الموضوع: لغير الاسكندرانية.بتمثلك ايه البلد دي-انا وبابلو وشتا اسكندرية

طبعا زي ماهو واضح من العنوان
الاسكندرانية دي بلدهم عايشين فيها
غير السكندرية بقي
بتمثلكم ايه
انا شخصيا بعشق البلد دي
ريحة بحرها وجوها ومبانيها
اماكن كتير بالنسبالي بعرف اوصلها واعيشها
اماكن تانية بعرف استخبي فيها من وجع دماغي الدنيا وقرفها
بالنسبالي بشتاها وبرودتها وطعمها و(سي فودها) :-) حاجة تانية

دول صورتين بدون اي تعديل ولا فلاتر وكمان بكاميرا الموبايل عشان اوريكم جمال جوها
اينعم ادتني شوية شتا تمام بعدهم :-)
والبحر بهدلني عند صخور القلعة
بس برضه بحبها وبتعرف تثير شجوني وذكرياتي
في صور تاني صورهالي بابلو الفوتجرافر اليوناني اللي اتعرفت عليه هو ومراتة جوليا عالبحر وقعدنا نرغي شوية عن مصر واليونان
بابلو شغال في مجلة وجاي يصور اي احداث محتلة يوم 25 الجاي
بس لسه عالكاميرا ومش قادر اقوم انزلها من السقعة :-) هانزلها بعدين
وقعدنا نرغي شوية عن العربيات عشان شاف الكرولا وقال ماهو المصريين دخلهم مرتفع اهو وبيركبو تويوتا
قولتلة انت فاهم غلط دي كرولا مش مرسيدس :-)
وركب معايا من عند المحكمة لغاية القلعة وبعدين سيبتهم هناك بعد ما عزمتة علي حمص الشام
بس مارضيتش اشرب لما لمحت بياع الحمص خارج بجركن المية من الحمام العمومي :-) وسيبت الكوباية وقولتلة عندي ميعاد :-)
اكيد هاتلقوة في المستشفي الميري هو ومراتة تسمم :-)






الصور دي بالكاميرا مش بالموبايل
















ده انا بعدسة بابلو الفوتجرافر هو اللي صمم وبيقولي كدة زي المشاهير :-)
مش عارف مشاهير ايه بشكلي المرهق ده :-)



انا وبابلو بعدسة جوليا





زي ما شايفيين اللي ورايا بيجري من الموجه وبابلو بيحذرني باليوناني حبكت ينسي الانجليزي دلوقتي بس جوليا اللي صرخت زي كل بنات حوا ففهمت :-)