رابطه سيارات لادا

**MEKAWY2000** · 26-01-2012 11:59 PM

اليوم رحت لميكانيكى لضبط المحرك وعلى فكره انا بقالى سنه مغيرتش طقم كهرباء
اشتريت طقم بوجيه ماركه هيونداى من توكيل هيونداى فى فيصل ب44جنيه لانه اجود نواع البوجيه الان والباقى كله مضروب الصينى جاى من بلده فيه رطوبه والفحمه ضعيفه وسئ جدا والبوش بقى مضروب وال كى ان جى مضروب على شان كده انا بجيب الهيونداى الكورى وبيفضل شغال كويس وشرارته شديده وجبت ابلاتين انجليزى الريشه العريضه وكندونسر انجليزى وغيرت الطقم وضبط الكالبرتير والح اه السياره زى الفل

**MEKAWY2000** · 27-01-2012 12:05 AM

ورحت اليوم ايضا لضبط الزوايا وترصيص العجل لانى كان عندى حدفه بسيطه شمال والحمد الله كويسه وبعدكده رحت الى محطه غسيل السيارات وغسلت السياره والموتور ورشيت السياره بجاز من تحت وعلى العفشه وشحمت لعفشه وضبط هواء العجل وكده السياره صرفت على اليوم 100جنيه بس طبعا السياره ارتاحت فى كل حاجه من دركسيونوعفشه وكهرباء والحمد الله لانى بحب يكون يدى فيها بستمرار لان هى يدى ورجلى فى كل مشاويرى

**MEKAWY2000** · 27-01-2012 12:10 AM

انا دائما احب اجرب الجديد فى السوق واختار الفضل
اشتريت زيت ليكى مولى الالمانى 20w50 مع محسن اداء زيت
ب150جنيه وغيرت الزيت من حوالى 3 شهور وعامل عليه 3000كم الى الان والزيت ناعم جدا ودرجه الزوجه حتى الان تمام ونفس المقاس من يوم ماغيرته الى الان زى ماهو مع العلم ان السياره مودل 2007 وعامله 75000 اف كيلو واداء الموتور ممتاز لانى زى ماقلت قبل سابق انى بحب تبقى يدى فى السياره اول باول

**MEKAWY2000** · 27-01-2012 12:17 AM

المشاركة الأصلية كتبت بواسطة mekawy2000

برده راى جميل وممكننبدا فيه بس عايز فكره جديده

نسيت اعرفك انا عا ز الفكره تكون ابواب منفصله عن بعضها يعنى الميكانيكا لها باب والكهرباء باب والعفشه باب السمكره باب والدوكو باب يبقى كده اى عضو عايز يعرف شى عن الكهرباء مثلا يخش على باب الكهرباء

**MEKAWY2000** · 27-01-2012 07:13 PM

النهارده سافرت بالسياره كسفريت اشوف ابنى فى مركز تدريب والحمد الله السياره كانت مجوبه معاى على الاخر

**MEKAWY2000** · 27-01-2012 07:18 PM

الاخوه الاعضاء ياريت اى حد عنده مشكله يكتبها ونحاول نساعد بعض

**yoyo2015** · 28-01-2012 02:04 AM

السلام عليكم اولا
مشكلتى وانا ماشى بالعربية بشم ريحة دخنة جوة العربية اتخنقت اتخنقت اتخنقت
مش عارف اعمل اية؟؟؟؟ ملحوظة خرطوم الفايص عندى مش راكب فى البتاعة السودة اللى فوق
وشكرا

**yoyo2015** · 28-01-2012 02:08 AM

معلش استفسار بالنسبة للاستاذ المحترم اللى راح كسفريد انا بردوا عايز اروح علشان اخويا هناك بردوا فى مركز تدريب القوات الجوية بكسفريد الاسماعلية لو تسمح حضرتك ازاى اروح هناك معايا عربية لادا 2105 المتور خفيف حبتين ممكن توصلنى هناك مع العلم ان ممكن اخد والدى ووالدتى
وشكرا متأسف لللازعاج

**MEKAWY2000** · 28-01-2012 05:41 PM

المشاركة الأصلية كتبت بواسطة yoyo2015

معلش استفسار بالنسبة للاستاذ المحترم اللى راح كسفريد انا بردوا عايز اروح علشان اخويا هناك بردوا فى مركز تدريب القوات الجوية بكسفريد الاسماعلية لو تسمح حضرتك ازاى اروح هناك معايا عربية لادا 2105 المتور خفيف حبتين ممكن توصلنى هناك مع العلم ان ممكن اخد والدى ووالدتى
وشكرا متأسف لللازعاج

ــــــــالعضو العزيز
الطريق من القاهره مصر اسماعليه الصحراوى 85 كم من السلام الى كارته الطريق بعد الكارته علىطول هتلاقى يافطه مكتوب عليها طريق فايد وابوسلطان تمشى فيه حوالى نصف ساعه بالسياره هيقبلك كمين شرطه عسكريه تخش معاه يمين طريق فايد وبعد 20 دقيقه توصل فايد وبعد فايد ب ربع ساعه تلاقى منطقه كسفريت تخش على المزلقان والمركز بعد المزلاقان على طول والزياره يوم الجمعه من الساعه8 الى الساعه 8/30
اما بخصوص السياره فانا مش عارف الحاله ايه بالضبط الموتور خفيف والمشوار فى حدود170كم والطريق بتاع ابو سلطان معلهوش اى خدمات فانا بنصحك بلاش تاخد حد معاك لان انت بتقول الموتور خفيف حبتين يبقى اكيد فى زيت بيطلع على البوجيه ويمكن يقطع منك يوم الجمعه هناك صعب انك تلاقى ميكانيكى فاتح على الصبح فى فايد لاكن الستارموجود

**MEKAWY2000** · 28-01-2012 05:53 PM

المشاركة الأصلية كتبت بواسطة yoyo2015

السلام عليكم اولا
مشكلتى وانا ماشى بالعربية بشم ريحة دخنة جوة العربية اتخنقت اتخنقت اتخنقت
مش عارف اعمل اية؟؟؟؟ ملحوظة خرطوم الفايص عندى مش راكب فى البتاعة السودة اللى فوق
وشكرا

[[[[[[[[[العضو العزيز
بعد التحيه

هل انت ركبت شمبر قبل ذالك

هل السياره عملت عمره موتور
لو السياره عملت عمره انت ممكن تحل الموتور وتركب طقم شمبر مش هيكلف كتير
يعنى
طقم شمبر برازيلى 110
طقم جوان دبل 30
جوان شكمان 10
4لتر بنزين 4
4لتر زيت تعاون 50
اجره ميكانيكى 200
ـــــــــــــــــــــــــ ـــــــــــــــــــــــــ ــــــ
المجموع 350

وده كله يخلص بالكتير فى يومين

وبعد كده تقدر تسافر كسفريت وانت مطمن ومتنساش تغير طقم كهربا بالمره فى حدود 50 جنيه