السلام عليكم اخواني الأعزاء

العربية بتاعتي لقت نفسها ماشية ماشية مظبوط من فترة فحبت تقرفني شوية

بداية الموضوع من الخميس الي فات
كنت في مشوار في عين شمس وركنت العربية الظهر ولما جيت ادورها مارديتش تدور وعتلت معايا بس دارت من تاني محاولة
وفي نفس اليوم بليل كنت بتغدي وبعد ما اتغديت جيت ادور حلفت ماتدور
يمين شمال مش عايزة تدور
فتحت الكبوت وراجعت علي الفيش مش راضية تدور
خلعت الكنبة وخبطت علي الطرمبة وبدور راحت دايرة
رجعت علي عين شمس تاني وبطلت وبدور دارت من اول محاولة
وانا راجع فولتها وطلعت علي الدائري ولاحظت انها نتشت لما كبست عليها

في خلال الأسبوع نتشت مرتين تلاتة
وطبعا في ظل الأزمة مامونتش ولا مرة وحاولت احافظ علي البنزين الي فيها علي قد ما اقدر
حتي عملت موضوع فيه بعض النصائح ازاي تقلل استهلاك العربية في البنزين

http://www.nilemotors.net/Nile/26712...post3874055768

النهاردة وانا نازل قابلت واحد جاري مش بستريحله علي الناصية
فضلت اقرا قرآن وقل اعوذ برب الفلق
ودعاء الركوب
لأني مكنتش مطمن وحاسس ان هيحصل حاجة النهاردة

وقد كان

فعلا العربية عملتها معايا

بطلت مني ومارضيتش تدور

وانا في مكاني روحت مادد ايدي خالع الكنبة وخبت علي الطرمبة
مارضيتش تدور
فضلت اطبل علي الطرمبة مش راضية تدور
نزلت وافضلت اتنطط علي الطرمبة مش راضية تدور
فتحت الكبوت واكدت علي الفيش مش راضية تدور
فتحت علبة الفيوزات وراجعت علي فيوز الطرمبة (الفيوز الوحيد الي 30 امبير) مش راضية تدور

قفلت العربية وخدت ميكروباص وروحت الشغل متأخر ساعة ونص

دعواتكم لينا

والله المستعان
،
،