الموضوع: تقييم كورولا 1997 ... هام قبل الشراء

بص ياباشا انا هختصر عليك الموضوع , انا هديك رقم واحد اسمة محمود بتاع تكييف هو شغال مع الخواجة الياباني لو تعرفة في الكورولا الملكة استيراد اليابان بتاعت المعاقين , يعني اقصد اقولك هو فاهم كويس جدا جدا جدا دورة التكييف في الملكة مش هتلاقي واحد في مصر فاهمها اكتر منة والله وأعلم. هو مكانة في مدينة نصر عند الوفاء والامل وخلية يجبلك كومبرسور من عربية استيراد ياباني من عند الخواجة لو يقدر لان الحاجات هناك كأنها جديدة بالظبط وتقريبا التكييف مابيستعملش في اليابان غير قليل جدا جدا اقصد التكييف البارد طبعا لان الجو هناك تلج أصلا . رقمة 01000507982 وعرفني لو في اي مشكلة معاك

المشاركة الأصلية كتبت بواسطة avatar

ايه الذوق والتعاون ده يا استاذ محمود ده كتير والله تعبناك معانا مشكور ..اوك خلينا مع الخيط ده نبدأ منه وهعرفك بالتفاصيل في رسالة خاصة او ابقي ابعت لي تليفونك ع الخاص .أو ممكن افضل اعمل موضوع صغير لتعم الفائدة علي جميع الاعضاء .

أفضل موضوع منفصل فعلا مثل ما ذكرت علشان الفائدة تعم الجميع بس بعد ما تظبط الدنيا ان شاء الله. وياجدع لا كتير ولا حاجة والله يعني الواحد بيحاول يساعد علي قد مايقدر وربنا يقدم ال فية الخير ان شاء الله. ودا رقمي ياباشا لو احتجت اي حاجة كلمني وان شاء الله اقدر اساعد 01066628091

المشاركة الأصلية كتبت بواسطة avatar

استاذ ياسر :
تحياتنا لك ولكل اصحاب الملكة صباح جميل..
لو دورة التبريد سليمة رادياتير ووصلات وترموستات وغطاء الرادياتير وغطاءالقربة والمياه خضراء نوع جيد والصيانة مضبطة والدورة محكومة .
لو الدنيا زحمة اوي وواقفة هتوصل الحرارة في اعلي درجاتها لتحت النص بحاجة بسيطة جدا وتشتغل المروحة والرادياتير يبدل المية مع القربة وترجع علي الربع بسرعة ولو في وسط البلد والطريق مش زحمة أوي الدنيا ماشية يعني هتكون العلامة علي الربع تماما ولو طريق هاي واي وواخدة سرعتها الرابع او الخامس العلامة تحت الربع بمسافة يعني فوق ال c بشرطتين (أو بين الربع وال c في منتصفهم)
وأدعو الاستاذ محمود سليم والاستاذ أحمد جلال للتعليق علي كلامي وتأكيده او التصليح هما خبراء الملكة وباقي اصحاب الملكة وأحنا بنتعلم منهم .
وبالمناسبة عندي إقتراح لتجميع موضوعات الملكة للإفادة ..شوفوا مين ممكن يساعدنا فيه وازاي؟
سلام...

الكلام ده مظبوط و تمام جدا جدا فى العربية ال 1300 اللى معايا و الاستاذ محمود صديقى العزيز يفيدك اكتر فى ال 1500 لانها كانت معاه و اتعلمنا سوا فيها حاجات كتييييير بس يستحسن كل حوالى 40 الف كيلو تغير ثرموستات الكوعة و ده سهل تغييره جدا فى العربيتين عشان تحافظ على دورة التبريد مظبوطه تمنه 90 جنيه اصلى و بلاش اى ميه غير ميه موبيل لانى خسرت ردياتير بسبب الموضوع ده يعنى لو هاتحط ميه يبقا موبيل مخففه بميه مقطره و معلومة كمان ردياتير الكورولا الاستيراد ب 500 و ساعات 600 و يفضل الردياتير النحاس بتاعها و بلاش الالمونيا لانه حساس للميه اوى لو وحشة هاتبوظه

