فايدة علبة البيئة وسحب العربية وتجربتي الشخصية

**MMamdouh** · 29-05-2008 06:12 PM

انا سعيد ان المناقشة لم تتجة الى خلافات شخصية... فعلا انتو ناس محترمة

MMamdouh

**eng_mkhalaf** · 31-05-2008 07:14 AM

شكرا على المعلومات والحورات الهادفة
بس من الأخر أشيل ولا أخليها - دية فى التوكيل ب 1200 بندق

**battikh** · 31-05-2008 08:47 AM

شيل يا عم وريح موتورك ، بس بيع

**ads** · 01-06-2008 09:48 AM

المشاركة الأصلية كتبت بواسطة battikh

شيل يا عم وريح موتورك ، بس بيع

دكتور ياسر الرسمه مش موجوده

**battikh** · 01-06-2008 10:33 AM

حقربلك الصورة لإني مش عارف أرفق صورة، إحنا قولنا إنها ماسورة جامدة زي اللي في السورة عند محمد بيه ممدوح، هو خرم الماسورة دي بطريقة عشوائية فتحات صغيرة جداً بمسدس الأكسجين، تمام ، بص بقى الحتة اللي جاية دي، عاوزك تتخيل معايا إن الماسورة دي عبارة عن عجينة على شكل ماسورة، وجيت إنت مسكتها من نصها وضميت عليها بإيدك إيه اللي حيحصل، هو ده شكل الماسورة اللي عملها الراجل

**nobody** · 02-06-2008 03:17 PM

المشاركة الأصلية كتبت بواسطة elpasha009

أستاذ nobody مين اللي قال إن معندكش علبة البيئة؟؟؟؟الانسر فيها العلبة ده وكنت عملت موضوع عن العلبة ده هنا:
http://www.nilemotors.net/Nile/showt...E1%C8%ED%C6%C9

لا على فكرة اللانسر الأردني ما فيهاش علبة بيئة انا نزلت تحت العربية بنفسي و اتاكدت

**د/ خالد** · 03-06-2008 05:45 AM

السلام عليكم ............. يا جماعه احنا هنا بنتناقش عشان نفيد بعض
انا سمعت عن الموضوع ده وارجو من اللي عنده خبره يساعدني او يبسطلي الموضوع شويه ...................
المشكله عندي انه كل يوم الصبح لما بدور العربيه بيبقى فيها هزززززه بسيطه وصوووت بخبخه بيرووح وبيجي وصوت البخبخه ده بيبقى من تحت تقريبا على الجنب اليمين وانا عربيتي نوبيرا ....................... الهززززه بتروووح لما العربيه تسخن ........ لكن البخبخه ديه احيانا ترووح لوحدها واحيانا نفضل موجوده ............... المهم وانا بغير زيت كنت جنب الميكانيكي بتاعي سالته عن الموضوع ده قالي دور العربيه وسمع صوووت البخبخه ده قالي هيا بتروح وتيجي لوحدها قلتله اه ........... قالي تبقى علبة البيئه اللي عندك في الشكمان اللي فيها الفحم عايزه تتسبت او الفحم اللي فيها متكسر وبيقعد يخبط جوا العلبه ............. قالي روح لبتاع الشكمان خليه يسبتلك علبة البيئه او يفصلهالك ..... انا طبعا كالعاده كسلت لانه ما حست الموضوع مهم قووووووي ............. وفي يوم علبة الشكمان اللي ورا اتخرمت ورحت الحمها لانه الخرم كان صغير واديت الراجل 10 جنيه وبعدين سالته عن موضوع علبة البيئه ده قالي اه يا بيه ديه بتعمل صوووت بخبخه معاك بتروح وتيجي ونزل عندها قعد يخبط فيها قالي يابيه ده الفحم اللي فيها اتكسر والعلبه عايزه تتربط ..... قالي احسن حاجه الغيلك العلبه ديه واركبلك ماسوره معدن بدلها ..... صوت العربيه هايهداااااا ...... وسحب العربيه ها يزيد .... و هاتوفر في البنزين ............................
انا بصراحه نفضتله ...... لاني ما كنتش فاهم حاجه عن موضوع علبة البيئه ديه وخفت لاينصب عليا وغير كده لو العلبه ديه فيها العيوب ديه كلها يبقى المصنع عمل العلبه ديه ليه ؟؟
يا ريت لو حد عنده راي في الموضوع ده يقلي على الحلول

**MMamdouh** · 03-06-2008 10:02 AM

شيل العلبة بس متسيبهاش... انا بعت علبتى ب 200 جنية

العلبة معمولة عشان قوانين البيئة الللى فى كل دول العالم الا مصر و فى اى بلد مش قانونى ان اى عربية تمشى من غير علبة البيئة و لو باظت بتشترى واحدة جديدة و تركبها اما فى مصر فا قانونى انك تمشى بعربية مفوتة اصلا و بالتالى محدش حيقولك علبة بيئة و لا كلام من دة

MMamdouh