 جنية كورولا 95
جوز بيض مقصات أستيراد ____ 200 ج أمبريزا 98 ____ 250-300 ج كورولا 95
شمعدان أستيراد ____ 200 ج أمبريزا 98 _____ 250-300 ج كورولا 95
كشاف نور خلفي أستيراد _____ 200 ج أمبريزا 98 _____ 250 ج كورولا 95
رادياتير فاضي أستيراد ____ 400 ج أمبريزا 98 _____ ؟؟؟؟؟؟؟؟ كورولا 95

فلتر بنزين جديد أصلي ____ 155 ج أمبريزا 98 _____ 250 ج كورولا 95 (1600)
فلتر هواء جديد أصلي ____ 190 ج أمبريزا 98_____ 120 ج (تقريبا) كورولا 95
سلك بوجيهات أصلي _____ 90 ج أمبريزا 98 _____ ؟؟؟؟؟؟ كورولا 95 (1600)
تيل فرامل أمامي أصلي ____ 450 ج أمبريزا 98 _____ ؟؟؟؟؟ كورولا 95 (1600)
في تيل فرامل لانواع سيارات يابانية أخري يركب في السوبارو وفي تيل فرامل سوبارو أمبريزا تقليد والاسعار 160 و 190 و 250 وفي أرخص بس مش متذكر.

دي الاسعار ال فاكرها حاليا . عامتا هي مشكلة السوبارو ال حقيقية ان صعب تلاقي ليها قطع غيار تقليد , بس دي بيتم التغلب عليها زى مثلا ان في بعض السيارات اليابانية الاخري قطع غيارها بتصلح في السوبارو أمبريزا 98 مثلا ( ركبت عندي سلك بوجيهات تقليد بتاع لانسر مكواة ب 10 جنية بس, ينفع تركب فلتر زيت لانسر في أي سيارة سوبارو بس فلتر الزيت الاصلي في السوبارو ب 55 جنية وفي منة ب 35 جنية, ايضا انا مركب عندي فلتر هواء نيسان صني تقليد ومفيش مشاكل نهائي الحمد لله, ممكن برضوا تركب كرتيرة الفيرنا في السوبارو بس هتقص منها حاجة بسيطة) في النهاية ركوبة السوبارة متعة لا يضاهيا في متعتها غير السيارات الالمانية المشهورة فقط !! التقييم ككل السوبارو أفضل من الكورولا في كل شئ تقريبا وخاصة " متعة السواقة والثبات والراحة وصوت الموتور) النقطة الايجابية في الكورولا وغير متوفرة في الامبريزا هي توافر قطع الغيار التقليد في كل مكان.

في النهاية في مقارنة معمولة هنا في المنتدي هتلاقي فيها ان قطع غيار سوبارو أمبريزا 2006 "" تقريبا او الموديل الاعلي"" قطع الغيار الاصلية المباعة في التوكيل أرخص بحوالي 30% من قطع الغيار الاصلية المباعة في توكيلات ( مازدا 3 و سيفيك و كورولا وميتسوبيشي لانسر (2006)) ونسبة 30 % هي النسبة المتوسطة لانها مثلا أرخص من قطع غيار المزدا3 ب 45% علي ما أتذكر.

المشاركة الأصلية كتبت بواسطة yasser_ds

مشكور مشكور مشكور مشكور بجد بس انا رزل ممكن رابط المقارنه بس انا كان قصدى الامبريزا موديلات اعلى من 98

ولا يهمك يا باشا دا رابط المقارنة وان شاء الله يكون في أفادة ليك.

http://www.nilemotors.net/Nile/129999-a.html

متشكر يا باشا والله علي كلامك الجميل وربنا يديم المحبة والمعروف دايما ان شاء الله
انا بعت العربية لاني كان نفسي أركب سوبارو والحمدلله انا مبسوط منها جدا ومريحاني أكتر من الكورولا
بس الكورولا كانت حمالة أسية معايا بجد. عامتا انا والدي معاة الكورولا 2006 بمقارنة سريعة كدا
بالنسبة للثبات فا الملكة افضل بكتير من الهضبة , موتور الملكة ال 4a افضل من موتور الهضبة ال 1300 و ال 1600 عامتا الموتور 4a كان فلتة ومش هيتعوض تاني زي العربية ككل. بالنسبة للعفشة فا الهضبة افضل في نحية النعومة والاريحية بالطبع وحمالة أسية كمان بس الملكة عفشتها انشف شوية وعمرها اطول من الهضبة في الطرق غير الممهدة. طبعا الهضبة أعلي من الملكة ودا لية ميزة وعيب. التكييف واحد في الاثنين لو مظبوط في الملكة. عامتا هما العربيتتين ممتازين جدا جدا بس رأى الشخصي ان الهضبة تناسب أكتر كبار السن والعائلات أما الملكة تناسب أكتر الشباب والمناطق الغير ممهدة زي القري وخلافة.
بالنسبة لكومبريسور التكيف ف بيعمل 300 جنية أستيراد بس لازم تتأكد الاول انة مفيهوش مشاكل , حصل ان صديق لية اشتراة وبعد فترة أكتشف انة معيوب.
اي سؤال تاني انا تحت امرك ياباشا