السلام عليكم
بالنسبة ل n8 هو التليفون دة معايا من 25 مارس اللى فات , بصراحة التليفون ممتاز من كل النواحى : ميمورى 16 جيجا بيلت ان , ممكن تحط كارت ميمورى 32 (زى ال c7 بالمناسبة), الكاميرا بصراحة رائعة بس يمكن الزوم بتاعها مش أد كدة , الفلاش قوى , ال HDMI تحفة , البطارية لو هتلغى ال screen saver بتقعد معايا أسبوع مقفول , الجهاز ماشاء الله بدون أعطال أو تهنيجات أو كدة وأنا منزل علية كذا تطبيق .
بس بصراحة مافيهوش غير مشكله واحدة بتخنقنى أوى بصراحة , أن مافيهوش زراير الرد أو قفل المكالمه , دى بتبقى رخامتها لو واقف فى حتة شمس وجالك تليفون , بتطلع التليفون من جيبك تلاقى الشاشه مضلمة (المفروض بتنور وبيبان عندك answer أو reject ) , فى الشمس لأ , بتضطر تفتح وتقفل التاتش سكرين 3 مرات عشان الشاشة تنور , فبتبقى خنقة بصراحة , كذلك وانت بتتصل أول ماتطلب الرقم الشاشة بتقفل لو فى الشمس , طب لو ضغطت على رقم غلط وحبيت تلغى قبل ما يجمع ؟؟؟؟؟ ساعتها بضطر أقفل التليفون بسرعة :(
لكن عموما التليفون مافيش فية أى مشاكل خالص غير المشكله اللى بقوللك عليها دى , ودى تقريبا موجودة فى كل التليفونات الفل تاتش سكرين زى الأى فون , ما شاء الله تليفون تحفة , لا تهنيج ولا يفصل ولا أى حاجة .
بصراحة أنا معنديش معلومات عن الc7 , بس هو نفس نظام التشغيل ونفس البروسيسور بتاع ال n8 , يقل عنة ان الكاميرا 8MP بفلاش عادى (اللى هو مالوش لزمة بصراحة , التانى زينون زى بتاع الكاميرات اللى بيزغلل العين دة :)) ) ويقل عنة فى البيلت ان ميمورى 8GB بدل 16GB , يقل عنة برضه انة مافيهوش HDMI , بس أحسن منه فى حاجة واحدة بس , أنة فية زرارين answer & reject , وطبعا فرق السعر.
فحضرتك شوف لو بتبقى موجود كتير فى الشمس ال n8 هيدايقك , لو مابتتعرضش كتير للشمس يبقى n8 على طول .
اتمنى لك التوفيق .
ومبروك مقدما :)
المفضلات