احلى حاجة الكل بيقول و خلاص و هو اصلا ما جربش هيونداى يعنى معظم اللى ليهم ردود هنا معاهم عربيات مش هيونداى بس لاقوا فيه ناس بتقول لا هيونداى بعد اليوم قالوا ندخل نقول احنا كمان هى جت علينا ؟!
و بعدين واحد بقوله من بعد التطوير و الموديلات العالية زى ماتريكس و النترا و سوناتا يقوللى اكسنت و فيرنا القديمة كمان
و واحد تانى يقول هيونداى ضمن اسوأ عشر عربيات فى امريكا كأن هيونداى ديه عربية واحدة دخلت ضمن اسوأ عشر عربيات يعنى اللى بيقول ده مش عارف اصلا ايه النوع اللى دخل ضمن اسوأ عشر عربيات .. لانه مولد و صاحبه غايب و الكل بيشارك مادام مفيش تعب !
و المفاجأة بتقولوا العربية ديه ضمن اسوا عشر عربيات فى امريكا .. لأ ميتسوبيشى لانسر شارك الجديدة (اليابانى زى الناس ما بتقول) ضمن اسوأ 100 عربية فى التاريخ !
يابانى اهيه فين الجودة و الاعتمادية بقى ؟
ياريس ضمن اسوأ عشر عربيات فى امريكا برده ياريس مش يابانى برده زى ما بتقولوا ؟ ردوا عليا .. ما تقعدوش تتكلموا و خلاص بلا اى اثبات
و كمان النترا ضمن احسن عشر عربيات من الحجم المتوسط فى امريكا و تفوقت فى الترتيب على ميتشوبيشى لانسر شارك و مازدا 3
تجيبها كده تجيبها كده .. هو الشعب المصرى كده يحب جنازة و يشبع فيها لطم و هو مش عارف مين اللى ميت اصلا !
المفضلات