المشاركة الأصلية كتبت بواسطة mahmoudselim

علبة دركسيون كاملة أستيراد ____ 950 جنية أمبريزا 98 ____1400 جنية كورولا 95
جوز بيض مقصات أستيراد ____ 200 ج أمبريزا 98 ____ 250-300 ج كورولا 95
شمعدان أستيراد ____ 200 ج أمبريزا 98 _____ 250-300 ج كورولا 95
كشاف نور خلفي أستيراد _____ 200 ج أمبريزا 98 _____ 250 ج كورولا 95
رادياتير فاضي أستيراد ____ 400 ج أمبريزا 98 _____ ؟؟؟؟؟؟؟؟ كورولا 95

فلتر بنزين جديد أصلي ____ 155 ج أمبريزا 98 _____ 250 ج كورولا 95 (1600)
فلتر هواء جديد أصلي ____ 190 ج أمبريزا 98_____ 120 ج (تقريبا) كورولا 95
سلك بوجيهات أصلي _____ 90 ج أمبريزا 98 _____ ؟؟؟؟؟؟ كورولا 95 (1600)
تيل فرامل أمامي أصلي ____ 450 ج أمبريزا 98 _____ ؟؟؟؟؟ كورولا 95 (1600)
في تيل فرامل لانواع سيارات يابانية أخري يركب في السوبارو وفي تيل فرامل سوبارو أمبريزا تقليد والاسعار 160 و 190 و 250 وفي أرخص بس مش متذكر.

دي الاسعار ال فاكرها حاليا . عامتا هي مشكلة السوبارو ال حقيقية ان صعب تلاقي ليها قطع غيار تقليد , بس دي بيتم التغلب عليها زى مثلا ان في بعض السيارات اليابانية الاخري قطع غيارها بتصلح في السوبارو أمبريزا 98 مثلا ( ركبت عندي سلك بوجيهات تقليد بتاع لانسر مكواة ب 10 جنية بس, ينفع تركب فلتر زيت لانسر في أي سيارة سوبارو بس فلتر الزيت الاصلي في السوبارو ب 55 جنية وفي منة ب 35 جنية, ايضا انا مركب عندي فلتر هواء نيسان صني تقليد ومفيش مشاكل نهائي الحمد لله, ممكن برضوا تركب كرتيرة الفيرنا في السوبارو بس هتقص منها حاجة بسيطة) في النهاية ركوبة السوبارة متعة لا يضاهيا في متعتها غير السيارات الالمانية المشهورة فقط !! التقييم ككل السوبارو أفضل من الكورولا في كل شئ تقريبا وخاصة " متعة السواقة والثبات والراحة وصوت الموتور) النقطة الايجابية في الكورولا وغير متوفرة في الامبريزا هي توافر قطع الغيار التقليد في كل مكان.

في النهاية في مقارنة معمولة هنا في المنتدي هتلاقي فيها ان قطع غيار سوبارو أمبريزا 2006 "" تقريبا او الموديل الاعلي"" قطع الغيار الاصلية المباعة في التوكيل أرخص بحوالي 30% من قطع الغيار الاصلية المباعة في توكيلات ( مازدا 3 و سيفيك و كورولا وميتسوبيشي لانسر (2006)) ونسبة 30 % هي النسبة المتوسطة لانها مثلا أرخص من قطع غيار المزدا3 ب 45% علي ما أتذكر.

سلك البوجيهات اصلى ب 250 جنيه لل 1300 و التيل الامامى اصلى ب 270 جنيه و الردياتير نحاس فاضى ب 500 و المونيا فاضى ب 600 ووحشتنى الملكة ال 1500 يا حودة و فعلا قطع غيارها متوفرة سواء ال 1300 او ال 1500 بامتيااااااااااااااااااز معلش يعنى يا حودة بردك الملكة احسن من السوبارو