نقص مياه الريداتير في رينو كليو 2004

**Amr_Moh** · 29-01-2012 09:57 PM

المشاركة الأصلية كتبت بواسطة shehabsemary

و أخيراااااا تم حل المشكلة...إتضح إن سبب مشكلة نقص المياه في الريداتير هو تعطل التيرموستات اللي بيوصل المياه للموتور مما أدي إلى قلة المياة المتدفقة للموتور... و هو مش التيرموستات الخاص بحرارة الموتور..عموما الصنايعي شاله خالص و قال إنه مفيد فقط في دول أوروبا علشان يساعد على تسخين العربية بسرعة....أهو كلام في الهجايص...المهم...الحمد لله المشكلة إتصلحت و زدتها بالمياه الخضراء

حل بدائي يدل على قصور فكري للصنيعي
الصنيعي العملك كدة دة تعبان واخره يصلح لادا

**osha_ahmed** · 30-01-2012 11:47 AM

اللى عمله الصنايعى ده غلط
مبدئيا مفيش حاجة ملهاش لازمة فى العربية ...
الثرموستات اللى شاله سيادته بيقيس درجة حرارة المياه خصوصا فى اول الدواره الصبح ..وعلى اساسها بيحدد rpm بتاع الموتور بيكون عالى شوية لحد لما الماتور بيسخن وبعدين يرجع تانى للوضع الطبيعى ..

**shehabsemary** · 30-01-2012 11:49 PM

على فكرة...أنا إشتريت تيرموستات من يومين لإنه طلع مهم جداااا....العربية مش بتسخن خاااااالص...بحس إنها هتطفي مني لما أطلع....السحب بتاعها سيئ جدااااا...إستهلاك عالي للبنزين....كان لازم طبعا أشتريها و أركبها بسرعة...طبعا ركبتها عند المعلمين و الحراقين اللي في توكيل رينو ...قالولي ما كانش ليها لازمة إنك تشيلها لإن السبب مش منها ... و طلع السبب إن الريداتير مخروم و بيسرب ميه... و قالي لازم تشتري واحد جديد... و قالي حط ميه حمراء لإن المية دي هي الفابريكة بتاعت الرينو.....طبعا العربية أدأها إتحسن جدا بعد ما ركبت التيرموستات و المية لسه بتسرب لحد ما أشتري ريداتير جديد....شكرا ليكم جميعا لردودكم....شكرا يا رجالة الرينو

**meso76** · 01-02-2012 12:24 AM

ظهرت عندى ايضا من كام شهر مشكلة فى تسرب مياه من الريداتير والحل شراء ريداتير جديد ثمنه فى التوكيل بالتركيب تقريبا 2500 ج ... المهم لاحظت ان فى مادة بتتباع فى الهايبر ماركت (شفتها فى كارفور المعادى) مكتوب عليها انها بتتضاف لمياه الريداتير وتقوم بلحام الثقوب (البسيطة طبعا) ... ياترى حد جرب الموضوع ده؟؟؟

**osha_ahmed** · 07-02-2012 01:10 PM

المشاركة الأصلية كتبت بواسطة shehabsemary

على فكرة...أنا إشتريت تيرموستات من يومين لإنه طلع مهم جداااا....العربية مش بتسخن خاااااالص...بحس إنها هتطفي مني لما أطلع....السحب بتاعها سيئ جدااااا...إستهلاك عالي للبنزين....كان لازم طبعا أشتريها و أركبها بسرعة...طبعا ركبتها عند المعلمين و الحراقين اللي في توكيل رينو ...قالولي ما كانش ليها لازمة إنك تشيلها لإن السبب مش منها ... و طلع السبب إن الريداتير مخروم و بيسرب ميه... و قالي لازم تشتري واحد جديد... و قالي حط ميه حمراء لإن المية دي هي الفابريكة بتاعت الرينو.....طبعا العربية أدأها إتحسن جدا بعد ما ركبت التيرموستات و المية لسه بتسرب لحد ما أشتري ريداتير جديد....شكرا ليكم جميعا لردودكم....شكرا يا رجالة الرينو

ممكن حضرتك تقولنا اخدو منك كام فى التوكيل تمن الثيرموستات والمصنعية قد ايه

**shehabsemary** · 07-02-2012 08:39 PM

التيرموستات موجود منه الأصلي بعلبة رينو ب 350 جنيه... و فيه تيرموستات أصلي بس بعلبة خارجية 225 جنيه ..البائع قالي مافيش أي فرق بس السيريل ممسوح في التانية بس نفس الكفاءة..أنا إشتريت التانية و ركبته عند التوكيل ب 40 جنيه ... و حتى الآن لسه ما فكرتش أغير الريداتير لإنه غالي على الرغم من إن كتير قالولي صلح و إلحمة و رقعه بس أنا مش بحب الترقيع في عربية فرنساوي...هغيره في الوقت المناسب

**ramy_gamal** · 07-02-2012 08:53 PM

المشاركة الأصلية كتبت بواسطة shehabsemary

التيرموستات موجود منه الأصلي بعلبة رينو ب 350 جنيه... و فيه تيرموستات أصلي بس بعلبة خارجية 225 جنيه ..البائع قالي مافيش أي فرق بس السيريل ممسوح في التانية بس نفس الكفاءة..أنا إشتريت التانية و ركبته عند التوكيل ب 40 جنيه ... و حتى الآن لسه ما فكرتش أغير الريداتير لإنه غالي على الرغم من إن كتير قالولي صلح و إلحمة و رقعه بس أنا مش بحب الترقيع في عربية فرنساوي...هغيره في الوقت المناسب

اللحام فى الردياتير ميعتبرش ترقيع حاجه عادى جدا الحمه وتوكل على الله