لغير الاسكندرانية.بتمثلك ايه البلد دي-انا وبابلو وشتا اسكندرية

**Karim_Monir** · 21-01-2012 05:50 PM

واضح ان ليها عشاق كتير غيري
انا ضيفت بقية الصور لراس الموضوع
واسكندرية اليومين اللي فاتو كانت واحشاني جدا بذكرياتها بجوها
شنوري معلش لو كنت شوفتني كنت هاتزعل اكتر
اصلي كنت out of mood
بس السقعة كانت غبية بشكل لا يصدق
بليل بدون مبالغة كانت بتنزل لواحد او صفر تقريبا
الترمومتر خرف باين عليه
لانه وقف عند صفر
سرعة الهواء على مواقع الطقس كانت بتعدي ال 30 كم
وده بيخلي الشبابيك تتكتك طول الليل
ولا مخدات نافعه تتحط على الودان ولا قطن
انا اضرب سكلانس (قشطة بعسل بحلاوة ) عشان ادفي ؟
انا نفسي بتجزع من حاجة واحدة بس :-)
وخدت شوية موج وشتا محترمين
بس بره بحبها :-)
ماهو اللي يشوف من حبيته رخامتها يكرهها
لازم يحبها كلها كدة على بعضها :-)

مستني تعليقكم على اجمل صورة عجبت كل واحد من وجهة نظرة

وفي صورة كدة للوجه الاخر للعملة
الناس الشقيانة في الجو ده
اللي مش هاممها السقعة ولا الموج البشع ونازله تصتاد على بدال بلاستيك وطوق كاوتش

وده لينك الالبوم كله
http://www.facebook.com/media/set/?s...7614128&type=1

**abogogo** · 21-01-2012 06:12 PM

الاسكندرية بتفكرني بأمي رحمة الله عليها يعني حي الاظاريطة يعني طفولتي ومغامراتي ليها مكانه خاصة في قلبي عن كل المحافظات المصرية بحبها صيف وشتاء بس شتاء اكتر
صورة لي سنة 1997 في نوة عيد الميلاد ...!!

**amarakl** · 21-01-2012 06:34 PM

انا تقريبا بروح اسكدنريه كل خميس
بموت فى اسكندريه ونفسى انقل حياتى هناك

**totaa** · 22-01-2012 06:35 AM

بصراحة الموضوع شدني لأنه بيحكي عن بلد مهما لفيت أو شفت بحس مافى أجمل منها
وهى إسكندرية
اسكندرية ليها سحر خاص وبحرها غير أي بحر حتى ريحة جوها وناسها غير أى ناس
بتمنى من كل قلبي إني اقيم فيها مش مجرد مصيف وبس.... وربنا يسهل وتتحقق أمنيتي عن قريب بإذن المولى..
طيب كل واحد بيقول بيحبها إزاي على طريقته وبما إنكم بتعرفوا ان ليا شوية فى الكتابة فاسمعوا بقى قلت ايه عنها:ـ

بنت الإسكندر يا ماريا فاق جمالك كل وصف

سماكِ إسكندرية وكتر خطابك واصطفوا صف

محلى العصاري والنوارس على صفحة بحرها

محلى المراكب والعرايس بتغير من سحرها

طب شفت ليلها ولا جمال صبحها؟

ولا ريحة المسك فى بحرها والزعفران محني رملها

لو تسألوني أنا ليه بحبها والله ما أعرف أبدأ منين وصفها؟

بحييك أستاذ كريم على الموضوع

احترامي وكل تقديري للجميع

توتااااا

**r0xer** · 22-01-2012 06:57 AM

احسن مكان ممكن تعيش فيه في الشتاء....واكتر مكان يكرهك في الحياة في الصيف.

ناسها جدعان اوي ولكن مشكلتهم في اسماء الكباري والانفاق واحيان كتير بيتوهوك معرفش بقصد ولا من غير :d

مميزاتها متتعدش واهمها ان الناس هناك محدش بيحجر على حد لا في لبسه ولا في شكله ولا في تصرفاته...

الزحمة بتاعتها معقولة في الشتاء وارحم من القاهرة طبعا.

عيبها الوحيد في رأي ومحدش يزعل :).....ان المياه بتاعتها بقت مش نضيفة اغلب الوقت سواء صيف او شتاء و لاتصلح للنزول للبحر.

**modo88** · 22-01-2012 08:33 AM

اسكندرية دي عشيقتي الاولي والاخيره لانها عشرة 12 سنه بحالها ناسها جدعه اوي باسثناء سواقين التاكسي والميكروباص :d
وتقريبا الواحد فيها كل شهر مره او اتنين لان الواحد بجد بيحن ليها اووي لان ليها سحر وطعم خاص عن اي محافظه تانيه
بجد الله يباركلك يابو اسكندر عملت محافظه ملهاش حل