حملة للإقلاع عن القيادة بسرعات جنونية

**waleed_sat** · 31-01-2012 07:11 PM

المشاركة الأصلية كتبت بواسطة ehab_gamal_k

معاك حق والله وجزاك الله خير , بس يا جدعان الى بيسوق بسرعه ده حاجه عامله زي الادمان ! الواحد بعد ما بيشوف حادثه كبيره ولا حاجه بيتعظ كده وأقول خلاص ... بعدها ب ساعه ارجع تاى , ربنا يهدينا يا رب ))

الوقاية خير من العلاج عزيزى

و هل يعلم أى أحد بما سيحدث له قبل حدوثه ؟

ربنا يسترها معانا جميعاً بإذن الله

**AhMeD MeTwAlY** · 31-01-2012 08:26 PM

المشاركة الأصلية كتبت بواسطة ehab_gamal_k

معاك حق والله وجزاك الله خير , بس يا جدعان الى بيسوق بسرعه ده حاجه عامله زي الادمان ! الواحد بعد ما بيشوف حادثه كبيره ولا حاجه بيتعظ كده وأقول خلاص ... بعدها ب ساعه ارجع تاى , ربنا يهدينا يا رب ))

انا اتفرجت علي حوادث كتير وكنت بنزلهم من اليوتيوب عشان اتعظ وبردو مفيش فايده

**graffittiii** · 31-01-2012 08:27 PM

المشاركة الأصلية كتبت بواسطة Elawany13

ربنا يستر طريقنا .. ويسترها معاك ... ويطلعنا منها على خير

على فكرة يا أخى الفاضل أنا فى مشاركتى السابقة بنقد نفسى أولاً ثم باقى الناس اللى بتجرى
ساعات بردوا الشيطان بيلعب فى دماغى وبجرى على طريق القاهرة اسكندرية الزراعى

وبشد على الآخر
وبجيب

120 كم / ساعه

والله يباشا 120 ع الزراعي كتير بردو ... الطريق ده مستحيل يكون معمول باي مواصفات الطريق كله عالي واطي وكباري مفارقها أشبه بالخنادق وأسفلت زي الزفت ....(( الله يمسيهم بالخير اللي عملو طريق الأوتوبان لو شافو الزراعي بتاعنا كانو وقفو تصنيع العربيات أصلا )) ..
خليك علي 90 ...... أوعي تضرب

لو ع الصحراوي أعمل اللي أنت عاوزه ...

**ZOoOoMA** · 31-01-2012 08:45 PM

فعلا اي حد جديد في السواقه يبعد عن الشد و الغرز عشان هيا فعلا ادماان انا بحاول كتير اني افضل هادي و متهورش بس بلاقي حاجات بتحصل بتحرق الدم و الواحد بيقعد يتفرج على حوادث فظيعه و حاجات تكسر القلب و تخليك تخاف تركب عربيات اصلا و برضو ساعه ولا 2 و خلاص ولا كان الواحد شاف حاجه ب الرغم اني بحاول كتييييييير اكبح الشيطان و اوقفو عند حدو و امسك اعصابي بس ب الرغم من كده اوقات مبقدرش امسك نفسي و بتعرض لمواقف استفزازيه بتخليك غصب عنك تعمل كده ربنا يستر علينا و على كل الناس

**hosammoner** · 31-01-2012 08:51 PM

والله يا جماعة محدش بيبطل يجرى الا لما بيتقرص مرة واحتمال يرجع يجرى تانى بعدها وانا منهم بس الحمد لله سيطرت على نفسى ومرة فمرة مبقتش اجرى ربنا يسترها معانا

**AhMeD MeTwAlY** · 31-01-2012 11:57 PM

المشكله انت ربنا بيكرمك وبتهدي غيرك بيعصبك ببروده ولو موقف حصل ومسكت نفسك بيحصل التاني والتالت لحد لما تنفع اكتر (عن تجربه)

**Elawany13** · 01-02-2012 11:22 AM

المشاركة الأصلية كتبت بواسطة taiwo

والله يباشا 120 ع الزراعي كتير بردو ... الطريق ده مستحيل يكون معمول باي مواصفات الطريق كله عالي واطي وكباري مفارقها أشبه بالخنادق وأسفلت زي الزفت ....(( الله يمسيهم بالخير اللي عملو طريق الأوتوبان لو شافو الزراعي بتاعنا كانو وقفو تصنيع العربيات أصلا )) ..
خليك علي 90 ...... أوعي تضرب

لو ع الصحراوي أعمل اللي أنت عاوزه ...

معاك حق
وفعلا متوسط سرعتى بيكون 80 .. 90 أو أقل كامن
الـ 120 ديه لما يكون الطريق يسمح بكده مش على طول شويه كده وبهدى تانى