الموضوع: تقييم كورولا 1997 ... هام قبل الشراء

المشاركة الأصلية كتبت بواسطة avatar

كويس كده بفكركم تسلموا علي بعض اهه .. وكلنا اصددقاء وزملاء وناس في منتهي الإحترام والتعاون وبصبح علي صديقي محمود سليم وياسر وعليك يا احمد وعلي الجميع ونحاول ننشط التويوتا شوية .. وشوفوا اقتراحي لتجميع موضوعات الملكة وهنعمل ايه؟

انا بتكلم عن دورة تبريد موتور 1300 كربريتور 2e وانت طمنتي انه كده تمام ..وعندي سؤال مهم التوكيل غيرلي الرادياتير بواحد اصلي جديد من سنتين كده بس قالولي ده الفيبر الاصلي وطبعا كان طبق الاصل المخلوع بالضبط بلاش سيرة المخلوع ده ( )ع الصبح اقصد الرادييتور الي اتغير اكيد (كتر خيره قعد من 1993) مكملش 30 سنة(هههههههه).
لكن لم يقال لي ان فيه النحاس او الانتمونيا طبعا كان سعره جديد معدي الاف جنيه ممكن 1400 -1600 أو اغلي مش فاكر بالضبط بس بصراحة شغال ممتاز بميه خضراء سعودي اصلي دي اللي كانوا بيغيروها وبحاول اغيرها كل من 6-12 شهر صيانه بنفس نوع الميه .

ممكن توضح لي انواع الرادياتيرات للملكة وايه الرادييتور الفيبر ده ممكن يكون فيبر من فوق لكن مواسيره نحاس من جوه الله اعلم معرفش .. اللي اعرفه زي ماقلت لك انه زي الاصلي اللي جاي من اليابان فابريقة ف العربية علي فكرة العربية مواصفات خليجية في حديدة مدقوقة علي قايم باب السائق من جوة .
بالتوفيق .

انا اللى سعيد بمعرفتك جدا و محمود من الناس المحترمة جدا اللى الواحد كسبها من المنتدى بالنسبة لردياتير الملكة عن تجربتى الشخصية فيها نوعين واحد نحاس و ده بيبقا المواسير الداخلية اللى بتبرد الميه من خامة النحاس المواسير ديه لو دققت فى ردياتير مفكوك هاتشفها لكن صعب تشفها و هيا فى العربية و الردياتير النحاس ده بيبقا لونه و هو جديد اسود كله و العلبة اللى فوق و تحت اللى فيها زور الردياتير و الغطا بتاعه بتبقا حديد و الردياتير ده بيبقا تقيل شوية و ده كان راكب فى اول اجيال الملكة و خصوصا ال 1300 و فيه منه للاتوماتك و منه للمانيوال بيختلف ان الاوتوماتك فيه مدخلين زياده لدخول زيت الفتيس و تبريده و ميزه الردياتير النحاس بالنسبة لينا فى مصر انه حمار شغل و نوعا ما ما بيتاثرش بجودة الميه اللى فيه بس جودة تبريده مش على نفس مستوى الردياتير الالمونيا كمان فيه حاجة اهم انه ينفع معاه اللحام و بيجيب نتيجه عن الالمونيا فى حالة حصل خرم فيه و بعدها فى اجيال الكورولا الاخيرة يعنى تقريبا ال 96 و ال 97 الاتوماتك ال 1500و ال 1600 نزل الردياتير الالمونيا و ده مواسير التبريد اللى جواه من خامة الالمونيا و بيبقا العلبة بتاعت الزور بتاعته فبر يعنى بلاستك و خفيف الوزن و جودة تبريده محترمة قوى تلاحظها فى ايه بقا فى سرعة نزول امبير الحرارة اللى انت تفضلت و شرحت حركاته بالظبط يعنى لو طالع من اشارة و الامبيرفى النص و يا دوبك جريت حبة صغيرة هوب ينزل تحت اسرع من الردياتير النحاس طبعا فى النهاية مش هاتحس بالفرق قوى لان العربية و معظم اليابانى عموما اصلا دورة التبريد بتاعتها ممتازة بحيث ما تحسش بالفرق ده لكن ده طبعا كان تطوير كويس فى الملكة و انا شخصيا ما حبتوش عشان اتقرصت فيه ردياتيرى بردك عملها معايا من فترة و كتر خيره من سنة 1993 بقا بيجيب ميه من كل حته حاولت معاه شوية باللحام و عند دكاترة الردياتيرات فى مصر لكن قاللى ارحمنى قمت قلت اطور بقا و اجيب المونيا استيراد جبته من الميكانيكى بتاعى جابهولى محترم جدا جدا و كانه ما اشتغلش قمت انا قلت اديها بقا شوية مواد من بتاعت تنظيف دورات التبريد اللى بتتباع فى كارفور و هوب مرة فى التانية الردياتير فرول منى لان المواد ديه بيبقا فيها مواد كاوية جامد عشان تنظف الدورة ما استحملهاش الردياتير الالمونيا مش عارف بقا انا اللى كنت غشيم و لا المواد ديه ما كانتش وحشة المهم انا قلت ارجع للردياتير النحاس حبيبى اللى انا عارفه و قمت جبت بتاع الاوتوماتك و بيشتغل زيه زى المانوال بالظبط ما فيش اى فرق و الحمد لله شغال كويس مع ميه موبيل الخضرا ممتااااااااازة جدااااااااااااا و معلش طولت عليك لكن انا باحب انقل التجربة بكل حزافيرها و اتمنى انى اكون افدتك اما موضوع تجميع مواضيع عن الملكة مش عارف ده بقا بيتم عن طريق الادارة و لا بيتعمل ازاى لو فيه اى حاجة اعلها او اساعد بيها انا جاهز و طبعا عمرى ما هابخل باى حاجة انا عارفها لاى حد

