روحت النهاردة ركبت الكنترول يونيت و العربية بقت تمام الحمد لله
اللى حصل بقى
امبارح كنت بكلمهم على اساس انى عايز ميعاد الاحد الجاى
قالى مفيش غير 31 يعنى التلات اللى بعد القادم
قولتة لا ميعنفعش اللى عربية هتخرج من الضمان و انا مش عارف امتى بالظبط عايز وقت اقرب
قالى سوانى ورجع قالى يبقى بكرة بس الساعة 8 الصبح قولتلة اوكى
روحت قبل ما التوكيل يفتح اساسا
المهم دخلت و استنيت فى الاستراحة شوية و بعد كدة نادة عليا مهندس الاستقبال و هوا راجل محترم جدا اسمة محمد حسان دمة خفيف و اسلوبة حلو جدا فى الكلام
و احان بنتكلم هوا قالى تلاقيها محتجة الكنترول يونت يعتغير عشان ينظم النقلات بشكل صحيح شوية عن كدة بس مش عارف اذا كانت القطعة هتبقى موجودة ولا لا و لو مش موجودة هنحجز العربية او هتاخد معاد تيجى فية المهم فضلت مستنى و انا قاعد بتفرج على العربية من فوق لحد ملقيت مهندس تانى من جوة طالع بيها من الورشة انا شوفتة طلع طلعت من الاستراحة جرى على برة و لحقتة عند باب التوكيل و قولتلو عايز اجى معاك طبعا انا فاهم من الاول انو طالع يجربها المهم قالى اتفضل وركبت معاة و طلع لف بيها و قال هى فعلا فيها خبط و مش مظبوطة فى النقلات ولقيتة من نفسة بيقول هى محتاجة كنترول يونيت و قالى نفس الكلام اللى قالهولى مهندس الاستقبل يارب تكون موجودة القطعة عندنا
ورجعنا التوكيل وقالى اتفضل فى الاستراحة لغاية ما نخلص العربية انشاء الله
ورجعت الاستراحة تانى و قاعت اتفرج على العربية و طول الوقت طالع نازل على مهندس الاستقبال اللى قابلنى فى الاول اسالة فاضل كتير ولا لا و هتخلص امتى لحد ماقالى هي خلاص بتتجرب و هتتغسل و هتستلمها خلاص
و فضلت قاعد لحد الساعة 3 دة من 8 الصبح يعنى 7 ساعات
طبعا المعاملة مختلفة عن بتوع العباسية خالص سواء من الاستقبال او من مهندس الصيانة
بس بعد كدة العربية الحمد لله راح منها الرزع و النتش الجامد و الكلام دة كلة
وبعد ما خلصت انا سالت مهندس الاستقبال هوا لو كانت برة الضمان هتعمل كام قالى 9500 جنية
بس الحمد لله العربية بقت كويسة