المشاركة الأصلية كتبت بواسطة avatar

أفدتني ..جزاك الله خيرا يا.أحمد يبقي اللي عندي الانتمونيا اللي الجزء العلوي والسفلي منه فيبر وأضيف لكلامك طبعا (ولايفتي في الملكة واحمد جلال موجود ) أهمية كبيرة جدا جدا لغطاء الراديتور لما غيرته بالأصلي الاصلي ضغط 1.1 من العالمية في المهندسين او البرجسي في الجيزة موجود بحوالي 85 جنيه فرق كتير جدا في انتظام التبريد والدورة زي ماشرحت ..رغم ان الاصلي كان سليم وزي الفل بس الضغط بيفرق حاجات بسيطة جدا والملكة مفيش فيها حساسات ولا كمبيوتر اعطال ولا يمكن الكشف او اسكانر ولا منظومات مرتبطة ببعض الكترونيا كما في السيارات الحديثة (وده عظيم جدا مش عيب علي فكرة لتقليل الاعطال والمشاكل) هذه المنظومات قد تتاثر باختلاف قوة ضغط غطاء الرادياتير نتيجة للاستخدام سنين طويلة (بيضعف قليلا) .
ماشاء الله علي تجاربك مع الملكة انا ركزت بس معاها من سنة كده سنة ونصف والحمد لله فهمت فيها كويس بس إن شاء الله نكمل مع بعض بجد ياريت نلتقي قريب بس الوقت والظروف تسمح ونشوف بعيونا الكلام ده بإذن الله.. لو متابع زميلنا محمود سليم قالي علي متخصص تكييف الملكة عند فوجي مدينة نصر(المنطقة الصناعية) هروح قريب خلال اسبوعين كده بإذن الله.. بس اروق شوية لو يناسبك يوم مااخد ميعاد واروح أقولك ونتشرف بك وطبعا محمود لو عنده وقت . ايه رايكم في الاقتراح ده ؟؟؟
صباح الفل ...لاجدع زملاء واصدقاء ..كورولاويين ملوك

أنا معنديش مانع ان شاء الله شوف يناسبك أمتي ياباشا
وأنا اظبط وقتي ان شاء الله وأكيد هتكون فرصة كويسة
أني اتعرف علي حضرتك, وممكن نعمل موضوع منفصل وأي حد يحب يجي معانا
ويكشف علي التكييف بتاعة قبل دخلة الصيف هتكون حاجة كويسة. لاننا هنتعرف علي بعض وقتها.

المشاركة الأصلية كتبت بواسطة avatar

أفدتني ..جزاك الله خيرا يا.أحمد يبقي اللي عندي الانتمونيا اللي الجزء العلوي والسفلي منه فيبر وأضيف لكلامك طبعا (ولايفتي في الملكة واحمد جلال موجود ) أهمية كبيرة جدا جدا لغطاء الراديتور لما غيرته بالأصلي الاصلي ضغط 1.1 من العالمية في المهندسين او البرجسي في الجيزة موجود بحوالي 85 جنيه فرق كتير جدا في انتظام التبريد والدورة زي ماشرحت ..رغم ان الاصلي كان سليم وزي الفل بس الضغط بيفرق حاجات بسيطة جدا والملكة مفيش فيها حساسات ولا كمبيوتر اعطال ولا يمكن الكشف او اسكانر ولا منظومات مرتبطة ببعض الكترونيا كما في السيارات الحديثة (وده عظيم جدا مش عيب علي فكرة لتقليل الاعطال والمشاكل) هذه المنظومات قد تتاثر باختلاف قوة ضغط غطاء الرادياتير نتيجة للاستخدام سنين طويلة (بيضعف قليلا) .
ماشاء الله علي تجاربك مع الملكة انا ركزت بس معاها من سنة كده سنة ونصف والحمد لله فهمت فيها كويس بس إن شاء الله نكمل مع بعض بجد ياريت نلتقي قريب بس الوقت والظروف تسمح ونشوف بعيونا الكلام ده بإذن الله.. لو متابع زميلنا محمود سليم قالي علي متخصص تكييف الملكة عند فوجي مدينة نصر(المنطقة الصناعية) هروح قريب خلال اسبوعين كده بإذن الله.. بس اروق شوية لو يناسبك يوم مااخد ميعاد واروح أقولك ونتشرف بك وطبعا محمود لو عنده وقت . ايه رايكم في الاقتراح ده ؟؟؟
صباح الفل ...لاجدع زملاء واصدقاء ..كورولاويين ملوك

جاهز طبعا للقائك فى اى وقت ان شاء الله و ننقل التجربة باذن الله للجميع للافادة

المشاركة الأصلية كتبت بواسطة mahmoudselim

أنا معنديش مانع ان شاء الله شوف يناسبك أمتي ياباشا
وأنا اظبط وقتي ان شاء الله وأكيد هتكون فرصة كويسة
أني اتعرف علي حضرتك, وممكن نعمل موضوع منفصل وأي حد يحب يجي معانا
ويكشف علي التكييف بتاعة قبل دخلة الصيف هتكون حاجة كويسة. لاننا هنتعرف علي بعض وقتها.

معاك طبعا يا حودة ان شاء الله

المشاركة الأصلية كتبت بواسطة ahmed galal

معاك طبعا يا حودة ان شاء الله

يا جلجل انت معايا غصب عنك :)
انا بتكلم علي الرجالة التانية

المشاركة الأصلية كتبت بواسطة pro_samir

الله ينور يا جماعه معلومات قيمه



يا ريت مكانه بالظبط ولو معاك رقم تليفونه يبقي تمام ، يعني قريب من العالميه والحديدي ولا في منطقه تانيه؟

ربنا ما يحوجنا ليهم :)

والله ياباشا رقم التليفون مش معايا بس اكيد هتلاقية مع جلال ان شاء الله
مكتنهم في نفس الشارع ال فية العالمية بس في أولة من نحية المسجد
في دخلة شمال كدا نازلة لتحت شوية هما في الدخلة الشمال دي.
عامتا انت بس اوصل اول الشارع دا و اسئل اي محل من الموجدين هناك 1000 مين يدلك ان شاء الله.